Wokno Info wo stronje w Firefox podrobne informacije wo websydle pokazuje, kotrež wopytujeće – mjez nimi wěstotny status, medijowe dataje a specifiske prawa sydła. Zmóžnja wam tež wěste změny přewjesć, na při. blokowanje awtomatiskeho wothrawanje abo wodźenje přistupa kamery.

Tutón nastawk wam pomha:

• rozumić, štož kóždy wotrězk we woknje informacijow strony woznamjenja
• prawa za aktualne sydło změnić
• zhonić, štož Firefox jako „wěsty“ definuje
• zhonić, štož móžeće a njemóžeće přepisać

Wokno „Info wo stronje“ wočinić

Móžeće wokno Info wo stronje na wjacore wašnja wočinić:

1. Klikńće na zamkowy symbol nalěwo w adresowym polu.
2. Klikńće na šipk we wuskakowacym woknje Sydłowe informacije.
3. Wubjerće Dalše informacije.

Druhe móžnosće:

• Jeli menijowa lajsta je zmóžnjena, klikńćeKlikńće w menijowej lajsće na Nastroje a wubjerće Info wo stronje z wuběranskeho menija.
• Wužiwajće tastowu skrótšenku Strg + Icmd ⌘ + I.

Što móžeće a njemóžeće z wokna Info wo stronje změnić

Wokno Info wo stronje někotre direktne změny prawow zmóžnja (hlejće wotrězk Prawa deleka). Druhe změny prawow dyrbja so w nastajenjach Firefox přiměrić abo njedadźa so z wěstotnych přičinow změnić.

Wotrězki wokna Info wo stronje

Powšitkowne

Pokazuje zakładne podrobnosće strony:

• Titul – Titul strony, kotryž so we wašim rajtarku pokazuje
• Adresa – URL websydła
• Typ – Typ dataje abo dokumenta, kotryž strona ma (na přikład text/html)
• Zwobraznjenski modus – Hač Firefox stronu w standardnym modusu abo w modusu Quirks zwobraznjuje
• Tekstowe kodowanje – Kak so znamješka na stronje interpretuja
• Wulkosć – wulkosć strony
• Změnjeny – hdy strona je so posledni raz zaktualizowała

Medije

Nalistuje wšě wobrazy, pozadkowe dataje a druhe medije, kotrež so ze stronu začitaja. Móžeće:

• sej datajowy typ, wulkosć a wotměry wobhladać
• sej přehlad wobrazow wobhladać
• jednotliwe elementy na swojim graće składować

}

Prawa

Slědowace nastajenja móžeće dowolić abo blokować:

• přistup ke kamerje abo mikrofonej
• přistup ke gratam MIDI
• přistup ke gratam wirtuelneje reality
• přistup k wašemu stejnišću
• instalowanje přidatkow
• wuběranje wótřerěčakow
• stajenje plackow
• dźělenje wobrazowki
• składowanje datow w trajnym składowaku
• přeńdźenje k tutomu rajtarkej
• wočinenje wuskakowacych woknow
• słanje zdźělenkow
• awtomatiske wothrawanje medijow
• přepisowanje tastowych skrótšenkow
• wužiwanje trajneho składowaka

}

Zo byšće prawo přepisał:

1. Wotstrońće hóčku před Standard wužiwać.
2. Wubjerće Dowolić, Blokować abo Přeco so prašeć.

Wěstota

Identita websydła

• Websydło – Pokazuje domenu sydła.
• Wobsedźer – Pokazuje so jenož, jeli je so wot certifikowanišća přepruwowało.
• Přepruwowany wot – Certifikowanišćo, kotrež je certifikat sydła wudało.
  • Klikńće na tłóčatko Certifikat sej wobhladać, zo byšće certifikat websydła widźał.

Čehodla móhł Firefox prajić, zo sydło je „njewěste“: Firefox přepruwuje, hač websydło HTTPS z płaćiwym certifikatom wužiwa. Samo hdyž sydłu dowěrjeće, trjeba Firefox techniski dopokaz za to, zo je zaklučowane. Sydło ze spadnjenym abo samosignowanym certifikatom warnowanje wuwabi.

Priwatnosć a historija

• Sym tute websydło do dźensnišeho wopytał?: Pokazuje, hač sće domenu do toho wopytał. Jeli so to wopak zda, je snano historija zhašana abo sće w priwatnym modusu.
• Składuje tute websydło informacije wo mojim ličaku?: Pokazuje, hač placki abo składowak so wužiwaja. Móžeće na Placki a sydłowe daty zhašeć za tutu domenu kliknyć.
• Sym hesła za tute websydło składował?: Pokazuje, hač Firefox je přizjewjenske daty składował. Klikńće na Składowane hesła sej wobhladać, zo byšće zrjadowak hesłow wočinił.

Podobne nastawki

• Wobsahowe typy a sćehnjenske akcije w Firefox
• Allow or block media autoplay in Firefox
• How to manage your camera and microphone permissions with Firefox
• Site Permissions panel