Wjele e-mejlowych serwerow njeakceptuje powěsće z wulkimi datajowymi přiwěškami. Wobmjezowanje datajoweje wulkosće wariěruje po konfiguraciji e-mejloweho serwera. Samo hdyž móžeće powěsć z wulkim přiwěškom słać, móhł přijimacy e-mejlowy serwer powěsć z wulkim přiwěškim wotpokazać. Thunderbird na to žadyn wliw nima.

Funkcija Filelink Thunderbird tutón problem přez to eliminuje, zo podpěru za składowanske słužby online k dispoziciji staja. Zmóžnja wam, přiwěški k składowanskej słužbje online nahrać a wuměnja přiwěški w powěsći přez wotkaz. Přijimar powěsće kliknje na wotkaz, zo by přiwěšk sćahnył. Jako přidatny wužitk so wulke dataje wo wjele spěšnišo sćelu a přijimaja, a wój z přijimarjom tačelowy rum zalutujetaj.

Móžeće tež Filelink Thunderbird přidatnje k normalnym přiwěškam wužiwać. Móžeće na přikład małe dataje direktnje k powěsći připowěsnyć a Filelink za wulke přiwěški w samsnej powěsći wužiwać.

Slědowace instrukcije pokazuja, kak móžeće Filelink ze składowanskim poskićowarjom online WeTransfer wužiwać, kotryž je w Thunderbird wobsahowany, dokelž mamy dojednanje z nim wo integrowanju jich słužbow. Zhromadźenstwo Thunderbird je tež rjad přidatkow Filelink za druhich poskićowarjow k dispoziciji stajił.

Filelink přidać

Jeli chceće z funkciju Filelink započeć, budźe poskićowar Filelink WeTransfer, kotryž je w Thunderbird integrowany, najpřihódniša móžnosć być. Wužaduje sej jenož jeničke kliknjenje, zo by so WeTransfer we wašich nastajenjachnastajenjach zmóžnił. Za někotrych poskićowarjow składa online dyrbiće najprjedy nowe konto załožić abo eksistowace konto z nimi konfigurować.

1. Klikńće w menijowej lajsće na meni Thunderbird a wubjerće NastajenjaKlikńće na menijowe tłóčatko a wubjerće Nastajenja.
2. Wubjerće z nawigaciskeho wokna nalěwo Pisać a pytajće tam wotrězk Přiwěški. Móžeće tež město toho pytanske polo W nastajenjachnastajenjach pytać horjeka a pytajće za WeTransfer.
3. Klikńće na tłóčatko WeTransfer přidać, zo byšće WeTransfer za Filelink zmóžnił. Dokónčene!
4. Nimo toho móžeće tež wotkazej Dalšich poskićowarjow namakać slědować, zo byšće přidatki wubrał, zo byšće druhich słužbnych poskićowarjow Filelink přidał (dalše podrobnosće deleka).

Filelink wužiwać

Hdyž k powěsći dataju připowěšeće a datajowa wulkosć horjeka podatu wulkosć překročuje, budźe wam Thunderbird awtomatisce poskićeć, Filelink wužiwać:

• Klikńće na tłóčatko Zwjazać, zo byšće dataju k składowanskemu słužbnemu poskićowarjej online nahrał.
• Jeli radšo dataju jako normalny přiwěšk připowěsnyć, wubjerće Ignorować.

Po tym zo sće Zwjazać wubrał, budźe so waša dataja w pozadku nahrawać a pokazana zdźělenka budźe so aktualizować na:

Hdyž zwjazowanje je dokónčene – to rěka, hdyž waš přiwěšk je k słužbnemu poskićowarjej nahraty – budźe Thunderbird awtomatisce wotrězk w zdźělence přidawać, z wotkazom ke kopiji wašeje dataje online, hlejće deleka:

Hdyž waše přijimarjo zdźělenku dóstanu, budu samsnu informaciju widźeć a hdyž na wotkaz w zdźělence klikaja, wjedu jich k stronje, zwotkelž móžeće přiwěšk sćahnyć.

Husto stajene prašenja wo Filelink

Přiwěški, kotrež přez Filelink sćeleće, so na serwerach Mozilla njeskładuja. Kóždy poskićowar słužby składowanja datajow ma swójske prawidła priwatnosće a wužiwanske wuměnjenja. Poskićowar słužby składowanja datajow je funkciju Filelink přepruwował, zo by zawěsćił, zo wona jeho prawidłam wotpowěduje.

P: Wě Mozilla, kotreho poskićowarja wužiwar je wubrał?

