Порівняти редакції

pomału

Druhdy Firefox chětre resursy trjeba, zo by wobsah pokazał. Pokazamy wam, kak móžeće tutón problem rozrisać, jeli so to přehusto stawa.

Druhdy Firefox chětre resursy trjeba, zo by webwobsah sćahnył, předźěłał a pokazał. Jeli fazy trajneho přetrjebowanja wjele resursow nazhoniće, mjeztym zo Firefox wužiwaće, tutón nastawk wam někotre móžnosće za přepruwowanje skići. * CPU (Central Processing Unit, centralna předźěłowanska jednotka) je „mozy“ ličaka. * RAM (Random Access Memory, skład za direktny přistup) abo dźěłowy skład wašemu ličakej pomha, wjacore nadawki w samsnym času wuwjesć. * Hdyž waše systemowe resursy su wućežene, móžetej so wukon a stabilita ličaka haćić. * Wotwisujo wot wašeho dźěłoweho systema, móžeće přetrjebu resursow z wěstymi nastrojemi přepruwować a dohladować. Hlejće wotrězk '''Přidatne nastroje za rozrisowanje problemow wužiwać''' deleka za dalše informacije. {note}'''Pokiw:''' Jeli [[Share data with Mozilla to help improve Firefox|wukonowe daty sćeleće]], Mozilla daty hromadźi, mjez nimi wužiwanje dźěłoweho składa a CPU, kotrež pomhaja, Firefox w přichodnych wersijach polěpšić.{/note} __TOC__ = Na najnowšu wersiju aktualizować = Najnowša wersija Firefox móže wukonowe polěpšenja wobsahować. [[Update Firefox to the latest release]]. = Firefox znowa startować = Firefox móže wjace systemowych resursow přetrjebać, hdyž je za dołhi čas wočinjeny. Nuzowe rozrisanje za to je prawidłowne znowastartowanje Firefox. Móžeće Firefox tak konfigurować, zo waše rajtarki a wokna składuje, zo byšće Firefox tak znowa startujeće kaž sće jón wopušćił. Hlejće [[Restore previous session - Configure when Firefox shows your most recent tabs and windows]] za podrobnosće. = Waš ličak znowa startować = Firefox snano problemow dźěłoweho systema dla zastawa{for win10}, na přikład njedokónčeneje aktualizacije Windows dla{/for}, kotrež dadźa so přez nowy start ličaka rozrisać. = Resursy přetrjebowace rozšěrjenja a drasty znjemóžnić = Rozšěrjenja a drasty móža zawinować, zo Firefox wjace systemwowych resursow hač w normalnym padźe přetrjebuje. Zo byšće postajił, hač rozšěrjenje abo drasta zawinuje, zo Firefox přewjele resursow přetrjebuje, [[Diagnose Firefox issues using Troubleshoot Mode|startujće Firefox w modusu za rozrisowanje problemow]] a wobkedźbujće přetrjebanje jeho dźěłoweho składa a CPU. Rozšěrjenja a drasty so w modusu za rozrisowanje problemow znjemóžnjeja; hdyž tuž njesnadne polěpšenje pytnjeće, móžeće spytać, rozšěrjenja znjemóžnić abo wotinstalować. * Za dalše informacije wo startowanju Firefox w modusu za rozrisanje problemow a wo tym, kak móžeće wuslědźić, kotre rozšěrjenje abo kotra drasta waš problem zawinuje, hlejće [[Troubleshoot extensions, themes and hardware acceleration issues to solve common Firefox problems]]. = Wobćežny wobsah schować = Wjele webstronow ma wobsah, kotryž njetrjebaće a kotrež wšak systemowe resursy přetrjebuje, zo bychu swój wobsah pokazali. Zatwarjene blokowanje wobsaha Firefox móže pomhać, resursy zalutować, zadźěwajo začitanju slědowaceho wobsaha třećich poskićowarjow. Hlejće nastawk [[Enhanced Tracking Protection in Firefox for desktop|Polěpšeny slědowanski škit]] za podrobnosće. Někotre rozšěrjenja wam zmóžnjeja, njetrěbny wobsah blokować, na přikład: * [https://addons.mozilla.org/firefox/addon/adblock-plus/ Adblock Plus] a [https://addons.mozilla.org/firefox/addon/ublock-origin/ uBlock Origin] wam zmóžnjetej, wabjenje na websydłach schować. * [https://addons.mozilla.org/firefox/addon/noscript