Waše wokno sćehnjenjow a biblioteka rjadujetej dataje, kotrež z pomocu Firefox sćahujeće. Zhońće wjace, kak móžeće swoje dataje rjadować a swoje sćehnjenske nastajenja konfigurować.

Kak mam přistup na swoje sćehnjenja?

Klikńće na sćehnjenske tłóčatko (šipk dele w symbolowej lajsće), zo byšće přistup k sćehnjenjam z aktualneho přehladowanskeho posedźenja měł.

• Šipk so módri , zo by wam zdźělił, zo su njewobhladane sćehnjene dataje.
• Za sćehnjenje so sćehnjenske tłóčatko symbol stawa, kotryž poněčim z barbu pjelni, zo by wam postup sćehnjenja pokazało. Móžeće na sćehnjenski zapisk kliknyć, samo prjedy hač sćehnjenje je dokónčene; Firefox dataju wočini, hnydom hdyž je k dispoziciji.

Klikńće na sćehnjenske tłóčatko, zo byšće sćehnjenske wokno wočinił.

Sćehnjenske wokno waše tři poslednje sćehnjene dataje z jich wulkosću a sćehnjenskim statusom pokazuje:

• Zo byšće wšě swoje sćehnjenja kóždy čas widźał, klikńće na Wšě sćehnjenja pokazać deleka we sćehnjenskim woknje, zo byšće do biblioteki šoł.

Sćehnjensku historiju pokazać

Biblioteka informacije za wšě waše sćehnjene dataje pokazuje, chibazo sće je ze swojeje historije zhašał. Klikńće ma menijowe tłóčatko a potom na Sćehnjenja z menija. Wokno biblioteki so wočini a pokazuje lisćinu wašich sćehnjenych datajow.

Sćehnjenski škit

Prjedy hač sćehnjenje započnje, Firefox spyta, was před potencielnje škódnej softwaru abo njewěstymi sćehnjenjemi škitać a budźe sćehnjenje njewěstych zwiskow blokować. Hlejće wěstotne blogowe přinoški Mozilla Firefox 93 protects against Insecure Downloads, Enhancing Download Protection in Firefox a Improving Malware Detection in Firefox za dalše informacije. Jeli něšto je podhladne, so sćehnjenje njezapočnje, ale sćehnjenske wokno warnowanje pokaza:

Potencielnje škódne sćehnjenja so z pomocu słužby Google za wěste přehladowanje wotkrywaja. Datajowe mjeno so hromadźe z warnowanjom jewi:

• Tuta dataja wobsahuje wirus abo złóstnu softwaru.

Druhe dataje, kotrež su do sćehnjenskeho škita zapřijate, móhli njewitane sćehnjenja być (kaž w prawidłach Google wujasnjene), kotrež njewočakowane změny na wašim ličaku přewjedu. Abo sćehnjenje drje złóstne abo njewitane njeje, ale so prosće w normalnym padźe njesćahuje. Datajowe mjeno so z jednej z tuteju warnowanskeju zdźělenkow pokaza:

• Tuta dataja móhła waš ličak poškodźić.
• Tuta dataja so w normalnym padźe njesćahuje.

Kak mam z njewěstymi sćehnjenjemi wobchadźeć?

Hdyž skódnu dataju abo druhe typy potencielnje njewěstych datajow w sćehnjenskim woknje widźiće, klikńće na doprawa pokazowacy šipk, zo byšće wubrał, što ma so z tutej dataju činić. Dóstanjeće dalše informacije wo typje njewěsteje dataje a móžnosć, sćehnjenje zmóžnić abo ju wotstronić:

Pokiw: Kontekstowy meni druhe móžnosće wobsahuje, kak móžeće z potencielnje škódnymi abo złóstnymi datajemi wobchadźeć, kotrež su w sćehnjenskim woknje nalistowane a na sćehnjenje čakaja:

Na přikład: Klikńće z prawej tastu myškiDźeržće tastu control stłóčenu a klikńće na jednu z potencielnje njewěstych datajow, kotrež na sćehnjenje čakaja a wubjerće Sćehnjenje dowolić, zo byšće dataju na swojim ličaku składował.

Kak móžu swoje sćehnjene dataje rjadować?

Móžeće zańdźene sćehnjenja kóždy čas kontrolować. Klikńće na sćehnjenske tłóčatko , zo byšće sćehnjenske wokno wočinił. Sćehnjenske wokno waše tři poslednje sćehnjene dataje z jich wulkosću a sćehnjenskim časom pokazuje. Klikńće alternatiwnje na menijowe tłóčatko Wobraz "Fx89MenuButton" njeeksistuje. a klikńće na Sćehnjenja, zo byšće sej swoje sćehnjenja we woknje biblioteki wobhladował.

