Signowanje přidatkow

Wersijowe informacije
  • Wersijowy ID: 112232
  • Wutworjeny:
  • Awtor: milupo
  • Komentar: corrections
  • Přepruwowany: Haj
  • Přepruwowany:
  • Přepruwowany wot: milupo
  • Je schwaleny? Haj
  • Je to aktualna wersija? Ně
  • Hotowy za přełožowanje: Ně
Žórłowy kod wersije
Wobsah wersije

Je přeco wjace přidatkow, kotrež nastajenja wašeho wobhladowaka bjez wašeje dowolnosće měnjeja abo waše daty kradnu. Někotre přidatki přidawaja njewitane symbolowe lajsty abo tłóčatka, měnjeja waše pytanske nastajenja abo smykaja wabjenje abo škódne programy do wašeho ličaka nutř. Tutón nastawk wujasnja, kak signowanje přidatkow was před tajkimi wohroženjemi škita.

Što je signowanje přidatkow?

Mozilla přepruwuje a „signuje“ přidatki, kotrež maja so po směrnicach, zo bychu zawěsćili, zo daty wužiwarja njebudu so kradnyć abo manipulować. Wšě přidatki, kotrež so na addons.mozilla.org hosća, podleža tutomu přepruwowanskemu procesej, zo bychu so přepruwowali a signowali. Přidatki, kotrež so na druhich sydłach hosća, dyrbja so po samsnych směrnicach měć, zo by je Mozilla signował.

Signowanje přidatkow so jenož na škódnu softwaru a kaprowanje wobhladowaka wusměruje. Wobsah, kotryž sej wobhladujeće, so njekontroluje abo njecensěruje.

Wuwiwarjo: Zhońće wjace wo směrnicach signowanja přidatkow na Mozilla Developer Network.

Što móžu činić, jeli Firefox instalowany, njesignowany přidatk znjemóžnja?

Jeli jedyn z wašich instalowanych přidatkow so znjemóžnja, dokelž njeje so přepruwował, stajće so z wuwiwarjom tutoho přidatka zwiska, zo byšće zhonił, hač wón móže zaktualizowanu a signowanu wersiju tutoho přidatka poskićić. Móžeće jeho tež prosyć, zo by swój přidatk signował.

Winowatosć signowanja přidatkow zběhnyć (nazhonjeni wužiwarjo): Móžeće winowatosć signowanja zběhnyć, hdyž nastajenje xpinstall.signatures.required w konfiguraciskim editorje (strona about:config) na false stajiće. Změny w konfiguraciskom editorje so oficielnje njepodpěruje, přewjedźeće tuž změny na swoje riziko.

Kak mje signowanje přidatkow škita?

Firefox škita was před škódnej softwaru a manipulacijemi wobhladowaka přez to, zo jenož přidatki we wašim wobhladowaku dowoluje, kotrež su přepruwowane a digitalnje signowane.

Firefox škita was před škódnym softwaru a manipulacijemi wobhladowaka přez to, zo was před přidatkami třećich poskićowarjow warnuje, kotrež wot Mozilla ani přepruwowane ani digitalnje signowane njejsu.

Zo byšće tutu nowu funkciju wužiwał, aktualizujće prošu firefox na najnowšu wersiju

Nowše wersije Firefox budźe was před škódnu softwaru a manipulacijemi přez to škitać, zo was před přidatkami třećich poskićowarjow warnuje a (wot Firefox 43) přidatki tajkich poskićowarjow blokuje, jeli wot Mozilla ani přepruwowane ani signowane njejsu.

Hačrunjež Firefox tuchwilu ma system blokowanskich lisćinow, je dale a ćešo, rosćacu ličbu złowólnych přidatkow slědować a blokować. Nowy proces signowanja přidatkow sej žada, zo wuwiwarjo dyrbja so po směrnicach wuwiwarjow Mozilla měć a zawěsćuje, zo jich přidatki su wěste. Firefox was warnuje, hdyž přidatk signowanski proces njewobsteji. Tuchwilu móžeće hišće njepřepruwowany přidatk na swoje riziko instalować, ale započinajo z Firefox 43 budu so tajke přidatki tež znjemóžnjeć.

Instalujće přidatki jenož wot wuwiwarjow, kotrymž dowěrjeće. Njepřepruwowane přidatki móža škódnu softwaru wobsahować abo waše nastajenja manipulować a waše daty kradnyć.

Kotre typy přidatkow dyrbja so signować?

Rozšěrjenja (přidatki, kotrež Firefox funkcije přidawaja) dyrbja so signować. Drasty, rěčne pakćiki a tykače njetrjebaja so signować.

Hdźe móhł ja na njesignowane přidatki storčić?

Přidatki, kotrež wot oficielneho sydła přidatkow Firefox pochadźeja, podleža rigoroznemu přepruwowanskemu procesej, prjedy hač so wozjewjeja. Tute přidatki su přepruwowane a signowane.

Hdyž přidatk wot druheho websydła instalujeće, přepruwuje Firefox, hač přidatk je digitalnje signowany, prjedy hač móžeće jón instalować.