პირადი თვალიერება წარმოადგენს Firefox-ის მეტად გამოსადეგ შესაძლებლობას, მაგრამ მხოლოდ იმ შემთხვევაში, როცა გასაგებია მისი დანიშნულება უსაფრთხოების კუთხით. იგი გეხმარებათ, დაფაროთ მონახულებული ვებგვერდების კვალი სხვა მომხმარებლებისგან, რომლებიც ასევე იყენებენ თქვენს კომპიუტერზე Firefox-ს, თუმცა იგი არ გაგხდით უჩინარს ინტერნეტში.
მცდარი შეხედულება 1: პირადი თვალიერება ფარავს ვინაობას ინტერნეტში.
სინამდვილე: პირადი თვალიერება არ ნიღბავს თქვენს ვინაობასა და მოქმედებებს ინტერნეტში. ვებსაიტებსა და ინტერნეტის მომწოდებელს, მაინც შეუძლია აღრიცხოს თქვენი სტუმრობა ანგარიშზე შეუსვლელადაც კი. თუ თქვენი მოწყობილობა სამსახურის ქსელშია მიერთებული, დაწესებულების ზედამხედველებსაც შეეძლებათ ამ ინფორმაციის ხილვა. სახლის ქსელით სარგებლობისას კი ინტერნეტის შემომყვან კომპანიას (თანმხლებ კომპანიებთან ერთად) შეუძლია თვალი მიადევნოს ნებისმიერ გატარებულ მონაცემს. მხოლოდ VPN, ანუ წარმოსახვითი კერძო ქსელი (Virtual Private Network) შეძლებს დაფაროს თქვენი ნამდვილი ადგილსამყოფელი და დაშიფროს ინტერნეტში მოქმედებები ვინაობისა და სხვა ინფორმაციის მეთვალყურეებისგან დასაცავად. თუ გესაჭიროებათ პირადი მონაცემების გაუმხელად ინტერნეტით სარგებლობა, გამოცადეთ Mozilla VPN.
მცდარი შეხედულება 2: პირადი თვალიერება სრულად აცილებს ყველა თქვენი მოქმედების კვალს კომპიუტერიდან.
სინამდვილე: პირადი თვალიერება გაძლევთ საშუალებას, მოინახულოთ გვერდები პირადი ფანჯრით პაროლების, ფუნთუშებისა და ისტორიის დამახსოვრების გარეშე. თუმცა, თუ რამე ფაილს ჩამოტვირთავთ, დახურვის შემდეგაც დარჩება კომპიუტერში, ოღონდ არ იქნება ჩამოტვირთების მმართველში აღრიცხული. აგრეთვე, შენარჩუნდება პირადი თვალიერებისას ჩანიშნული საიტებიც.
მცდარი შეხედულება 3: პირადი თვალიერებისას არ ჩანს მონახულებული გვერდების ისტორია.
სინამდვილე: პირადი თვალიერებისას ნაგულისხმევად გამოჩნდება მონახულებული საიტები და სანიშნები, მისამართების ველში აკრეფის დაწყებისას. ეს ის მისამართებია, რომელთაც ინახავს Firefox ჩვეულებრივი თვალიერების რეჟიმში. თუ არ გსურთ ამ შემოთავაზებების ხილვა თქვენს Firefox-ში, მენიუს ზოლზე ეკრანის ზემოთა არეში, დაწკაპეთ და აირჩიეთ ან თქვენი macOS-ვერსიის შესაბამისად.დაწკაპეთ მენიუს ღილაკზე 
და აირჩიეთ .
არეში კი მოხსენით ყველა მოცემული მონიშვნა, მისამართების ველის ქვეშ.
არასწორი შეხედულება 4: პირადი თვალიერება გიცავთ აკრეფილი ტექსტის აღმრიცხავებისა (key-logger) და მოთვალთვალე მავნე პროგრამებისგან (spyware).
სინამდვილე: პირადი თვალიერება ვერ დაგიცავთ თქვენს კომპიუტერში დაყენებული მავნე პროგრამებისგან. თუ რამე უცნაურს ამჩნევთ და ეჭვობთ, რომ მავნე პროგრამა აყენია, იხილეთ მოცემული ნაბიჯები მის მოსაცილებლად, რომ აირიდოთ მომავალში მსგავსი პროგრამები.
გაეცანით ვრცლად, თუ როგორ ზრუნავს Firefox თქვენს პირადულობაზე, იხილეთ გაძლიერებული დაცვა კომპიუტერისთვის და SmartBlock.
