Witajće wróćo k dalšej na akcije bohatej wersiji Firefox! Tuta aktualizacija wam zmóžnja přez rajtarkowu historiju skakać, swójske pytawy přidać a startowu stronu postajić. Wšitko to so samo přez nowy meni wosnadnja.
Sće hotowy? Tole tu so wam k dispoziciji staji:
Zapis wobsaha
Pytawy z websydłow přidać, kotrež wopytujeće
Mjeztym zo woblubowane pytawy su hižo w Firefox zatwarjene, tuta aktualizacija wam dalše wuběry poskića. Móžeće pytawy ze swojich najlubšich websydłow přidać (na přikład nakupowanske, widejowe abo powěsćowe websydła). Podótkńće so prosće pytanskeho pola toho sydła a potom symbola lupy 
, zo byšće tu pytawu přidał.
Přichodny raz, hdyž pytanski wuraz zapodawaće, so waša nowa pytawa mjez wašimi pytawami za spěšne pytanje zjewi. Móžeće ju samo k swojej standardnej pytawje činić.
Polěpšena nawigacija
Smy wužitne nastroje do lochko přistupneho menija spakowali, zo byšće móhł spěšnišo přehladować. Podótkńće so menijoweho symbola deleka na wobrazowce za lochku skrótšenku za huste akcije kaž přidawanje zapołožkow abo wobhladowanje historije (Pokiw: Trějće dolěwa abo doprawa, zo byšće dalše akcije namakał.)
Z tłóčatkom Wróćo/Doprědka k stronje we wašej rajtarkowej historiji skočić
Pst, chceće trik zhonić? Smy skrótšenku přidali, kotryž wam zmóžnja, dwě stronje abo samo dźesać stronow do wašeje rajtarkowej historije skočić, prosće z tym, zo so tłóčatka Wróćo/Doprědka podótknjeće a jo dźeržeće. Hižo žane wospjetowane tłóčenje tłóčatka Wróćo/doprědka (waše porsty budu so wam dźakować). Nětko móžeće do syteje wole přehladować.
Začinjene rajtarki zaso wočinić
Jeli sće so podótknył, zo byšće wšě waše rajtarki začinił, potom wšak sće swoje měnjenje změnił, njemjerzaj so. Firefox wam zmóžnja, tute rajtarki z pomocu tłóčatka zaso wočinić. Kóždy měł druhu šansu dóstać.
Waša historija a synchronizowane strony na jednym městnje
Skónčnje hromadźe! Njejtrebaće hižo mjez wašej historiju a synchronizowanymi stronami přešaltować. Strony, kotrež sće na swojim iOS-graće a na druhich synchronizowanych gratach wopytał su nětko na jednym městnje. Podótkńće so prosće symbola historije, zo byšće wšě swoje wopytane strony widźał.
Startowu stronu postajić
Dóstanće so spěšnje k swojej najlubšej webstronje! Nastajće ju jako swoju startowu stronu a budźe so wočinjeć, hdyž so tłóčatka startoweje strony podótknjeće.
