Wodźenski element Wužiwanske daty pósłać so w meniju nastajenjow mobilnych produktow Mozilla pokazuje. Wodźi, kak so waše daty wo spadach, techniske daty, zdźělenki a daty wo kampanjowym měrjenju dźěla.

Deleka je zjeće wo tym, što wodźenski element „wužiwanske daty pósłać“ wopřijima. Kóžda zdźělenka produktoweje priwatnosće zběrku aktualnych datow wopisuje a móžeće sej za dospołnu transparencu repozitorije žórłoweho koda za Firefox za iOS, Android, FireTV, Lite, Focus, Klar, Firefox ScreenshotGo a Firefox Reality wobhladać.

Techniske a interakciske daty

• Mozilla te dóstawa, zo by wukon a stabilnosć polěpšił.
• Tute daty so po standardźe na Firefox za iOS, Firefox za Android, Firefox Klar, Firefox za FireTV, Firefox Lite, Firefox Reality a Firefox Preview na Mozilla sćelu.

Daty wo spadach a zmylkach

• Někotre z našich mobilnych produktow wuwiwarske nastroje wužiwaja, zo bychu přičinu za spady wuhódnoćili a wukon a stabilnosć polěpšili.
• Tute daty so po standardźe na Firefox za iOS, Firefox Klar, Firefox za FireTV, Firefox Lite, Firefox ScreenshotGo, Firefox Reality a Firefox Preview na Mozilla sćelu.
  • Firefox Lite a Firefox ScreenshotGo Google Firebase wužiwatej, kotryž tute daty tež dóstawa. Dalše informacije.

Testowanje funkcijow a zdźělenske daty

• Něotre našich mobilnych produktow wuwiwarse nastroje wužiwaja, zo bychu rozdźělnym funkcijam a dožiwjenjam slědowali, je testowali abo přiměrijene zdźělenki dodali.
• Tute daty so po standardźe na Firefox za iOS, Firefox za Android, Firefox ScreenshotGo, Firefox Lite a Firefox Preview na Mozilla sćelu
  • Firefox Lite a Firefox ScreenshotGo Google Firebase wužiwatej, kotryž tute daty tež dóstawa. Dalše informacije. Firefox Lite tež fota wobrazowki kategorizuje a anonymizuje a sćel tute nahromadźene kategorije na Mozilla, zo by nam pomhał, lěpše funkcije kaž na přikład wažne sydła wuwiwać. Dalše informacije.

Kampanjowe měrjenje a daty

• Někotre z našich mobilnych produktow slědowanske nastroje wužiwaja, zo bychu naš marketing měrili a podpěrowali.
• Tute daty so po standardźe na Firefox za Android, Firefox ScreenshotGo, Firefox Lite a Firefox Preview na Mozilla sćelu.
  • Tute produkty Adjust wužiwaja, kotryž tute daty tež dóstawa.
  • Firefox Lite a Firefox ScreenshotGo Google Firebase wužiwatej, kotryž tute daty tež dóstawa. Dalše informacije.

Husto stajene prašenja

Čehodla hromadźenje datow po standardźe zmóžnjeće?

To nam pomha, hódnotny dohlad do toho poskića, kak so naše mobilne produkty pokazuja, zo bychmy móhli te produkty polěpšić.

Hromadźenje datow je po standardźe w Firefox Klar znjemóžnjene. Jeli jo zmóžnjeće, dóstanjemy jenož techniske a interakciske daty, kotrež su horjeka wopisane.

Čehodla platformy třećich poskićowarjow wužiwaće?

Wužiwamy platformy třećich poskićowarjow za funkcionalnosć a słužby, kotrež njemóžemy internje wuwiwać abo hdyž je eficientnišo, druhu słužbu wužiwać. Zhońće wjace wo našim wužiwanju Firebase a adjust GmbH.

Kak móžu hromadźenje daty a rozprwajenje wo nich znjemóžnić?

Móžeće hromadźenje a rozprawjenje w meniju Nastajenja znjemóžnić:

Firefox za iOS

1. Podótkńće so menijoweho tłóčatka deleka na wobrazowce (meni budźe horjeka naprawo, jeli iPad wužiwaće):
   

2. Podótkńće so Nastajenja w menijowym woknje.
3. Kulće dele do wotrězka Podpěra a suńće suwak dolěwa (změni so wot módreho do běłeho, hdyž je znjemóžnjeny), zo byšće Wužiwanske daty pósłać znjemóžnił.

Firefox za Android

1. Podótkńće so menijoweho tłóčatka.

2. Wubjerće Nastajenja.
3. WubjerćeHromadźenje datow we wotrězku Priwatnosć a wěstota.
4. Budźeće rozdźělne typy hromadźenjow datajow widźeć:

Wužiwanske a techniske daty: Hdyž tute nastajenje je zmóžnjene, Mozilla wam zmóžnja, wukon, wužiće, hardwaru a přiměrjenske daty wo wašim wobhladowaku zdźělić, zo byšće pomhał, Firefox polěpšić.

Eksperimenty: Hdyž tute nastajenje je zmóžnjene, Mozilla zmóžnja, daty za eksperimentelne funkcije instalować a hromadźić.

Móžeće tute typy hromadźenja kóždy čas znjemóžnić; podótkńće so suwaka nalěwo (změni so wot fijałkojteho do běłeho, hdyž je znjemóžnjeny).

Starše wersije Firefox za Android:

1. Podótkńće so menijoweho tłóčatka (pak na někotrych gratach pod wobrazowku pak w prawym hornim róžku wobhladowaka) a potom Nastajenja (dyrbiće so snano najprjedy menija Wjace podótknyć) .
2. Podótkńće so wotrězka Priwatnosć, kulće dele a wotstrońće hóčku pódla Rozprawa strowosće Firefox.

Firefox Klar

1. Podótkńće so menijoweho symbola (tři dypki) a potom Nastajenja. Jeli sće we wobhladowaku, dyrbiće so snano najprjedy symbola papjernika podótknyć.
2. Podótkńće so Priwatnosć a wěstota, kulće dele do wotrězka Datowy wuběr a znjemóžńće Wužiwanske daty pósłać.Znjemóžńće Wužiwanske daty pósłać.

Firefox Lite

1. Podótkńće so menijoweho tłóčatka (tři dypki) deleka na wobrazowce.
2. Podótkńće so Einstellungen.
3. Podótkńće so suwaka pódla Nutzungsdaten senden, zo byšće jón zmóžnił (módry) abo znjemóžnił.

Firefox za Fire TV

1. Podótkńće so z websydła menijoweho tłóčatka na swojim dalokoposłužowanju, zo bychu so menijowe symbole zjewili.
2. Kulće do wotrězka Einstellungen a wubjerće Nutzerdaten senden.
3. Znjemóžńće nastajenje Nutzungsdaten senden.

Firefox Reality

1. Klikńće na tłóčatko nastajenjow (zubkate kólesko).
2. Přepinajće na přichodnej wobrazowce pódla Telemetrie abo Melden von Abstürzen, zo byšće nastajenje znjemóžnił abo zmóžnił. Löschen rěka, zo njeje aktiwizowane.

Firefox ScreenshotGo

1. Podótkńće so menijoweho tłóčatka (tři dypki) horjeka na wobrazowce.
2. Podótkńće so Einstellungen.
3. Podótkńće so suwaka pódla Nutzungsdaten senden, zo byšće to zmóžnił (swětłozeleny) abo znjemóžnił.