Hdyž e-mejlowe konto konfigurujeće, móže Thunderbird husto najwjace konfiguracije awtomatisce činić. (Hlejće Awtomatiska kontowa konfiguracija za dalše informacije.) Dyrbiće wšak swoje konto manuelnje konfigurować, jeli waš e-mejlowy poskićowar w datowej bance awtomatiskeje konfiguracije Thunderbird njeje, abo jeli njestandardnu e-mejlowu konfiguraciju maće. Tuta strona budźe wam zakładne nastajenja pokazować, kotrež trjebaće, zo byšće mejlki pósłał a dóstał.
Jeli konto, kotrež sće awtomatisce załožił, je so IMAP-serwerej město POP-serwera připokazał, hlejće nastawk FAQ Changing IMAP to POP.
Zo byšće konto manuelnje konfigurował, trjebaće slědowace podrobnosće, kotrež móže wam waš e-mejlowy poskićowar dać.
- serwer a port za dochadźacu e-mejl (na přikład "pop.example.com" a port 110 abo "imap.example.com" a port 143)
- serwer a port za wuchadźacu e-mejl (na přikład "smtp.example.com" a port 25)
- wěstotne nastajenja za zwisk ze serwerom (na přikład "STARTTLS" abo "SSL/TLS" a hač so ma wěstna awtentifikacija wužiwać abo nic)
Wočińće najprjedy kontowe nastajenja: Klikńće w menijowej lajsće Thunderbird na meni a wubjerće , abo klikńće na tłóčatko nałoženskeho menija 
a wubjerće a z podmenija. Kóžde e-mejlowe konto abo konto diskusijneje skupiny, kotrež je so skonfigurowało, so nalěwo w dialogu kontowych nastajenjow nalistuje. Tute konta rjadowakam na najwyšej runinje wotpowěduja, kotrež so w lisćinje „Wšě rjadowaki“ pokazuja.
Klikńće deleka w lěwym wobłuku na tłóčatko Kontowe akcije a wubjerće E-mejlowe konto přidać….
Zapodajće podrobnosće swojeho e-mejloweho konta a klikńće na Dale. Thunderbird budźe pospytować, waše kontowe nastajenja na zakładźe dźělneje domeny wašeje e-mejloweje adresy postajić (to je dźěl za symbolom „@“). Klikńće potom na Manuelna konfiguracija a wobdźěłajće serwerowe mjena, porty a IMAP/POP, zo byšće konto manuelnje konfigurował. Klikńće na Znowa testować, zo byšće swoje manuelne nastajenja testował; wy měł spěšnu wotmołwu dóstać, kotraž podawa, zo nastajenja su płaćiwe. Jeli nic, klikńće na tłóčatko Zastajić, zo byšće pytanje přetorhnył, wobdźěłajće potom serwerowe mjena, porty a IMAP/POP a klikńće znowa na Znowa testować. (Abo móžeće pytanju dowolić, standardne kontowe podrobnosće wužiwać a potom pozdźišo nastajenja manuelnje změnić.)
Wuchadny serwer konfigurować
Wjacore e-mejlowe konta móža samsny wuchadny SMTP-serwer wužiwać. Tohodla so SMTP-serwery separatnje wot e-mejlowych kontow wutworjeja. Wubjerće w dialogu Kontowe nastajenja w lěwym wobłuku Wuchadny serwer (SMTP) deleka w lisćinje. Budźe snano zapisk we wuchadźacel lisćinje, kotryž so wutwori, hdyž sće swoje kontowe podrobnosće zapodał. Wobdźěłajće pak tón zapisk pak přidajće nowy zapisk.
Dalši přikład: Gmail-konto so takle konfiguruje:
- Serwerowe mjeno: smtp.gmail.com
- Port: 587
- Wužiwarske mjeno a hesło: zmóžnjenej
- Wužiwarske mjeno: Waš wužiwarski ID Gmail bjez sufiksa „@gmail.com“ (na přikład jeli waša e-mejlowa adresa je serb@gmail.com, da je waše wužiwarske mjeno „serb“). Jeli Google Apps za domeny wužiwaće, wužiwajće swoju adresu (na přikład „serb@wašadomena.de").
- Zwiskowa wěstota: STARTTLS
Po tym zo sće informacije wo nowym wuchadnym serwerje składował, wubjerće swoje nowe e-mejlowe konto z lisćiny. Wubjerće w polu Wuchadny serwer (SMTP) SMTP-serwer z wuběranskeje lisćiny. Druhe zapiski na stronje su so awtomatisce wutworili, hdyž sće kontowe podrobnosće zapodał - změńcé a rozšěrće je, jeli trjeba.
Klikńće na nastajenje Serwerowe nastajenja pod swojim nowym kontom. Přeswědčće so, zo zapiski w slědowacych polach nastajenjam wotpowěduja, kotrež je wam waš e-mejlowy poskićowar dał:
Po tym zo sće tute změny składował, móžeće mejlki słać a dóstawać. Druhe aspekty kontoweje konfiguracije su opcionalne a samowujasnjace.
Hlejće tež
- 13. Account Setup w přiručce FLOSS Thunderbird.
