Wutworjeny:
Zhońće, kak móžeće Firefox přesunyć, instalować abo z nim na nowy grat přećahnyć. Hdyž swoje zawěsćenje Firefox Sync zmóžnjeće, hdyžkuli swój telefon abo ličak do noweho grata měnjeće, móžeće Firefox instalować, bjeztoho zo byšće swoje daty zhubił. Waše zapołožki, waša přehladowanska historija, waše hesła a waše wočinjene rajtarki z wami wěsće přećahuja.
Zawěsćenski asistent
Husto stajene prašenja
Kak móžu swoje daty pozdźišo zawěsćić?
Jeli njemóžeće tuchwilu zawěsćenje datow přewjesć, móžeće to pozdźišo z menija Firefox činić. Slědowace kroki dyrbiće přewjesć:
- Klikńće na menijowe tłóčatko
horjeka naprawo na wobrazowce.
- Klikńće na .
- Klikńće na .
- Přewjedźće kroki w konfiguraciskim asistenće, zo byšće swoje daty zawěsćił.
Što móžu činić, jeli sym swoje hesło zhubił?
Zo byšće přistup k swojim zawěsćenym datam Firefox dóstał, dyrbiće so pola samsneho konta Mozilla přizjewić, kotrež sće na swojim starym graće wužiwał. Jeli sće swoje hesło zabył, dyrbiće jo z pomocu wobnowjenskich klučow wróćo stajić. Hdyž swoje hesło bjez wobnowjenskich klučow wróćo stajeće, so wšě waše daty z přičinow wěstoty zhašeja.
Kotre daty so do zawěsćenja zapřijimaja?
W tutym procesu slědowace daty zawěsćamy:
- Zapołožki
- Historija
- Lisćiny wočinjenych rajtarkow
- Hesła
- Składowane adresy
- Składowane kreditne kartyPłaćenske metody
- Instalowane přidatki
- Wubrane nastajenja
Móžu wubrać, kotre daty maja so synchronizować?
Haj, móžeće w kroku 2 asistenta daty wubrać, kotrež chceće synchronizować, hdyž na wotkaz nastajenja wobhladowaka klikaće. Móžeće tež to pozdźišo změnić, hdyž kroki w Kotre typy informacijow móžu z Firefox synchronizować? přewjedźeće.
Kak wobchadźeće z mojimi datami?
Hdyž swoje daty zawěsćeće, so waša historija, waše hesła, waše adresy a waše kreditne karty zapřijimaja. Njehromadźimy wšak tute informacije a jenož wy maće přistup k nim. Tu je lisćina husto stajenych prašenjow wo tym kak z wužiwarskimi datami wobchadźamy.
Móžu swoje daty bjez konta Mozilla zawěsćić?
Haj. Móžeće zhonić, kak móžeće daty swojeho wobhladowaka składować, bjeztoho zo byšće dyrbjał za konto registrować, hdyž kroki w Daty w profilach Firefox zawěsćić a wobnowić přepruwujeće.
