Adresowe polo w Firefox za Android wam wosnadnja namakać, za čimž pytaće. Zapodajće pytanske wurazy abo webadresu, zo byšće pytanske namjety na zakładźe swojich wočinjenych rajtarkow, zapołožkow, historije a pytawow dóstał – wšitko w samsnym polu.
Zapis wobsaha
Pytanje z klučowymi słowami
Z wašej standardnej pytawu pytać
Hdyž z adresowym polom pytaće, so waša standardna pytawa wužiwa. Zapodajće swój pytanski wuraz do adresoweho pola a podótkńće so ✓.
Z druhej pytawu pytać
Zo byšće druhu pytawu za pytanje wužiwał:
- Započńće pytanski wuraz do adresoweho pola zapodawać.
- Podótkńće so a potom druheje pytawy.
- Dokónćće swoje pytanje a podótkńće so ✓.
Pytanske namjety
Firefox relewantne pytanske wurazy namjetuje, a samo rozrisanja nastupajo wotmołwu abo nadawk, za kotrymajž pytaće. Tu su někotre přikłady pytanskich namjetow.
Namjety klučowych słowow
Hdyž započnjeće do adresoweho pola pisać, Firefox relewantne woblubowane pytanske wuslědki namjetuje, kotrež z pytawow kaž Google, Bing atd. pochadźeja. Hdyž pytanske namjety su zmóžnjene, so tekst, kotryž zapodawaće, na standardnu pytawu sćele, kotraž słowa analyzuje a lisćinu podobnych pytanjow pokazuje. Podótkńće so namjeta, zo byšće pytanje aktiwizował.
Sydłowe namjety
Hdyž do adresoweho pola pisaće, móže Firefox relewantne sydłowe namjety poskićić, kotrež na wašich naprašowanjach bazuja, zo by wam pomhał, po webje nawigować. Móžeće prěnje tři najbóle relewantne namjety z historije přidatnje k namjetam widźeć, kotrež na wočinjenych rajtarkach a zapołožkach bazuja. Podótkńće so namjeta, zo byšće pytanje aktiwizował
