cancel
Showing results for 
Search instead for 
Did you mean: 

Annunzias da collaps da plug-ins

Questa errur ta mussa ch'in plug-in (sco per exempel Adobe Flash) è collabì. Sche ti rechargias simplamain la pagina vegn il video (u auter cuntegn) puspè mussà. Avant che rechargiar la pagina pos ti trametter ina annunzia da collaps a Mozilla cun cliccar sin Trametter annunzia da collaps. Questas annunzias da collaps ans gidan dad eliminar errurs en versiuns futuras.
Remartga: Sche ti vesas adina puspè collaps cun la pli nova versiun da Flash (versiun 11.3), legia per plaschair l'artitgel Il plug-in «Adobe Flash» è collabì per retschaiver agid.


Plugin crash notification

Ti na vesas betg questa errur en Firefox sin in Mac perquai che la funcziun da protecziun encunter collaps da plug-ins n'è anc betg integrada en Firefox 3.6 per Mac. Questa funcziun vegn a star a disposiziun en Firefox 4.


Tge è in plug-in?

In plug-in è in tochet software che visualisescha cuntegn da l'internet che Firefox na po betg elavurar. Quai pertutga cunzunt formats dad audio e video e gieus protegids cun patents. Plug-ins vegnan creads e distribuids da las interpresas che tegnan quests patents. Plug-ins frequents èn Adobe Flash, Apple QuickTime ni Microsoft Silverlight.


Tge è in collaps?

In collaps capita sche software na funcziuna betg pli. Plug-ins pon collabir ord differents motivs e chaschunan che Firefox collabescha alura era. Per dapli infurmaziuns davart collaps da Firefox pos ti leger l'artitgel Firefox crashes - Troubleshoot, prevent and get help fixing crashes. Davent da Firefox 3.6.4 per Windows e Linux, e davent da Firefox 4 per Mac vegnan tscherts plug-ins chargiads independentamain da Firefox. Uschia resta Firefox activ, era sch'in plug-in collabescha.


Tge infurmaziuns vegnan tramessas en in rapport da collaps?

Annunzias da collaps cuntegnan be infurmaziuns tecnicas per gidar als sviluppaders da Firefox da chattar sbagls ed als eliminar. Questas annunzias na cuntegnan naginas infurmaziuns persunalas. Las infurmaziuns che vegnan tramessas en ils rapports cumpeglian:

  • tge pagina d'internet che ti has visità
  • la versiun da Firefox che ti utiliseschas
  • tes sistem operativ
  • ils plug-ins installads
  • las extensiuns che ti has installà
  • ed ulteriuras infurmaziuns tecnicas.

Questas infurmaziuns vegnan tractadas tenor las directivas per la protecziun da datas da Mozilla.


Sco pos jau evitar che plug-ins collabeschan?

Blers problems cun plug-ins pon vegnir schliads cun actualisar il plug-in. Per controllar sch'ils plug-ins che ti has installà èn atiquads pos ti visitar la pagina da Mozilla per controllar plug-ins. Il num dal plug-in ch'è collabì vesas ti en il messadi d'errur.
Collaps-Adobe-Flash-Mac-Grond

Dapli infurmaziuns davart collaps dad Adobe Flash

Legia l'artitgel Il plug-in «Adobe Flash» è collabì.

Cundivider quest artitgel: Ti pos utilisar la colliaziun http://mzl.la/LFnkd7 per cundivider quest artitgel. El vegn a mussar automaticamain las instrucziuns per lur sistem operativ e lur lingua.

Customize this article

Firefox

Firefox for Android

Thunderbird

Version History
Revision #:
3 of 3
Last update:
‎31-01-2017 07:51 AM
Updated by:
 
Contributors