NoScript] wam zmóžnja, skripty, kotrež na websydłach běža, po wosobinskim dobrozdaću zmóžnić abo znjemóžnić. [[T:addonsupport]] = Mjenje rajtarkow wužiwać = Kóždy rajtark Firefox trjeba, zo by webstronu w dźěłowym składźe składował. Jeli husto maće '''wjace hač 100 rajtarkow wočinjene''', rozwažće wužiwanje mechanizma z nišej ćežkosću, zo byšće strony we wóčku wobchował, kotrež chceće pozdźišo čitać abo z kotrymiž chceće dale dźěłać: * [[Bookmarks in Firefox|Zapołožki]]. ''Pokiw: Hlejće [[Use tabs to organize lots of websites in a single window#w_rajtarki-jako-zapolozki-skladowac|Rajtarki jako zapołožki składować]], zo byšće wjacore rajtarki jako zapołožki składował.'' * [[Save web pages for later with Pocket for Firefox]]. * [http://lifehacker.com/378062/five-best-gtd-applications Nałoženja za rjadowanje nadawkow]. = Rajtarki začinić, kotrež přewjele systemowych resursow wužiwaja = Někotre websydła skripty wužiwaja, kotrež wjele składa a/abo CPU wužiwaja, zo bychu je aktualne wobchowali, na přikład strony e-mejloweho klienta online. Jeli tute skripty optimizowane njejsu, móža k wužiwanju přewjele systemowych resursow wjesć. Móžeće widźeć, kotre rajtarki najwjace systemowych resursow wužiwaja, hdyž [[Task Manager - see what tabs or extensions are slowing down Firefox|zrjadowak nadawkow Firefox]] (strona {for not fx104}''about:performance''{/for}{for fx104}''about:processes''{/for}) wočinjeće. Jeli tute rajtarki njetrjebaja wšón čas wočinjene być, móžeće je začinić, zo byšće wužiće systemowych resursow redukował. = Hardwarowe pospěšenje Firefox přepruwować = Hardwarowe pospěšenje Firefox we wjele padach přetrjebu dźěłoweho składa a CPU zniža. Přepruwujće we [[Firefox's performance settings|wukonowych nastajenjach Firefox]], hač hardwarowe pospěšenje je zmóžnjene. Přeswědčće so, hač [[Upgrade your graphics drivers to use hardware acceleration and WebGL|waše grafikowe ćěrjaki su aktualne]]. {for not fx94} = Limit wobsahoweho procesa redukować = Z [https://developer.mozilla.org/Firefox/Multiprocess_Firefox multiprocesowym Firefox], tež mjenowanym electrolysis abo ''e10s'', Firefox za powyšenu wěstotu a polěpšeny wukon webwobsah za wšě rajtarki separatnje wot hłowneho procesa Firefox wuwjedźe. Wužiwanje [https://wiki.mozilla.org/Electrolysis/Multiple_content_processes wjacorych wobsahowych procesow] móže wukon a hišće wjace powyšić a wuskutk spadow wobsahoweho procesa mimiměrować. Móžeće [[Firefox's performance settings|wukonowe nastajenja Firefox]] změnić, zo byšće limit wobsahoweho procesa změnił. [[Image:Fx66BetaSettings-Performance]] Móžeće mjez jednym wobsahowym procesom a wosom wobsahowymi procesami nastajić. Standard je wosom. Wjace wobsahowych procesow móže wukon polěpšić, hdyž wjacore rajtarki wužiwaće, wužiwa wšak tež wjace dźěłoweho składa. Móžeće ličbu wobsahowych procesow redukować, jeli waš ličak ma přemało dźěłoweho składa. {/for} = Druhe nałoženja začinić = Hdyž wjele nałoženja w samsnym času běži, móža so waš ličak a druhe nałoženja spomałšić. Začińće někotre z njetrěbnych nałoženjow, zo byšće systemowu přetrjebu redukował. = Dataju content-prefs.sqlite zhašeć = Firefox waše daty w rozdźělych datajach we wašim profilowym rjadowaku składuje. Dataja, kotraž so za składowanje jednotliwych nastajenjow websydłow wužiwa, móhła wobskodźena być. Jeli tu dataju zhašeće (abo přemjenujeće), so nastajenja skalowanskeho schodźenka wróćo staja, ale CPU-přetrjebanje móhło padać. # [[T:OpenProfileFolder]] # [[T:closeFirefox]] # Zhašejće