Móžeće swoje dataje direktnje we woknje sćehnjenjow abo w swojej bibliotece rjadować. Nastajenja jewja so naprawo wot kóždeje dataje za kóždu fazu sćehnjenja.

• Přestawka: Móžeće kóžde sćehnjenje zastajić, kotrež runje běži. Klikńće z prawej tastuTłóčće Strg a klikńće na dataju a wubjerće Přestawka. Hdyž chceće ze sćahowanjom dataje pokročować, klikńće z prawej tastutłóčće Strg a klikńće na datajowy zapisk a wubjerće Pokročować.
• Přetorhnyć : Jeli hižo njetrjebaće dataju sćahnyć, klikńće na tłóčatko ✖ naprawo wot datajoweho zapiska. Tute tłóčatko přeměnja so do aktualizowanskeho symbola; klikńće hišće raz na njo, zo byšće swoje sćehnjenje znowa startował.
• Dataju wočinić: Hdyž sćehnjenje je so dokónčiło, móžeće direktnje na zapisk kliknyć, zo byšće dataju wočinił.
• Wobsahowacy rjadowak wočinić  : Hdyž dataja je sćehnjena, so symbol naprawo wot datajoweho zapiska do rjadowaka přeměnja. Klikńće na rjadowakowy symbol, zo byšće rjadowak wočinił, kotryž tutu dataju wobsahuje.W Finder pokazać : Hdyž dataja je sćehnjena, so symbol naprawo wot datajoweho zapiska do lupy přeměnja. Klikńće na lupowy symbol, zo byšće tutu dataju w Finder pokazał. Zo byšće cilowy rjadowak za swoje sćehnjenja postajił, hlejće Změnić, hdźež so sćehnjenja składuja.
• K sćehnjenskej stronje hić: Klikńće z prawej tastuTłóčće Strg a klikńće na dataju, zo byšće meni wočinił. Wubjerće tute nastajenje, zo byšće webstronu wopytał, z kotrejež dataja pochadźa.
• Datajowy zapisk wotstronić: Jeli hižo nochceće informacije wo wěstym sćehnjenju składować, klikńće z prawej tastutłóčće Strg a klikńće na datajowy zapisk a wubjerće potom Z historije wotstronić. To zapisk z lisćiny wotstroni, ale dataju samu njezhaša.
• Sćehnjenje znowa spytać : Jeli so z někajkeje přičiny sćehnjenje njedokónči, klikńće na tłóčatko naprawo wot zapiska - aktualizowanski symbol -, zo byšće sćehnjenje hišće raz spytał.
• Sćehnjenja zhašeć: Klikńće na tłóčatko Sćehnjenja zhašeć horjeka we woknje biblioteki, zo byšće wšu historiju sćehnjenych zapiskow zhašał. To wšak sćehnjene dataje njezhaša.

Změnić, hdźež so sćehnjenja składuja

Datajowe sćehnjenja so w rjadowaku składuja, kotryž je podaty w nastajenjach Firefox. Zo byšće tón rjadowak změnił:

1. Klikńće w menijowej lajsće horjeka na wobrazowce na Firefox a wubjerće potom Nastajenja, po wersiji macOS.Klikńće na menijowe tłóčatko a wubjerće Nastajenja.
2. Pytajće wotrězk Sćehnjenja pod Dataje a nałoženja we woknje Powšitkowny.

   

3. Klikńće na tłóčatko Přepytać Wubrać pódla zapiska Dataje składować do.
4. Wubjerće sćehnjenski rjadowak, kotryž chceće wužiwać.

Sćehnjenske akcije za datajowe typy změnić

Móžeće akciju změnić, kotruž Firefox ma za wobchadźenje ze sćehnjenjemi za rozdźělne datajowe typy wužiwać, hdyž web přehladujeće, na přikład za wočinjenje dataje z wěstym nałoženjom abo hač ma so was přeco prašeć, štož ma za tutón datajowy typ činić.

1. Klikńće w menijowej lajsće horjeka na wobrazowce na Firefox a wubjerće potom Nastajenja, po wersiji macOS.Klikńće na menijowe tłóčatko a wubjerće Nastajenja.
2. Kulće we woknje Powšitkowny dele do wotrězka Nałoženja.

   

3. Wubjerće datajowy typ, kotryž chceće změnić a klikńće na šipk pod špaltu Akcija.
4. Wubjerće akciju, kotruž chceće we wuběranskim meniju wubrać.

• Kedźbu: Někotre datajowe typy (AVIF, XML, PDF, SVG, WebP Image) so w Firefox po standardźe wočinjeja.

Za dalše informacije hlejće Wobsahowe typy a sćehnjenske akcije w Firefox.