Firefox z policies.json přiměrić

Směrnicowa podpěra da so z pomocu dataje JSON z mjenom policies.json implementować. Na rozdźěl wot wodźenja Firefox z pomocu skupinskich směrnicow je policies.json kompatibelna přez platformy, štož ju k preferowanej metodźe za předewzaćelske wokoliny čini, kotrež maja dźěłowe stacije, kotrež rozdźělne dźěłowe systemy wužiwaja.

Zo byšće tutu směrnicowu podpěru implementował, dyrbiće dataju policies.json wutworić. Wutworće na Windows zapis z mjenom distribution, hdźež EXE je a składujće dataju tam. Na Mac dyrbi dataja w Firefox.app/Contents/Resources/distribution być. Na Linux dyrbi dataja do zapisa firefox/distribution, hdźež firefox je instalaciski zapis za Firefox, kotryž po distribuciji wariěruje – abo składujeće dataju do /etc/firefox/policies, zo byšće systemadaloke směrnicy podał.

Dataja policies.json tak wupada:

{
 "policies": {
   "BlockAboutConfig": true
 }
}

W tutym přikładźe stajamy směrnicu BlockAboutConfig na true, štož rěka, zo wužiwar přistup k stronje about:config nima.

Najnowše informacije wo wašich směrnicach su na https://mozilla.github.io/policy-templates/ abo na stronje about:policies#documentation w Firefox k dispoziciji.