Firefox za Android wam zmóžnja, sedła w priwatnych rejtarikach wócyniś, aby mógał pytaś a pśeglědowaś, bźez togo aby historiju składował.

Toś ta funkcija wam zmóžnja:

• Startujśo priwatny modus direktnje ze swójeje startoweje wobrazowki, bźez togo aby normalny modus Firefox do togo wócynił.
• Zacyńśo wšykne priwatne rejtariki.
• Wócyńśo wótkaze pó standarźe w priwatnem modusu.

Pósejźenje priwatnego modusa startowaś

Aby pósejźenje priwatnego modusa startował:

1. Pótusniśo startowu wobrazowku Firefox a pótom maskowy tłocašk górjeje na wobrazowce, aby do priwatnego modusa pśešaltował.

   

2. Zapódajśo na startowej wobrazowce priwatnego modusa swój pytański wuraz abo adresu websedła do adresowego póla.

Abo wócyńśo lisćinu rejtarikow, aby nowy rejtarik we woknje priwatnego modusa wócynił.

1. Pótusniśo licbowy symbol pódla adresowego póla.

   

2. Pótusniśo maskowy symbol, aby priwatne rejtariki pokazał.

   

3. Pótusniśo tłocašk + PRIWATNY, aby nowy rejtarik w swójom pósejźenju priwatnego modusa wócynił.

Do normalnego modusa pśešaltowaś

1. Pótusniśo licbowy rejtarikowy symbol pódla adresowego póla, aby lisćinu rejtarikow wócynił.

   

2. Priwatne rejtariki se pód maskowym symbolom nalicyju. Aby do normalnego modusa pśešaltował, pótusniśo kwadratiski symbol.

   

3. How móžośo wšykne rejtariki (normalne abo priwatne) zacyniś, kaž dołojce wujasnjone, abo tłocaški + pótusniś, aby se k startowej wobrazowce wrośił.

Zwězanje za priwatny modus pśidaś

Gaž swójej startowej wobrazowce zwězanje za priwatny modus pśidawaśo, móžośo Firefox pó standarźe w priwatnem modusu startowaś.

Gaž prědny raz do priwatnego modusa pśešaltował, se móžnosć pokažo, zwězanje pśidaś, aby priwatne rejtariki ze swójeje startoweje wobrazowki wócynił.

Pótusniśo jadnorje Zwězanje pśidaś a slědujśo rozpokazanjeju swójogo rěda.

Móžośo to teke manuelnje cyniś:

1. Pótusniśo menijowy tłocašk.

2. Pótusniśo Nastajenja
3. Wubjeŕśo Priwatny modus pód Priwatnosć a wěstota.
4. Pótusniśo Zwězanje za priwatny modus pśidaś.
5. Slědujśo rozpokazanjeju, aby swójej startowej wobrazowce symbol pśidał.

Wótkaze pó standarźe w priwatnych rejtarikach wócyniś

Móžośo Firefox tak nastajiś, až pśecej wótkaze z drugich nałoženjow w priwatnem modusu wócynja:

1. Pótusniśo menijowy tłocašk.

2. Pótusniśo Nastajenja
3. Wubjeŕśo Priwatny modus pód Priwatnosć a wěstota.
4. Zmóžniśo Wótkaze w priwatnem rejtariku wócyniś.

Foto wobrazowki w priwatnem modusu dowóliś

Móžośo napóranje fotow wobrazowki w priwatnem modusu zmóžniś abo znjemóžniś.

1. Pótusniśo menijowy tłocašk.

2. Pótusniśo Nastajenja
3. Wubjeŕśo Priwatny modus pód Priwatnosć a wěstota.
4. Pśešaltujśo Fota wobrazowki w priwatnem modusu dowóliś.

Wšykne priwatne rejtariki zacyniś

1. Pótusniśo licbu pódla adresowego póla, aby lisćinu rejtarikow wócynił. Toś ta licba pokazujo, kak wjele wócyinjonych rejtarikow maśo:

   

2. Pótusniśo tśidypkowy menijowy tłocašk w lisćinje rejtarikow.

   

3. Wubjeŕśo Wšykne rejtariki zacyniś
4. Powěźeńka Rejtariki su zacynjone se krotko zjawijo, pótusniśo ANULĚROWAŚ, aby toś te rejtariki znowego wócynił.