Składujće strony jako zapołožki, zo byšće je pozdźišo lóšo wopytał.

Zapołožku přidać

1. Wočińće webstronu.
2. Podótkńće so menijoweho tłóčatka
   
3. Podótkńće so Přidać pódla Zapołožki.

Eksistowace zapołožki namakać

Zo byšće eksistowacu zapołožku namakał:

1. Podótkńće so menijoweho tłóčatka
   
2. Podótkńće so Zapołožki.
3. Kulće dele, zo byšće zapołožku pytał, kotruž sće składował. Podótkńće so jeje, zo byšće stronu wočinił. Pokiw: Móžeće ju w nowym rajtarku wočinić: Podótkńće so třidypkoweho menija a wubjerće pak W nowym rajtarku wočinić abo W priwatnym rajtarku wočinić.

Zapołožku w nowym rajtarku wočinić

1. Podótkńće so menijoweho tłóčatka
   
2. Podótknće so Zapołožki a pytajće zapołožku, kotruž sće składował.
3. Podótkńće so třidypkoweho menija pódla zapołožki.
4. Wubjerće W nowym rajtarku wočinić abo W priwatnym rajtarku wočinić.

Wšě zapołožki w rjadowaku w nowych rajtarkach wočinić

1. Podótkńće so menijoweho tłóčatka
   
2. Podótkńće so Zapołožki a pytajće rjadowak, kotryž zapołožki wobsahuje, kotrež sće składował.
3. Podótkńće so třidypkoweho menija pódla rjadowaka.
4. Podótkńće so Wšě w nowych rajtarkach wočinić abo Wšě w priwatnych rajtarkach wočinić

Zapołožku wotstronić

1. Podótkńće so menijoweho tłóčatka
   
2. Podótkńće so Zapołožki a pytajće zapołožku, kotruž sće składował.
3. Podótkńće so třidypkoweho menija pódla zapołožki, kotruž chceće wotstronić.
4. Podótkńće so Zhašeć.

Zapołožki sortěrować

1. Podótkńće so menijoweho tłóčatka
   
2. Podótkńće so Zapołožki a wubjerće potom sortěrowanski symbol , zo byšće:

• po najnowšej zapołožce sortěrował
• po najstaršej zapołožce sortěrował
• swoje zapołožki wot A do Z sortěrował
• swoje zapołožki wot Z do A sortěrował

Zapołožku wobdźěłać abo přesunyć

Zo byšće zapołožku do eksistowaceho rjadowaka składował

1. Podótkńće so menijoweho tłóčatka
   
2. Podótkńće so Zapołožki, zo byšće zapołožku pytał, kotruž sće składował.
3. Podótkńće so třoch dypkow pódla zapołožki.
4. Podótkńće so Wobdźěłać.
5. Pódótkńće so we wotrězku Rjadowak jednoho z eksistowacych rjadowakow.
6. Podótkńće so wjacore razy šipka horjeka na wobrazowce, doniž so njewróća, zo byšće web přehladował.

Zo byšće zapołožku do noweho rjadowaka přesunył

1. Podótkńće so menijoweho tłóčatka
   
2. Podótkńće so Zapołožki, zo byšće zapołožku pytał, kotruž sće składował.
3. Podótkńće so třoch dypkow pódla zapołožki.
4. Podótkńće so Wobdźěłać.
5. Podótkńće so Rjadowak.
6. Podótkńće so znamješka , zo byšće nowy rjadowak wutworił a zapodajće mjeno za njón.
7. Podótkńće so znamješka , zo byšće nowy rjadowak wutworił. Zapołožka so do njeho přesunje.
8. Podótkńće so šipka horjeka na wobrazowce wjacore razy, doniž so njewróća, zo byšće web přehladował.