Firefox za Android wam zmóžnja, wjacore rajtarki lochko wutworić a rjadować. Tutón nastawk pokaza, kak móžeće to činić.

Hdźe su moje rajtarki?

Wšě waše wočinjene rajtarki so w lisćinje rajtarkow składuja. To so tam stawa, hdźež so nowy rajtark wočinjeće.

Podótkńće so rajtarkoweho symbola pódla adresoweho pola, zo byšće lisćinu rajtarkow wočinił. Ličba podawa, kelko wočinjenjenych rajtarkow maće.

Priwatne rajtarki

Móžeće tež sydła w priwatnym modusu pokazać, jeli nochceće, zo sej Firefox waše přehladowanje abo pytansku historiju spomjatkuje. Je separatna lisćina rajtarkow za waše priwatne rajtarki.

Zo byšće sej swoje wočinjene priwatne rajtarki wobhladał:

Podótkńće so rajtarkoweho symbola pódla adresoweho pola, zo byšće lisćinu rajtarkow wočinił. Ličba podawa, kelko wočinjenjenych rajtarkow maće.

1. Podótkńće so symbola priwatneho modusa , zo byšće sej swoje wočinjene priwatne rajtarki wobhladał.

Synchronizowane rajtarki

Hdyž sće swoje darmotne konto Mozilla w Firefox za Android konfigurował, móžeće swoje zapołožki, přizjewjenja, wočinjene rajtarki a přehladowansku historiju mjez swojimi gratami synchronizować. Je separatna lisćina rajtarkow, hdźež móžeće sej swoje synchronizowane rajtarki wobhladać a je wočinić.

Zo byšće sej swoje synchronizowane rajtarki wobhladał: Podótkńće so rajtarkoweho symbola pódla adresoweho pola, zo byšće lisćinu rajtarkow wočinił. Ličba podawa, kelko wočinjenjenych rajtarkow maće.

1. 

2. Podótkńće so synchronizowanskeho symbola , zo byšće sej swoje wočinjene synchronizowane rajtarki wobhladał.

Kak móžu rajtark wočinić?

Nowy prózdny rajtark wočinić

Podótkńće so rajtarkoweho symbola pódla adresoweho pola, zo byšće lisćinu rajtarkow wočinił. Ličba podawa, kelko wočinjenjenych rajtarkow maće.

• Zo byšće nowy rajtark wočinił, podótkńće so tłóčatka deleka naprawo w lisćinje rajtarkow.
• Zo byšće nowy rajtark w priwatnym modusu wočinił, podótkńće so maskoweho symbola, zo byšće priwatne rajtarki pokazał a podótkńće so tłóčatka + PRIWATNY.

Wotkaz w nowym rajtarku wočinić

1. Zo byšće wotkaz w nowym rajtarku wočinił, podótkńće so wotkaza dołho, zo byšće kontekstowy meni wočinił.
2. Podótkńće so Wotkaz w nowym rajtarku wočinić w kontekstowym meniju, abo wubjerće Wotkaz w priwatnym rajtarku wočinić, zo byšće wotkaz w swojich priwatnych rajtarkach wočinił.
3. Zo byšće spěšnje k swojemu nowemu rajtarkej přešoł, podótkńće so nastajenje PŘEPINAĆ, kotrež so hnydom zjewi, po tym zo sće nowy rajtark wočinił.

Wočinjeny rajtark znowa začitać

Zo byšće rajtarl znowa začitał, ćehńće jón prosće z hornjeje kromje wobrazowki, mjeztym zo sej rajtark wobhladujeće. To budźe webstronu aktualizować a nowe informacije abo změny pokazować.

Zo byšće tutu funkciju znjemóžnił:

1. Podótkńće so třoch dypkow deleka naprawo na wobrazowce.
2. Podótkńće so Nastajenja.
3. Podótkńće so Přiměrić.

   

4. Podótkńće so pod gestami suwak pódla Ćehńće, zo byšće aktualizował.

   

Napohlad wočinjenych rajtarkow změnić

Móžeće swoje wočinjene rajtarki w napohledźe Lisćina abo Lěsyca pokazać.

