Zhońće, kak móžeće w Firefox za Android dataje sćahnyć a k nim přistup měć.

Kak móžeće dataju sćahnyć

Dataju sćahnyć

1. Podótkńće so sćehnjenskeho wotkaza.
2. Sćehnjenske wobkrućenje so zjewi, kotrež mjeno a wulkosć dataje pokazuje.
   Podótkńće so tłóčatka Sćahnyć, zo byšće wobkrućił, zo chceće dataju sćahnyć.

   

3. Hdyž sćehnjenje je dokónčene, so zdźělenka Sćehnjenje dokónčene zjewi.
   Podótkńće so tłóčatka Wočinić, zo byšće dataju z tym nałoženjom pokazał, kotrež je na wašim graće zainstalowane.

   

PDF-dataju sćahnyć

1. Klikńće na wotkaz dataje PDF, kotruž chceće sćahnyć. Dataja PDF so w Firefox awtomatisce wočini.
2. Podótkńće so třoch dypkow deleka naprawo na wobrazowce.
3. Podótkńće so W nałoženju wočinić, zo byšće dataju w swojim wobhladowaku PDF wočinił.

   

Móžeće tež k swojim sćehnjenym datajam nawigěrować, hdyž so třoch dypkow deleka naprawo na wobrazowce dótkaće a podótkńće so potom Sćehnjenja, zo byšće lisćinu swojich sćehnjenych datajow widźał.

Wobraz sćahnyć

1. Podótkńće so wobraza a dźeržće wobraz, kotryž chceće sćahnyć.
2. Wubjerće Wobraz składować.
3. Hdyž sćehnjenje je dokónčene, so zdźělenka Sćehnjenje dokónčene zjewi.
   Podótkńće so tłóčatka Wočinić, zo byšće wobraz pokazał.

   

Sćehnjene dataje pokazać a zhašeć

Móžeće swoje sćehnjene dataje ze sćehnjenskeje strony w Firefox pokazać a zhašeć.

1. Podótkńće so menijoweho tłóčatka
   
2. Podótkńće so Sćehnjenja. Lisćina datajow, kotrež su so w Firefox za Android sćahnyli, so zjewi.
3. Podótkńće so dataje w lisćinje, zo byšće ju wočinił.

Sćehnjenje wotstronić:

1. Podótkńće so symbola papjernika naprawo pódla dataje, kotruž chceće z lisćiny sćehnjenjow wotstronić. Wobkrućenska zdźělenka so krótko zjewi, z móžnosću COFNYĆ.

Wšě sćehnjenja wotstronić:

1. Podótkńće so jednoho z datajow w lisćinje a dźeržće tłóčenu, zo byšće wjacore zapiski wubrał.
2. Podótkńće so třidypkoweho tłóčatka naprawo.
3. Podótkńće so Wšě wubrać w meniju.
4. Podótkńće so znowa třidypkoweho tłóčatka.
5. Wubjerće Wotstronić w meniju.

Zdźělenka z móžnosću COFNYĆ krótko zhašenje lisćiny sćehnjenjow wobkruća. Dataje so z grata njewotstronja.

Sćehnjene dataje filtrować

Móžeće swoje sćehnjene dataje wot strony Sćehnjenja w Firefox filtrować. Přewjedźće slědowace kroki.

1. Podótkńće so třoch dypkow horjeka naprawo na wobrazowce, zo byšće meni wočinił.

   

2. Wubjerće Sćehnjenja, zo byšće wšě sćehnjenja wočinił, kotrež sće w Firefox přewjedł.
3. Podłu hornjeje kromy na wobrazowce budźeće rozdźělne datajowe typy widźeć. Wubjerće kategorju, zo byšće sćehnjenja widźał, kotrež su za tu skupinu relewantne abo wubjerće Wšě, zo byšće wšě datajowe sćehnjenja widźał, kotrež su k dispoziciji.

   

Sćehnjenja dźělić

1. Podótkńće so třoch dypkow horjeka naprawo na wobrazowce, zo byšće meni wočinił.

   

2. Wubjerće Sćehnjenja, zo byšće wšě sćehnjenja wočinił, kotrež sće w Firefox přewjedł.
3. Wubjerće pola sćehnjenja, kotrež chceće dźělić, třidypkowy meni
4. Mały meni so wočini, pódótkńće so URL dźělić abo Dataju dźělić.

   

5. Wubjerće nałoženje abo platformu, pola kotrejuž chceće sćehnjenje dźělić.

Podobne nastawki

• Rjadowaki zapołožkow w Firefox za Android rjadować
• Jako zapołožki składowane webstrony w Firefox za Android přidać, zhašeć a pokazać