Порівняти редакції

Zdźělenki zmóžnja websydłam, wužiwarjow wo nowych powěsćach abo zaktualizowanym wobsahu informować, mjeztym zo Firefox je wočinjeny.

<!-- See also https://www.mozilla.org/en-US/firefox/push/ and https://bugzilla.mozilla.org/show_bug.cgi?id=1220250 --> ''Web Push'' websydłam zmóžnja, was wo nowych powěsćach abo zaktualizowanym wobsahu informować. Mjeztym Firefox je wočinjeny, móža websydła, kotrež su prawa dóstali, zdźělenki na waš wobhladowak słać, kotryž je na wobrazowce pokazuje. Zdźělenki so jenož pokazuja, hdyž tastu na swojej tastaturje tłóčiće abo něhdźe na websydle, kotrež runej wopytujeće, klikaće resp. so jeho podótknjeće. Jeli njejsće z websydłom interagěrował, so jenož symbol za '''zdźělenske''' prawo [[Image:Notifications icon]] w adresowym polu pokazuje; zdźělenka sama wšak so njepokazuje. Móžeće zdźělenki lochko dowolić abo znjemóžnić a kontrolować, kak maju so zjewić. {for fx89}[[Image:Push_notifications]]{/for}{for not fx89}[[Image:Fx70AllowNotifications]]{/for} __TOC__ = Zaktualizowane zdźělenki = Firefox móže zdźělenki pokazać, samo hdyž sydło njeje začitane. Z pomocu Push API, [https://www.w3.org/TR/push-api/ W3C-standard], Firefox powěsć přijima a móže kóždy čas zdźělenki pokazać (jeli wužiwar je to dowolił). Sydła móža tež tajke zdźělenki w pozadku wužiwać bjez toho, zo bychu wam zdźělenku pokazali. Jeli sće hižo sydłu dowolił, zdźělenki słać, móže sydło tež Push API wužiwać. Móžeće rozsudźić, hač wěstemu sydłu prawo dać abo nic, hdyž tele instrukcije sćěhujeće: # Klikńće na zamk {for fx89}[[Image:Padlock Fx89]] {/for}{for not fx89}[[Image:Fx70GreyPadlock]]{/for} w adresowym polu. # Klikńće na šipk we wuběranskim meniju '''Info wo stronje'''. # Klikńće na {button Dalše informacije} w přichodnym woknje, zo byšće [[Firefox Page Info window|wokno Info wo stronje]] wočinił. #Klikńće na rajtark '''Prawa'''. # Wubjerće pod '''Zdźělenki pósłać''' zdźělenske nastajenje: {menu Přeco so prašeć}, {menu Dowolić} abo {menu Blokować}. Jeli waše wuběranske móžnosće su zešěrjene, wotwolće kontrolny kašćik '''Standard wužiwać'''. Alternatiwnje móžeće tole činić: # [[Template:optionspreferences]] # Klikńće na {menu Priwatnosć a wěstota} z lěweho wobłuka. # Kulće k wotrězkej '''Prawa'''. # Klikńće ma tłóčatko {button Nastajenja...} naprawo pódla '''Zdźělenja'''. # Wubjerće '''Dowolić''' abo '''Blokować''' z wuběranskeho menija '''Status''' za kóžde websydło. # Klikńće na tłóčatko {button Změny składować}. = Što je Web Push? = Web Push je opcionalna funkcija, kotrež websydłam zmóžnja, wam powěsće słać, samo hdyž sydło začitane njeje. Sydła móža tutu funkciju wužiwać, zo bychu wam zdźělenki słali abo daty w pozadku aktualizowali. Móžeće na přikład zdźělenki swojich najlubšich nakupowanskich sydłow abonować, zo bychu was wo nowych akcijach a poskitkach informowali. Móžeće zdźělenki rozdźělnych websydłow abonować. Koncertne sydło wam snano zdźělenki wo wustupach wašeje najlubšeje band poskića; rozsudźeće sydłu dowolić, was informować a jedyn tydźeń pozdźišo dóstanjeće zdźělenku, zo waša band je na turje. Budźeće powěsće jenož wot sydłow přijimać, kotrymž sće dowolnosć dał. = Kak funguje? = Websydła móža [https://developer.mozilla.org/docs/Web/API/Service_Worker_API service worker] instalować, pozadkowa webstrona z wobmjezowanej funkcionalnosću, kotraž móže zdźělenske słužby (jendźelsce: push service) abonować. Websydło móže potom wašemu wobhladowakej powěsć přez Web Push Service Mozilla słać, kotryž móže tutu powěsć předźěłować a zdźělenku na wašej wobrazowce pokazować. ;[[Image:Eksterna zdźělenka]] Hdyž na zdźělenku kliknjeće, móže so websydło wočinić abo rajtark sydła so wočini, jeli sydło je začitane. = Kotre informacije websydło dóstawa? = Websydło, kotrež ma dowolnosć, móže wam powěsće słać, hdyž sydło začitane njeje. Kontingent wobmjezuje ličbu powěsćow, kotrež so na wobrazowce njepokazuja, kotrež sydło móže wam słać. Websydła, kotrež kontingent překročuja, hižo njemóža powěsće słać, a wužiwar dyrbi websydło znowa wopytać, zo