Přiměrjomna strona noweho rajtarka Firefo móže zwjazanja (sydła, kotrež składujeće abo jara husto wopytujeće), woblubowane nastawki a wašu najnowšu aktiwitu (inkluziwnje njedawno woytane strony abo zapołožki) pokazać. Strona noweho rajtarka je standardna startowa strona Firefox, chibazo sće druhu startowu stronu nastajił.

Wjedro

Strona noweho rajtarka Firefox móže waše lokalne wjedro horjeka naprawo pokazać a staja spěšne aktualizacije direktnje we wašim wobhladowaku k dispoziciji. Tuta funkcija je tuchwilu we wěstych regionach k dispoziciji, mjez nimi USA, Kanada, Brazilska, Mexiko, Awstralska, Indiska a Japanska; druhe městna so pozdźišo přidadźa.

Zwjazanja

Wotrězk Zwjazanja sydła pokazuje, kotrež składujeće abo husto z Firefox wopytujeće. Widźiće snano tež sponserowane zwjazanja, jeli su we wašich nastajenjach zmóžnjene. Tute sydła so tež zjewja, hdyž do adresoweho pola klikaće, zo byšće pytanje započał.

Hdyž Firefox prěni raz wužiwaće, budźeće wotkazy na woblubowane sydła a woblubowane pytawy widźeć. Tute so naposledk ze zwjazanjemi wuměnjeja, kotrež su wotkazy na husto a njedawno wopytane sydła z wašeje přehladowanskeje historije.

Doporučene stawiznički

Wotrězk Doporučene stawiznički wobsah pokazuje, kotryž so přez specifiske nastroje za mašinelne wuknjenje a wot teama poručenjow Firefox hlada. Tute stawiznički waše přehladowanske daty njeznaja. Móžeće stawiznički wobhladać abo jako zapołožki składować, je wotstronić abo je w nowym woknje wočinić.

Doporučene stawiznički na stronje noweho rajtarka Firefox je funkcija, kotraž je tuchwilu w USA, Kanadźe, Wulkej Britansikej, Irskej, Němskej, Awstriskej, Šwicarskej, Italskej, Francoskej, Španiskej a Indiskej k dispoziciji. Dźěłamy na tym, je do dalšich krajow přinjesć.

Najnowša aktiwita

Wotrězk Najnowša aktiwita waše njedawno wopytane strony, zapołožki a najnowše sćehnjenja wopřijima. W kóždej kachličce Firefo sćehnjenski symbol , hwěžku zapołožki abo časnikowy symbol za najnowši wopyt pokazuje.

Wašu stronu noweho rajtarka přiměrić, zo byšće wobsah schował abo pokazał

Klikńće na gear symbol pisaka horjekadeleka naprawo na stronje noweho rajtarka. Wokno so wočini, kotrež wobsah pokazuje, kotryž móže přiměrić. Klikńće na suwak pódla wotrězka, zo byšće jón zmóžnił abo znjemóžnił , zo byšće tón wotrězk pokazał abo schował. Druhe nastajenja su k dispoziciji, hdyž na wotkaz Dalše nastajenja rjadować deleka we woknje klikaće.

Dalše informacije

• Zo byšće zhonił, kak móžeće swoju stronu noweho rajtarka z pozadkowymi wobrazami, pokazanjom wjedra a wjace přiměrić, hlejće Stronu noweho rajtarka přiměrić.
• Za informacije wo sponserowanym wobsahu, hlejće Sponsors on the home page and New Tab page.