Порівняти редакції

Kak móžeće skupiny rajtarkow wužiwać, zo byšće swoje rajtarki w wersiji Firefox 137 a nowšich organizował.

Skupiny rajtarkow w Firefox wam zmóžnjeja, waše rajtarki w separatnych, popisanych skupinach organizować. To wosnadnja, słužbne, wosobinske abo slědźenske přehladowanje rjadować, bjeztoho zo byšće wosebite wokna wočinił. Njetrjebaće přidatk, dokelž funkcija je za wšěch wužiwarjow zatwarjena, započinajo z Firefox 141 na desktopje. __TOC__ =Skupinu rajtarkow wutworić= ;[[Image:Tab group example]] #Wubjerće rajtark ze swojeje lajsty rajtarkow (pak z wertikalneje pak z horicontalneje). #Ćehńće rajtark na druhi rajtark, čakajće, doniž wuzběhnjeny wobłuk njewidźiće a pušćće potom rajtark. #Maće potom móžnosć, skupinu pomjenować a barbu wubrać. To móžeće kóždy čas činić. [[Image:Tab group colors]] Lajsta rajtarkow skupinu z jeje popisom a rajtarkami hromadźe pokazuje, z barbu skupiny podšmórnjena abo z barbojtej liniju na kromje, jeli [[Use the sidebar to access tools and vertical tabs|wertikalne rajtarki]] wužiwaće. Móžeće popis skupiny wubrać, zo byšće rajtarki w skupinje rajtarkow schował abo jón znowa wubrać, zo byšće rajtarki w njej pokazał. =Skupinje rajtarkow rajtark přidać= '''Jeli hišće skupiny rajtarkow nimaće:''' [[Template:contextmenu]] na rajtark a wubjerće {menu Rajtark nowej skupinje přidać}. Budźeće wokno widźeć, hdźež móžeće skupinu pomjenować a barbu wubrać. Tuchwilu skupina jenož tón rajtark ma. '''Jeli hižo skupiny maće:''' [[Template:contextmenu]] na rajtark a wubjerće {menu Skupinje rajtark přidać}, zo byšće nastajenja widźał. Wubjerće pak {menu Nowa skupina}, zo byšće nowu skupinu wutworił, pak eksistowacu skupinu. Móžeće tež prosće rajtark do wočinjeneje skupiny na lajsće rajtarkow ćahnyć. =Rajtark ze skupiny rajtarkow wotstronić= [[Template:contextmenu]] na rajtark w skupinje a wubjerće {menu Ze skupiny wotstronić}. Móžeće tež rajtark wubrać, kotryž chceće ze skupiny wotstronić a jón ze skupiny won na druhu poziciju w lajsće rajtarkow ćahnyć. Hdyž wšě rajtarki ze skupiny wotstronjeće, so skupina rajtarkow zhaša. =Rajtark z jedneje do druheje skupiny přesunyć= [[Template:contextmenu]] na rajtark, wubjerće {menu Skupinje rajtark přidać} a potom druhu eksistowacu skupinu. Móžeće tež prosće rajtark do druheje wočinjeneje skupiny w lajsće rajtarkow ćahnyć. =Skupinu rajtarkow rjadować= [[Template:contextmenu]] popis skupiny, zo byšće nastajenja za tutu skupinu rajtarkow widźał: *Móžeće mjeno a barbu za tutu skupinu rajtarkow změnić. *{menu Nowy rajtark w skupinje} wubranej skupinje nowy rajtark přidawa. *{menu Skupinu do noweho wokna přesunyć} tutu skupinu w nowym woknje Firefox wočini. *Móžeće tłóčatko {menu Składować a skupinu začinić} wubrać, kotrež skupinu składuje a začinja, zo byšće móhł ju zaso ze symbolom ''Wšě rajtarki nalistować'' [[Image:tab icon 2|width=20]] na lajsće rajtarkow (abo z symbolom [[Image:Fx137ListAllTabs|width=20]] w symbolowej lajsće, jeli wertikalne rajtarki wužiwaće) wočinić. *;Tutón symbol da so wotstronić, jeli chceće; [[Customize Firefox controls, buttons and toolbars|tutón nastawk pomocy]] budźe pomhać. *{menu Skupinu rajtarkow zběhnyć} rajtarki wočinjene dźerži, njejsu wšak hižo zeskupjene. *{menu Skupinu zhašeć} skupinu zhaša. Wšě rajtarki ze skupiny so začinjeja. =Problemy z rajtarkami rozrisać= *Skupiny rajtarkow, kotrež su so w [[Private Browsing - Use Firefox without saving history|priwatnym modusu]] wutworili, zhašeja so, hdyž priwatne wokno začinjeće. *Jeli waše rajtarki so njejapcy zeskupjeja abo hižo njezeskupjeja, móže problem kompatibelnosće z [[Find and install add-ons to add features to Firefox#w_kotre-typy-pridatkow-mozu-instalowac|rozšěrjenjom]] za rajtarki přičina być. *Njewidźiće skupiny rajtarkow? Zawěsćće, zo wersiju Firefox 141 abo nowšu wužiwaće. Čitajće [[Find what version of Firefox you are using]] a aktualizujće, jeli trjeba. *Skupiny rajtarkow su jenož lokalne a njesynchronizuja so z Firefox Sync. *Jeli skupinu rajtarkow začinjeće, so wšě rajtarki w tej skupinje začinja, ale móžeće je zaso ze swojeje přehladowanskeje historije wočinić.