by abonement wobnowił. Web Push websydłam direktnje njezmóžnja, wašu IP-adresu zwěsćić. = Kotre informacije Firefox wužiwa, zo by zdźělenki poskićił? = Firefox aktiwny zwisk ze zdźělenskej słužbu wudźeržuje, zo by powěsće přijimał, doniž začinjeny njeje. Zwisk so kónči, hdyž so Firefox začinja. Na našim serwerje składujemy připadny identifikator (User Agent Identifier abo UAID) za waš wobhladowak, hromadźe z připadnym identifikatorom, kotryž je so za kóždy zdźělenski abonement spłodźił. Jeli abonementy maće, je UAID trěbny, zo by so naša zdźělenska słužba dowoliła, zo by dochadźace zdźělenki dale k Firefox posrědkuje. Jeli žane abonementy za eksterne zdźělenki nimaće, Firefox UAID za kóždy nowy zwisk wužiwa. W Firefox za desktop so zdźělenska słužba wot Mozilla wobhospodarja. Firefox za Android wužiwa kombinaciju zdźělenskeje słužby Mozilla a platformy ''Google Cloud Messaging'', zo by zdźělenki přijimał. Jenož nałoženja Mozilla móža WebPush na iOS wužiwać (po dojednanju wo wužiwanju iOS njesmědźa trěći poskićowarjo WebPush wužiwać, zo bychu zdźělenki na iOS pósłali.) We woběmaj padomaj so powěsće přez [https://tools.ietf.org/html/rfc8030 IETF spec] (jendźelsce) zaklučuja a jenož waš Firefox móže je dešifrować. Zaklučowane powěsće so na serwerje składuja, doniž rozpósłane njejsu abo njespadnu. Składujemy wašu IP-adresu za 90 dnjow jako dźěl tuteje słužby. Składowane informacije budu njepłaćiwe, hdyž so pak IP-adresa pak UAID změni. '''Nje'''składujemy informacije wo: *serwerach a/abo słužbach, kotrež su zdźělenki pósłali *času, hdyž wěsty wužiwar je online abo aktiwny był = Kak móžu dowolnosć za wěste sydło zaso preč wzać? = Zdźělenki su přeco w Firefox zatwarjene. Sydło njemóže wam bjez wašeje dowolnosće powěsće słać. Zo byšće wěstemu sydłu dowolnosć zaso preč wzał, wam powěsće słać, wuwjedźće slědowace kroki: # [[Template:optionspreferences]] # Klikńće na {menu Priwatnosć a wěstota} w lěwym wobłuku. # Kulće k wotrězkej '''Prawa'''. # Klikńće na tłóčatko {button Nastajenja…} pódla '''Zdźělenja'''. # Wubjerće websydło. # Klikńće na {button Websydło wotstronić}. Zo byšće wšěm sydłam dowolnosć preč wzał, wam powěsće słać, wuwjedźće horjeka wopisane kroki, jenož zo na {button Wšě websydła wotstronić} kliknjeće, město zo byšće wěste sydło wubrał. Websydła njemóža potom wam powěsće słać a dyrbja w přichodźe wo wašu dowolnosć prosyć. {note}'''Zo byšće zdźělenki na wěstej webstronje znjemóžnił (wužaduje sej nowe začitanje strony):''' {for not fx87} Klikńće na zamk [[Image:Fx70GreyPadlock]], zo byšće [[Site Information panel|wokno sydłowych informacijow]] za websydło wočinił, pytajće prawo ''Zdźělenki pósłać'' a klikńće na '''x''' pódla ''Dowoleny'', zo byšće prawo wotstronił.{/for}{for fx87}Klikńće na symbol prawa {for not fx89}[[Image:Fx87PermissionsIcon]]{/for}{for fx89}[[Image:Fx89PermissionsIcon]]{/for}, zo byšće [[Site Permissions panel|wokno sydłowych prawow]] za websydło wočinił, pytajće prawo ''Zdźělenki pósłać'' a klikńće na '''x''' pódla ''Dowoleny'', zo byšće prawo wotstronił.{/for} {/note} = Kak móžu swojemu websydłu Web Push přidać? = [https://developer.mozilla.org/docs/Web/API/Push_API Specifikacija Push API] (jendźelsce) wujasnja, kak móžeće „service worker“ wutworić a powěsće słać. = Kak móžu Firefox tomu zadźěwać, mje wo dowolnosć za zdźělenki prosyć? = Jeli so sydło Firefox praša, zo chce zdźělenki pósłać, so Firefox po standardźe praša, hač chceće dowolnosć dać. Móžeće Fireofx tak nastajić, zo awtomatisce dowolnosć zapowědźi, bjeztoho zo by so prašał. Samo po změnje, móžeće wuwzaće za sydła postajić, kotrychž zdźělenki chceće widźeć abo kotrychž funkcije chceće wužiwać. # [[Template:optionspreferences]] # Klikńće na '''Priwatnosć a wěstota''' w lěwym wobłuku. # Kulće k wotrězkej '''Prawa'''. # Klikńće na tłóčatko {button Nastajenja…} naprawo pódla '''Zdźělenja'''. #;[[Image:Fx59Permissions-NotificationSettings]] # Wubjerće kontrolny kašćik '''Nowe žadanja za dowolnosću zdźělenkow blokować'''. # Klikńće na tłóčatko {button Změny składować}.