Hdyž sej websydło w Firefox wobhladujeće, móžeće na stronje za słowami, wurazami abo wotkazami pytać. Firefox wam pokaza, hdźež so přichodny wustupowanje wašeho zapodateho wuraza na stronje jewi a wam zmóžnja, wšě wustupowanja na stronje wuzběhnyć.
Zapis wobsaha
Pytansku lajstu wužiwać
Zo byšće na stronje za tekstom pytał:
- Klikńće na menijowe tłóčatko Wobraz "fx57menu" njeeksistuje. a potom na abo wužiwajće tastowa skrótšenku Strgcmd ⌘+F. Pytanska lajsta so deleka we woknje zjewi.
- Zapodajće wuraz do pytanskeho pola. Firefox prěnje wustupowanje wašeho pytanskeho wuraza wuzběhnje, mjeztym zo pisaće.
- Jeli nastajenje Wšě wuzběhnyć je wubrane, so tež wšě druhe wustupowanja w druhej barbje wuzběhuja.
- Čisło runje wuzběhnjeneho wustupowanja a cyłkowna ličba wustupowanjow so w pytanskej lajsće pokazuja. Jeli ničo njeje so namakało, so tekst Pytanski wuraz njeje so namakał pokazuje.
- Klikńće na šipkaj Dale a Wróćo, zo byšće wot wustupowanja do wustupowanja skočił.
- Klikńće na X abo tłóčće Esc, zo byšće pytansku lajstu začinił.
Móžeće jedne ze slědowacych nastajenjow zmóžnił abo znjemóžnił, zo byšće pytanske wuslědki změnił:
- Wšě wuzběhnyć: Wuzběhnje wšě wustupowanja, kotrež pytanskemu wurazej wotpowěduja, kotryž sće zapodał. Klikńće hišće raz, zo byšće wuzběhnjenje znjemóžnił.
- Na wulkopisanje dźiwać: Jeli to je zmóžnjene, pytanje mjez mało- a wulkopisanjom rozeznawa. Hdyž za pytanskim wurazom pytanje pytaće, namakaće w normalnym padźe tež wšě wustupowanja pytanskeho wuraza Pytanje na stronje, hdyž pytansku lajstu wužiwaće. Jeli je tute nastajenje wubrana, so jenož instancy pytanskeho wuraza namakaja, kotryž sće zapodał.
- Na diakritiske znamješka dźiwać: Hdyž tute nastajenje je wubrane, pytanje mjez pismikami z akcentami a wotpowědnymi pismikami bjez akcentow rozeznawa. Na přikład pytanje za stołc stólc njenamaka.
- Cyłe słowa: To jenož cyłe słowa wuzběhnje, kotrež wašemu pytanju wotpowěduja.
Spěšne pytanje
Polo spěšneho pytanja je wužitne za spěšne pytanja a zhubi so po mało wokomikach.
Tłóčće tastu / (normalna nakósna smužka), hdyž w tekstowym polu njejsće, zo byšće polo za spěšne pytanje wočinił. Zapisajće potom, za čimž chceće pytać.
Polo spěšneho pytanja wšě wodźenske elementy a nastajenja pytanskeje lajsty nima, jenož pytanske polo a tłóčatko „Začinić“ (x), ale pytanje měri so po nastajenjach, kotrež su w połnej pytanskej lajsće wubrane. Wubrane nastajenja su pódla pytanskeho pola.
Zo byšće polo spěšneho pytanja začinił, čakajće mało wokomikow, doniž so njezhubja, abo tłóčće tastu Esc na tastaturje, zo byšće hnydom začinił. Móžeće něhdźe na městno w Firefox kliknyć, kotrež w polu spěšneho pytanja njeje, zo byšće jo začinił.
Jenož wotkazy pytać
Jeli chceće jenož wurazy namakać, kotrež we wotkazach na stronje wustupuja, kotruž sej wobhladujeće:
- Tłóčće ' (jednora pazorka), mjeztym w tekstowym polu njejsće, zo by so polo spěšneho pytanja (jenož wotkazy) zjewiło.
- Zapisajće pytanski wuraz do pola spěšneho pytanja (jenož wotkazy). Prěni wotkaz, kotryž zapisany wuraz wobsahuje, so wubjerje.
Na stronje awtomatisce pytać, mjeztym zo pisaće
Firefox móže za wurazami pytać, kotrež sće zapodał, bjez toho, zo byšće do toho pytansku lajstu wočinił. Zo byšće tutu funkciju zmóžnił:
- Klikńće w menijowej lajsće horjeka na wobrazowce na a wubjerće potom , po wersiji macOS.Klikńće na menijowe tłóčatko
a wubjerće .
- Wubjerće wokno .
- Nawigujće k wotrězkej Přehladowanje.
- Stajće hóčku pódla Při pisanju pytać.
- Začińće stronu . Wšě změny, kotrež sće přewjedł, budu so awtomatisce składować.
Po tym zo sće tutu funkciju zmóžnił, so polo spěšneho pytanja awtomatisce pokaza, hdyž do websydła zwonka tekstoweho pola pisaće.
Tastowe skrótšenki
- Tłóčće Strgcmd ⌘+F, zo byšće pytansku lajstu pokazał.
- Tłóčće /, zo byšće polo spěšneho pytanja pokazał, hdyž sće zwonka tekstoweho pola.
- Tłóčće ', zo byšće polo spěšneho pytanja pokazał (jenož za wotkazy), hyž sće zwonka tekstoweho pola.
- Tłóčće Strgcmd ⌘+G abo F3, zo byšće přichodne wustupowanje swojeho pytanskeho wuraza abo wotkaz wuzběhnył, samo hdyž polo za spěšne pytanje widźomne njeje.
- Tłóčće ⇧+Strgcmd ⌘+G abo ⇧+F3, zo byšće předchadne wustupowanje wuzběhnył.
- Tłóčće Esc, zo byšće runje widźomnu pytansku lajstu začinił, mjeztym zo ma fokus a přetorhńće wuzběhnjenje.
