Jeli waš ličak ma procesor, kotryž je starši hač Pentium 4 (němsce), so Firefox 49 a nowše hižo njepodpěruja.
Jeli Firefox je hižo na wašim ličaku nainstalowany, móžeće jón dale wužiwać, ale njedóstanjeće hižo aktualizacije wot Firefox 49. Jeli wersiju 49 abo nowšu Firefox sćehnjeće a pospytujeće jón instalować, budźeće slědowacu zdźělenku widźeć: Firefox njeda so instalować. Tuta wersija Firefox sej procesor z podpěru SSE2 wužaduje.
Kaž wjele programow sej nowše wersije Firefox procesor wužaduja, kotryž Streaming SIMD Extensions 2 (SSE2) za lěpšu wěstotu a wukon podpěruje. Doporučamy ličak z procesorom Pentium 4 abo nowšim, kotryž SSE2 podpěruje, zo byšće móhł najnowšu wersiju Firefox wužiwać, kotraž ma wjace funkcijow, stabilnosće a wěstoty.
Firefox Extended Support Release (ESR) budźe dale ze staršimi procesorami fungować, ale njedóstanje aktualizacije wot wersije ESR 45. Wersija Firefox ESR 52, kotrejež wozjewjenje je za měrc 2017 planowane, to wjace njepodpěra.