W: Ně. Mozilla njewě, kotreho poskićowarja wužiwar je wubrał. Konfiguracija poskićowarja so lokalnje na wašim ličaku składuje.

P: Kotre składowanske słužby so tuchwilu podpěruja?

W: Mamy dojednanje z WeTransfer wo direktnej integraciji jeho słužbow do Thunderbird, štož je najpřihódniša móžnosć.

• Z přidatkami Filelink móžeće podpěru za dalšich třećich poskićowarjow instalować. Wjacori woblubowani poskićowarjo so podpěruja.
• Móžeće tež Filelink z pomocu přidatka Filelink provider for WebDAV ze swojim najlubšim WebDAV-serwerom wužiwać.

P: Móže sej poskićowar składowanskeje słužby moje přiwěški wobhladać?

W: Poskićowarjo składowanskeje słužby móža sej dataju wobhladać, kaž kóždy, kotryž wotkaz k přiwěškej dóstawa, chibazo zaklučujeće dataju, prjedy hač ju nahrawaće. Wužiwarjo sami dyrbja rozsudźić, kotremu słužbowemu poskićowarjej tu zamołwitosć dowěrjeće. Słužbni poskićowarjo zwjetša waše priwatnostne prawa w swojich wužiwanskich wuměnjenjach wujasnjeja. Dźiwajće na to, zo standardna přiwěškowa funkcionalnosć ani zaklučowana njeje. Hdyž přiwěšk na „normalne“ wašnje sćeleće, bjeztoho zo byšće funkcije OpenPGP a SMIME Thunderbird wužiwał, ma kóždy přistup na dataju, kotryž ma přistup na powěsć mjez wašim systemom a systemom přijimarjow (na přikład poskićowarja e-mejloweje słužby). Filelink skići wěstu wěstotu, dokelž so datajowe nahraća k poskićowarjej składowanskeje słužby přez HTTPS, wěsty protokol, sćelu. Poručamy, zo funkcije Thunderbird OpenPGP abo SMIME wužiwaće, zo byšće maksimalnu wěstotu za swoje komunikacije zawěsćił.

P: Kak dołho budźe moja dataja na sydle składowanskeho słužbneho poskićowarja k dispoziciji?

W: Dataja, kotruž sće přez Filelink nahrał, budźe 7 dnjow z darmotnej słužbu WeTransfer za sćehnjenje k dispoziciji. Jeli to je překrótki čas, móžeće so za jeho płaćomnu słužbu registrować. Wotwisujo wot wuměnjenjow wašeho třećeho składowanskeho słužbneho poskićowarja a wašeho słužbneho dojednanja z nim, budźe dataja na sydle poskićowarja za wobmjezowany čas k dispoziciji, abo doniž ju na přeco njezhašeće. Dyrbiće so pola websydła poskićowarja přizjewić, zo byšće dataje w swojim wosobinskim składowanskim rumje wobhladał a zhašał.

P: Móžeće słužbneho poskićowarja X abo protokol Y podpěrować?

W: Prošu přepruwujće, hač zhromadźenstwo Thunderbird je přidatk Filelink za słužbneho poskićowarja, za kotrymž pytaće. Wuwiwarska dokumentacija za API Filelink je k dispoziciji.

P: Njemóžu so z mysličku spřećelić, moje dataje pola třećich poskićowarjow kaž tutón składować. Funguja hišće normalne přiwěški?

A: Normalne e-mejlowe přiwěški hišće kaž přeco funguja. Poskićamy jenož móžnosć, wulke přiwěški něhdźe nahrać, jeli to chceće. Standardna wulkosć dataja je 5 MB, ale da so w nastajenjach Thunderbird přiměrić:

1. Klikńće w menijowej lajsće na meni Thunderbird a wubjerće NastajenjaKlikńće na menijowe tłóčatko a wubjerće Nastajenja.
2. Wubjerće z nawigaciskeho wobłuka nalěwo Pisać a pytajće potom podwotrězk Přiwěški. Město toho móžeće pytanske polo W nastajenjachnastajenjach namakać horjeka wužiwać a za WeTransfer pytać.
3. [✓] Dataje nahrać, kotrež su wjetše hač [ 5] MB

Hdyž hóčku wotstronjeće, so awtomatiska zdźělenka Filelink potłóčuje, hdyž wulke dataje připowěšeće, ale funkcija Filelink budźe hišće z wuběranskeho menija tłóčatka Připowěsnyć | v kaž tež z druhich přiwěškowych a kontekstowych nenijow k dispoziciji.