Zo byšće postajił, kak so waše wočinjene rajtarki pokazuja:

1. Podótkńće so rajtarkoweho symbola pódla adresoweho pola, zo byšće sej lisćinu rajtarkow wobhladał. Ličba podawa, kelko wočinjenych rajtarkow maće.
2. Podótkńće so menijoweho tłóčatka třoch dypkow w lisćinje rajtarkow.

   

3. Podótkńće so Nastajenja rajtarkow.

   

4. Wubjerće pod Rajtarkowy napohlad pak napohlad Lisćina pak napohlad Lěsyca.

   

Do toho začinjene rajtarki zaso wočinić

Kak móžu rajtarki začinić?

Wočinjeny rajtark začinić

1. Podótkńće so rajtarkoweho symbola pódla adresoweho pola, zo byšće lisćinu rajtarku wopytał. Ličba podawa, kelko wočinjenych rajtarkow maće.

   

2. Podótkńće so ✕ kóždeho rajtarka, kotrež chceće začinić, w lisćinje rajtarkow.
3. Zdźělenka Rajtarki začinjene so krótko zjewi, podótkńće so COFNYĆ, zo byšće tute rajtarki zaso wočinił.

   

Wšě wočinjene rajtarki začinić

1. Podótkńće so rajtarkoweho symbola pódla adresoweho pola, zo byšće lisćinu rajtarku wopytał. Ličba podawa, kelko wočinjenych rajtarkow maće.

   

2. Wubjerće Wšě rajtarki začinić z tłóčatka menija třoch dypkow

   

3. Zdźělenka Rajtarki začinjene so krótko zjewi, podótkńće so COFNYĆ, zo byšće tute rajtarki zaso wočinił.

   

Wočinjene rajtarki awtomatisce začinić

Móžeće Firefox za Android tak nastajić, zo by rajtarki po jednym dnju, jednym tydźenju abo jednym měsacu začinił. Firefox rajtarki po standardźe awtomatisce njezačinja. Čitajće tutón nastawk, zo byšće zhonił, kak móžeće nastajić, zo so waše rajtarki přeco awtomatisce začinjeja.

Inaktiwne rajtarki

Rajtarki, kotrež njejsće sej dwě njedźeli wobhladał, so do inaktiwneho wotrězka přesunu. Tute nastajenje je po standardźe nastajene. Zo byšće tute nastajenje změnił:

1. Podótkńće so rajtarkoweho symbola pódla adresoweho pola, zo byšće lisćinu rajtarku wopytał. Ličba podawa, kelko wočinjenych rajtarkow maće.

   

2. Podótkńće so tłóčatka menija třoch dypkow w lisćinje rajtarkow.

   

3. Podótkńće so Nastajenja rajtarkow.

   

4. Podótkńće so pod Stare rajtarki do inaktiwneho wotrězka přesunyć suwaka pódla Rajtarki, kotrež njejsće sej dwě njedźeli wobhladał, so do inaktiwneho wotrězka přesunu, zo byšće jón znjemóžnił (šěry) abo zmóžnił (wioletny).

   

Inaktiwne rajtarki manuelnje začinić

1. Podótkńće so rajtarkoweho symbola pódla adresoweho pola, zo byšće lisćinu rajtarku wopytał. Ličba podawa, kelko wočinjenych rajtarkow maće.

   

2. Podótkńće so symbola papjernika pódla Inaktiwne rajtarki, zo byšće wšě rajtarki w tym wotrězku začinił.
3. Nimo toho móžeće so šipka dele pódla Inaktiwne rajtarki podótknyć, zo byšće lisćinu rajtarkow pokazał, kotrež móžeće jednotliwje začinić.