Móžeće kóždy čas z pomocu nałoženja Firefox za Android swoju přehladowansku historiju zhašeć.

Přehladowanske daty manuelnje zhašeć

1. Podótkńće so menijoweho tłóčatka
   
2. Podótkńće so menija Nastajenja
3. Podótkńće so Přehladowanske daty zhašeć we wotrězku Priwatnosć a wěstota.
4. Wubjerće daty, kotrež chceće zhašeć:
   • Wočinjene rajtarki
   • Přehladowanska historija a sydłowe daty
   • Placki a sydłowe daty
   • Pufrowane wobrazy a dataje
   • Sydłowe prawa
   • Sćehnjenja
5. Podótkńće so Přehladowanske daty zhašeć.

Wěstu webstronu z wašeje přehladowanskeje historije zhašeć

1. Podótkńće so menijoweho tłóčatka
   
2. Podótkńće so Historija.
3. Podótkńće so ✕ pódla zapiska, kotryž chceće zhašeć.

Wjacore webstrony z wašeje přehladowanskeje historije zhašeć

1. Podótkńće so menijoweho tłóčatka
   
2. Podótkńće so Historija.
3. Dótkńće so dołho jednoho ze zapiskow, kotryž chceće zhašeć
4. Podótkńće so druhich zapiskow, kotrež chceće zhašeć, zo byšće je wubrał.
5. Podótkńće so meni třoch dypkow horjeka na stronje.
6. Podótkńće so Zhašeć, zo byšće wubrane webstrony wotstronił.

Přehladowanske daty při kónčenju zhašeć

Tute nastajenje awtomatisce wašu přehladowansku historiju zhaša, kóždy raz, hdyž Firefox z pomocu zapiska Skónčić we hłownym meniju kónčiće.

1. Podótkńće so menijoweho tłóčatka
   
2. Podótkńće so Nastajenja.
3. Podótkńće so Přehladowanske daty při kónčenju zhašeć we wotrězku Priwatnosć a wěstota.
4. Wužiwajće suwak, zo byšće nastajenje Přehladowanske daty při kónčenju zhašeć zmóžnił.
5. Wubjerće typy datow, kotrež chceće zhašeć, hdyž Firefox kónčiće (wočinjene rajtarki, přehladowansku historiju a sydłowe daty, placki a sydłowe daty, pufrowane wobrazy a dataje a sydłowe prawa a sćehnjenja.)
6. Móžnosć Skónčić so nětko w meniju Firefox (tři dypki) zjewi. Wužiwajće jón, zo byšće přehladowanske posedźenje skónčił a potom so wubrane přehladowanske daty zhašeja.