Ag tosú amach le Firefox? Bheul tá tú san áit cheart. San alt seo tugtar eolas faoi na bunghnéithe go léir agus beidh tú ag brabhsáil faoi lán seoil théis cúpla nóiméad. Tá lear mór nascanna ann freisin chuig altanna suimiúla eile a d'fhéadfadh a bheith spéisiúil duit amach anseo.

Do leathanach baile a shocrú nó a athrú

Conas an leathanach a osclaítear nuair a thosaíonn Firefox nó nuair a chliceálann tú ar an gcnaipe Baile a roghnú.

1. Oscail cluaisín leis an leathanach gréasáin is mian leat a úsáid don leathanach baile.
2. Tarraing agus scaoil an cluaisín sin ar an gcnaipe Baile .

   

3. Cliceáil ar Tá chun an leathanach seo a shocrú mar do leathanach baile.

Tá cur síos ar roghanna breise san alt faoin leathanach baile.

Cuardach gréasáin a dhéanamh

Is féidir leat an t-inneall cuardaigh is fearr leat a roghnú le barra Cuardaigh insuite Firefox.

Tá leideanna eile faoi chuardach a dhéanamh san alt faoin mbarra Cuardaigh.

Suíomh gréasáin a leabharmharcáil

Na suíomhanna is fearr leat a shábháil.

• Chun leabharmharc a chruthú, cliceáil ar an reálta ar an mbarra uirlisí. Athróidh an reálta go dath gorm agus cruthófar leabharmharc don leathanach ar a bhfuil tú san fhillteán Leabharmharcanna Gan Sórtáil. Tá sé chomh simplí leis sin!

  

Chun tuilleadh eolais a fháil, féach an t-alt faoi leabharmharcanna.

Gach rud a aimsiú leis an Awesome Bar

Is nós linn an "Awesome Bar" (barra iontach) a thabhairt ar bharra seoltaí Firefox toisc go n-aimsíonn sé áiteanna ar thug tú cuairt orthu roimhe go scioptha.

• Nuair a thosaíonn tú ag clóscríobh sa bharra seoltaí, feicfidh tú liosta de leathanaigh ó do stair bhrabhsála agus ó do leabharmharcanna. A luaithe a fheiceann tú an leathanach atá uait, níl le déanamh ach cliceáil air.

  

Chun cleasanna eile a fhoghlaim, féach an t-alt faoin Awesome Bar.

Brabhsáil Phríobháideach

Cuireann Brabhsáil Phríobháideach Firefox ar do chumas an tIdirlíon a bhrabhsáil gan aon fhaisnéis a shábháil ar do ríomhaire faoi na suíomhanna agus leathanaigh ar thug tú cuairt orthu.

• Cliceáil ar an gcnaipe roghchláir agus ansin cliceáil ar Fuinneog Nua Phríobháideach.

  

Tá tuilleadh eolais faoin gcaoi a n-oibríonn Brabhsáil Phríobháideach san alt seo.

An roghchlár agus an barra uirlisí a shaincheapadh

Is féidir leat na míreanna atá le feiceáil ar an roghchlár nó ar do bharra uirlisí a athrú.

1. Cliceáil ar an gcnaipe roghcláir Níl íomhá "new fx menu" ann. agus roghnaigh Saincheap.
   • Osclófar cluaisin speisialta ina mbeidh tú in ann míreanna a tharraingt isteach nó amach as an roghchlár agus an barra uirlisí.

   

2. Nuair atá tú críochnaithe, cliceáil ar an gcnaipe glas Scoir ón Saincheapadh.

Féach an t-alt faoi conas Firefox a shaincheapadh chun tuilleadh eolais a fháil.

Gnéithe breise a chur le Firefox le breiseáin

Tá breiseáin cosúil le haipeanna ar féidir leat a shuiteáil chun go mbeidh Firefox ag feidhmiú ar an gcaoi is maith leat.

1. Ag barr fhuinneog Firefox, cliceáil ar an gcnaipe FirefoxAr an mbarra roghchláir, cliceáil ar an roghchlár UirlisíAg barr fhuinneog Firefox, cliceáil ar an roghchlár Uirlisí, ansin cliceáil ar Breiseáin. Osclófar cluaisín dar teideal Bainisteoir na mBreiseán. Cliceáil ar an gcnaipe roghchláir agus roghnaigh Breiseáin. Osclófar cluaisín dar teideal Bainisteoir na mBreiseán.

2. I gcluaisín Bhainisteoir na mBreiseán, roghnaigh an painéal Faigh Breiseáin.
3. Chun tuilleadh eolais a fháil faoi Bhreiseán nó Téama Mór-Le-Rá, cliceáil air. Ansin is féidir leat an cnaipe glas Cuir le Firefox a chliceáil chun é a shuiteáil.
   • Is féidir leat breiseáin shonracha a chuardach freisin ach úsáid a bhaint as an mbosca cuardaigh ag an mbarr. Ansin chun aon bhreiseán a aimsíonn tú a shuiteáil, ní gá duit ach cliceáil ar an gcnaipe Suiteáil.

     

4. Déanfaidh Firefox an breiseán a d'iarr tú a íosluchtú agus seans go n-iarrfar ort a dheimhniú gur mian leat é a shuiteáil.
5. Cliceáil ar Atosaigh Anois má phreabann an cnaipe sin anuas. Sábhálfar do chuid cluaisíní agus tar éis an atosaithe cuirfear ar ais iad san áit a bhí siad.

Chun tuilleadh eolais a fháil faoi bhreiseáin, féach Find and install add-ons to add features to Firefox.

Firefox a choinneáil sioncronaithe

Do leabharmharcanna, stair, focail faire agus tuilleadh a rochtain ó ghléas ar bith.

1. Cruthaigh cuntas Firefox ar dtús:
   • Cliceáil ar an gcnaipe roghchláir agus roghnaigh Logáil isteach i Sync agus lean na treoracha chun do chuntas a chruthú.

   

2. Ansin níl le déanamh ach síniú isteach chun gléas eile a nascadh.

Chun treoracha mionsonraithe a fháil, féach How do I set up Sync on my computer?

Cabhair a fháil

Má tá tuilleadh ceisteanna agat nó má bhíonn cabhair ag teastáil uait le Firefox am ar bith, tá tú ar an suíomh gréasáin ceart.

• Tá na céadta altanna ar an suíomh seo a chlúdaíonn beagnach gach ceist faoi Firefox a d'fhéadfadh a bheith agat.

Cabhair a fháil