dataju {filepath content-prefs.sqlite} w profilowym rjadowaku. Wutwori so znowa přichodny raz, hdyž Firefox startujeće. = Firefox wobnowić = Funkcija ''Firefox wobnowić'' móže wjele problemow rozrisać, hdyž [[Profiles - Where Firefox stores your bookmarks, passwords and other user data|profil Firefox]] na jeho standardny staw wróćo stajeće, mjeztym zo so waše najwažniše informacije składuja. Hlejće [[Refresh Firefox - reset add-ons and settings]] za podrobnosće. = Přidatne nastroje za rozrisowanje problemow wužiwać = Je wjele nastrojow za rozrisowanje problemow, kotrež dadźa so w Firefox kaž tež na wašim dźěłowym systemje wužiwać, zo bychu problemy z powyšenej přetrjebu systemowych resursow rozrisali. == Nastroje Firefox == * [[Task Manager - see what tabs or extensions are slowing down Firefox|Zrjadowak nadawkow Firefox]] (nic k zaměnjenju ze zrjadowakom nadawkow Windows) je wulkotny nastroj, zo byšće hladał, kotre rajtarki a rozšěrjenja najwjace systemowych resursow wužiwaja. * Strona '''about:memory''' wam zmóžnja, wěste problemy nastupajo dźěłowy skład rozrisać (na přikład tajke, kotrež websydło, rozšěrjenje, drasta atd. zawinuje) a druhdy móže jeje tłóčatko {button Minimize memory usage} pomhać, přetrjebu dźěłoweho składa hnydom znižić. Za nawod wo wužiwanju strony '''about:memory''' wopytajće [https://firefox-source-docs.mozilla.org/performance/memory/about_colon_memory.html about:memory] (jendźelsce). * Samo hdyž programowar njejsće, móžeće spytać, někotre druhe [https://firefox-source-docs.mozilla.org/performance/index.html#memory-profiling-and-leak-detection-tools nastroje a pokiwy, kotrež wuwiwarjo Firefox wužiwaja, zo bychu za składowymi dźěrami pytali] (jendźelsce). == Nastroje dźěłoweho systema == {for win} * Hladajće rajtark ''Leistung'' [https://wikipedia.org/wiki/Task_Manager_(Windows) zrjadowaka nadawkow Windows], zo byšće wuslědźił, kak so resursy wužiwaja{for win8, win10} (klikńće na "Mehr Details" w zrjadowaku nadawkow, zo byšće wšě rajtarki pokazał){/for}. Hlejće [https://blogs.windows.com/windowsexperience/2013/06/06/windows-8-task-manager-in-depth/ tutón blogowy přinošk Windows] na sydle Microsoft za dalše informacije. {/for} {for mac} * Hladajće do „Aktivitätsanzeige“, zo byšće widźał, kak so systemowe resursy wužiwaja. Hlejće [https://support.apple.com/en-ca/HT201464 How to use Activity Monitor on your Mac] na sydle Apple za dalše informacije. {/for} {for linux} * Hačrunjež nic distribucija Linux jón wobsahuje, ma najwjace wersijow Linux grafiski resursowy monitor, němsce „Ressourcenanzeige“. Mjenuje so husto systemowy monitor, ale su tež druhe mjena za to. * Přikaz <code>top</code> w terminalu lisćinu aktiwnych procesow a jich přetrjebu systemowych resursow pokaza. {/for} {warning}'''WARNOWANJE:''' Je wjele programow, kotrež lubja wukon wašeho ličaka powyšić. Budźće kedźbny, hdyž softwaru třećich poskićowarjow instalujeće a wužiwajće jenož softwaru z dobrym mjenom z oficielneho žórła.{/warning} = Ličakej RAM přidać = Jeli sće wšě pokiwy předchadnych wotrězkow wučerpał a přetrjeba dźěłoweho składa je hišće přebliska k maksimumej, je čas, wašemu ličakej wjace składa přidać. Přidawanje RAM mócny wukonowy stork přinjese. = Waš ličak přetwarić = Jeli sće wšě pokiwy předchadnych wotrězkow wučerpał a hišće přewysoku přetrjebu systemowych resursow maće, je čas waš ličak přetwarić. Dokelž technologija pokročuje, je softwara dale a naročniša a wužaduje sej bóle wukonliwe ličaki, zo by efektiwnje fungowała.