Móžeće wobmjezowanu ličbu rozšěrjenjow z Recommended Extensions program instalować, zo byšće Firefox za Android funkcije přidał. Tutón nastawk wujasnja, kak móžeće tute rozšěrjenja namakać, instalować a rjadować.

Dźěłamy stajnje, zo bychmy Firefox za Android podpěrane přidatki přidali, hlejće rozšěrjenja tu.

Kak móžu přidatki namakać a instalować?

Móžeće rozšěrjenja za Firefox za Android w zrjadowaku přidatkow wobhladowaka namakać a instalować. Tuchwilu njemóžeće rozšěrjenja direktnje z addons.mozilla.org namakać a instalować.

Móžeće rozšěrjenja za Firefox za Android z addons.mozilla.org abo ze zrjadowaku přidatkow wobhladowaka namakać a instalować.

Tu su instrukcije za instalowanje ze zrjadowaka přidatkow:

1. Podótkńće so menijoweho tłóčatka.

2. Podótkńće so menijoweho zapiska Přidatki.
3. Podótkńće so přidatka, zo byšće wjace zhonił. Zo byšće jón instalował, podótkńće so tłóčatka +.
4. To wam potom přistup pokazuje, kotryž sej rozšěrjenje wužaduje.
   Podótkńće so Přidać, zo byšće rozšěrjenje instalował.

   

5. Po tym zo sće rozšěrjenje zainstalował, Firefox wam móžnosć dawa, jo w priwatnym modusu zmóžnił. Móžeće nětko hóčku do kontrolneho kašćika před W priwatnym modus dowolić zasadźić abo to pozdźiśo zmóžnić (hlejće deleka).

   

6. Podótkńće so W porjadku, sym zrozumił, zo byšće dokónčił.

Kak móžu přidatki aktualizować, wotstronić abo jich nastajenja změnić?

Přidatki aktualizować

Hdyž Firefox za Android aktualizujeće, budźe awtomatisce přidatki na kompatibelne wersije aktualizować, jeli tajke su k dispoziciji.

Wšě druhe rozšěrjenja, kotrež so w nowym Firefox za Android njepodpěruja, so nachwilu znjemóžnjeja.

Přidatk nachwilu znjemóžnić abo wotstronić

Móžeće rozšěrjenja w zrjadowaku přidatkow Firefox za Android znjemóžnić abo wotstronić:

1. Podótkńće so menijoweho tłóčatka.

Podótkńće so menijoweho zapiska Přčidać.

1. Pod Zmóžnjeny je lisćina tuchwilu aktiwnych přidatkow.
2. Podótkńće so přidatka, kotryž chceće změnić.

Zo byšće znjemóžnił: Wupinajće suwak Zmóžnjeny. Zo byšće wotinstalował: Podótkńće so tłóčatka Wotstronić. Tu móžeće tež Nastajenja, Podrobnosće a Prawa za přidatk pokazać abo wobdźěłać.

Přidatki w priwatnym modusu zmóžnić

Přidatki (přestajene a zainstalowane) so po staandardźe priwatnym modusu znjemóžnjeja. Zo byšće tute nastajenje změnił:

1. Podótkńće so menijoweho tłóčatka.

2. Podótkńće so menijoweho zapiska Přidatki.
3. Podótkńće so přidatka, kotryž chceće změnić.
4. Podótkńće so suwaka pódla W priwatnym mnodusu wuwjesć, zo byšće priwatny modus zmóžnił abo znjemóžnił.

Rozšěrjena podpěra rozšěrjenjow Firefox za Android Nightly

Jeli Firefox za Android Nightly wužiwaće, móžeće kóžde rozšěrjenje instalować, kotrež je na addons.mozilla.org (AMO) nalistowane.

Tuta móžnosć je so za wuwiwarjow rozšěrjenjow a pokročenych wužiwarjow wutworiła, kotřiž chcedźa kompatibelnosć testować. Tohodla lochko přistupna njeje. Blog Mozilla - Enable general extension support setting in Nightly (jendźelsce).

Budźe so w přichodźe wjace rozšěrjenow podpěrować?

Bychmy rady podpěru za dalše rozšěrjenja za dožiwjenje na nowym Firefox za Android zmóžnili a tuchwilu pytamy za móžnosćemi to činić, bjez toho zo bychmy problemy kompatibelnosće a wěstoty z předchadneje wersije našeho mobilneho wobhladowaka za Android zanjesli. Budźemy aktualizacije poskićeć, tak ruče kaž wjace podrobnosćow mamy.

Kak móžu drastu swojeho wobhladowaka Firefox za Android změnić?

Druheho wužiwarskeho powjercha noweho Firefox za Andrtoid dla je jenož wobmjezowana ličba předinstalowanych drastow k dispoziciji. Hlejće Ćmowu drastu w Firefox za Android wužiwać, zo byšće wjace zhonił.