Firefox təhlükəsiz olması nəzərdə tutulan veb-səhifələrdə potensial zərərli, təhlükəsiz olmayan məzmunu bloklayaraq sizi hücumlardan qoruyur. Qarışıq məzmun və Firefox-un onu bloklayıb-bloklamadığını necə müəyyən etmək barədə daha çox öyrənmək üçün oxumağa davam edin.
Table of Contents
Qarışıq məzmun nədir və riskləri nələrdir?
HTTP məlumatı veb-serverdən brauzerinizə ötürmək üçün bir sistemdir. HTTP təhlükəsiz deyil, ona görə də HTTP üzərindən təqdim edilən səhifəyə daxil olduqda bağlantınız gizli dinləmələrə və ortadakı adam hücumlarına açıq olur. Əksər veb-saytlar HTTP üzərindən təqdim edilir, çünki onlar həssas məlumatların qarşılıqlı ötürülməsini ehtiva etmir və qorunmasına ehtiyac yoxdur.
Bankınız kimi tamamilə HTTPS üzərindən ötürülən bir səhifəyə daxil olduqda, ünvan sətrində qıfıl ikonasını
qalxan ikonasını
görəcəksiniz (ətraflı məlumat üçün baxın: Saytla olan bağlantımın təhlükəsiz olduğunu necə bilə bilərəm?). Bu o deməkdir ki, bağlantınız təsdiqlənib və şifrələnib, beləliklə də həm gizli dinləyicilərdən, həm də ortadakı adam hücumlarından qorunur.
Bununla belə, əgər daxil olduğunuz HTTPS səhifəsi HTTP məzmunu ehtiva edirsə, əsas səhifə HTTPS üzərindən təqdim edilsə belə, HTTP hissəsi hücumçular tərəfindən oxuna və ya dəyişdirilə bilər. HTTPS səhifəsində HTTP məzmunu olduqda, biz həmin məzmunu “qarışıq” adlandırırıq. Daxil olduğunuz səhifə yalnız qismən şifrələnib və təhlükəsiz görünsə də, elə deyil. Qarışıq məzmun (aktiv və passiv) haqqında daha çox məlumat üçün bu bloq yazısına baxın.
Səhifədə qarışıq məzmun olduğunu necə bilə bilərəm?
Qarışıq məzmunun iki növü var: qarışıq passiv/görünüş məzmunu və qarışıq aktiv məzmun. Fərq təhlükə səviyyəsindədir. Səhifədə qarışıq məzmun olub-olmadığını müəyyən etmək üçün ünvan sətrinizdə qıfılqalxan ikonasını axtarın.



həmçinin veb-saytda hansı izləyicilərin bloklandığını sizə bildirir. Daha çox məlumat üçün Enhanced Tracking Protection in Firefox for desktop məqaləsinə baxın.Qarışıq məzmun yoxdur: təhlükəsizdir
Tam təhlükəsiz (HTTPS) səhifədə olduğunuz zaman qıfıl görəcəksiniz. Firefox-un səhifənin təhlükəsiz olmayan hissələrini bloklayıb-bloklamadığını görmək üçün qıfıla klikləyin. Daha çox məlumat üçün aşağıdakı Qarışıq məzmunu blokdan çıxarmaq bölməsinə baxın.
Tam təhlükəsiz (HTTPS) səhifədə olduğunuz zaman bu qalxan ikonasını görəcəksiniz. Firefox-un səhifənin təhlükəsiz olmayan hissələrini bloklayıb-bloklamadığını görmək üçün qalxana klikləyin.
Qarışıq məzmun bloklanmayıb: təhlükəsiz deyil
Əgər üzərində qırmızı xətt olan qıfıl görürsünüzsə, səhifədə qarışıq aktiv məzmun var və Firefox təhlükəsiz olmayan elementləri bloklamır. Həmin səhifə gizli dinləmələrə və saytdakı şəxsi məlumatlarınızın oğurlana biləcəyi hücumlara açıqdır. Təhlükəsiz (HTTPS) veb-saytda, aşağıdakı Qarışıq məzmunu blokdan çıxarmaq bölməsindəki təlimatlardan istifadə edərək qarışıq məzmunu blokdan çıxarmadığınız halda bu ikonanı görməməlisiniz. Qeyd: Üzərində qırmızı xətt olan qıfıl şifrələnməmiş (HTTP) veb-saytlarda da göstərilir.
Əgər üzərində qırmızı xətt olan qalxan görürsünüzsə, səhifədə qarışıq aktiv məzmun var və Firefox təhlükəsiz olmayan elementləri bloklamır. Həmin səhifə gizli dinləmələrə və saytdakı şəxsi məlumatlarınızın oğurlana biləcəyi hücumlara açıqdır. Təhlükəsiz (HTTPS) veb-saytda bu ikonanı görməməlisiniz. Qeyd: Üzərində qırmızı xətt olan qalxan şifrələnməmiş (HTTP) veb-saytlarda da göstərilir.
Firefox mümkün olduqda mənbəni http-dən https-ə dəyişdirərək şəkillər kimi təhlükəsiz olmayan passiv məzmunu avtomatik olaraq təkmilləşdirir. Təhlükəsiz olmayan məzmun təkmilləşdirilə bilmədikdə bloklanacaq. Qarışıq aktiv və passiv məzmun haqqında daha çox məlumat üçün bu MDN Web Docs məqaləsinə baxın.