cancel
Showing results for 
Search instead for 
Did you mean: 

Installar Firefox sin Mac

Quest artitgel declera sco telechargiar ed installar Firefox sin in Mac.

Quest artitgel vala be per computers da Mac.
Las versiuns actualas da Firefox basegnan Mac OS X 10.5 ni pli nov ed in processur dad Intel. Legia tut las premissas minimalas per il sistem. Sche Firefox n'aviescha betg suenter l'installaziun, legia quest artitgel per retschaiver agid.

Installar Firefox sin Mac

  1. Visita http://www.mozilla.org/rm/firefox cun in navigatur (p. ex. Apple Safari). Questa pagina chatta directamain l'ediziun da Firefox che corrispunda a tes computer.
  2. Clicca sin il buttun verd per telechargiar Firefox
    Mac Install 1
    Eventualmain na propona la pagina dentant betg a ti il navigatur en rumantsch; lura clicca sin 'Andere Systeme und Sprachen' e tscherna là sut Mac la versiun rumantscha.
  3. Sche la datoteca (Firefox.dmg) è vegnida telechargiada cumplettamain duess ella s'avrir automaticamain e mussar ina fanestra dal finder che cuntegna il program Firefox. Tira il simbol da Firefox sin l'ordinatur da programs per al copiar en quest lieu.
    Mac Install 2a
    Remartga: Sche questa fanestra na cumpara betg automaticamain stos ti cliccar dubel sin la datoteca Firefox.dmg che ti has telechargià per l'avrir.
    Mac Install 2
  4. Suenter che ti has tratg Firefox en l'ordinatur da programs, tegna smatà la tasta control (u ctrl) durant cliccar en la fanestra e tscherner dal menu "Firefox" auswerfen.
    Mac Install 4
  5. Ti pos agiuntar Firefox a tes dock per l'acceder a moda simpla. Avra per far quai l'ordinatur da programs, clicca e tegna smatgà la tasta sin il simbol da Firefox ed al tira en il dock.
    Add to Dock
    Firefox è ussa pront per vegnir utilisà. Clicca simplamain sin l'icona en il dock per l'aviar.

Aviar per l'emprima giada Firefox

Sche ti avieschas per l'emprima giada Firefox vegns ti avisà che ti has chargià Firefox ord l'internet. Perquai che ti has telechargià Firefox da la pagina d'internet uffiziala, pos ti cliccar sin Öffnen.

installingonmac-5-jpg60.jpg

Firefox vegn era betg ad esser definì sco navigatur da standard ed el vegn a mussar perquai in avis. Quai munta, sche ti avras ina colliaziun en in e-mail, ina colliaziun ad ina pagina d'internet u in document HTML na vegn quai betg mussà en Firefox. Sche ti vuls dentant che Firefox fa quai, pos ti cliccar sin Gea per definir Firefox sco navigatur da standard. Sche ti na vuls betg quai u emprovas be Firefox, clicca sin Na.

installingonmac-6-jpg60.jpg

Cundivider quest artitgel: Ti pos utilisar la colliaziun http://mzl.la/LL4NRo per cundivider quest artitgel. El vegn a mussar automaticamain las instrucziuns per lur sistem operativ e lur lingua.

Customize this article

Firefox

Firefox for Android

Thunderbird

Version History
Revision #:
3 of 3
Last update:
‎31-01-2017 07:00 AM
Updated by:
 
Contributors