Web z adresoweho pola přepytować
Wersijowe informacije
- Wersijowy ID: 130828
- Wutworjeny:
- Awtor: milupo
- Komentar: translation updated
- Přepruwowany: Haj
- Přepruwowany:
- Přepruwowany wot: milupo
- Je schwaleny? Haj
- Je to aktualna wersija? Ně
- Hotowy za přełožowanje: Ně
Žórłowy kod wersije
Wobsah wersije
Móžeće webpytanja direktnje z adresoweho pola přewjesć. Zapisajće prosće swoje pytanske wurazy a tłóčće na ↩ (Enter). Firefox budźe was k stronje pytanskich wuslědkow standardneje pytawy wjesć. Tutón nastawk wam pokaza, kak móžeće tutu funkciju přiměrić.
Zapis wobsaha
Webpytanje w adresowym polu
Hdyž do adresoweho pola pisaće a ↩Return tłóčiće, wjedźe was Firefox po standardźe k stronje pytanskich wuslědkow pytawy wubraneje w pytanskim polu za tute pytanje.
Druheho pytanskeho poskićowarja wužiwać
Jeli nochceće pytanskeho poskićowarja wužiwać, kotryž je w pytanskim polu wubrany, pisajće klučowe słowo pytanskeho poskićowarja, kotrehož chceće wužiwać, před swoje pytanske wurazy. Zo byšće wjace wo klučowych słowach zhonił, hlejće How to search IMDB, Wikipedia and more from the address bar.
Webpytanje w adresowym polu znjemóžnić
Móžeće webpytanje w adresowym polu znjemóžnić, hdyž nastajenje měnjeće.
- Zapodajće about:config do adresoweho pola a tłóčće Enter↩.
Warnowanska strona móže so jewić. Klikńće na , zo byšće so na stronu about:config dóstał. - Zapodajće keyword.enabled do pytanskeho pola.
- Klikńće dwójce na nastajenje keyword.enabled, zo byšće jeho hódnotu na false stajił.
URL awtomatisce wudospołnić
Přidatnje k pytanju w interneće, kotrež móžeće přez tłóčenje tasty ↩Return startować, budźe Firefox URL, kotryž zapodawaće, z URL websydłow přirunować, kotrež sće do toho wopytał. Jeli na přikład „moz“ zapisujeće, móže jón Firefox na „mozilla.org“ wudospołnić, jeli sće do toho tam był. Tłóčće tastu ↩Return a dóstanjeće so direktnje k tutej adresy. Za dalše informacije wo tym, štož Firefox wam namjetuje, hdyž do adresoweho pola pisaće, hlejće Namjety awtowudospołnjenja adresoweho pola w Firefox.
Domeny zhódać
Jeli njedospołny URL zapodawaće, móže Firefox prefix, sufiks abo wobaj přidać, zo by pospytował, URL porjedźić. Jeli www.facebook do adresoweho pola zapodawaće, Firefox sufiks .com přida, zo by URL wudospołnił. Jeli mozilla.org zapodawaće, budźe www. před to stajeć, zo by URL wudospołnił. Tute „zhódawanje“ so jenož funguje, hdyž horjeka wopisane webpytanje w adresowym polu je znjemóžnjene.
Zhódawanje domenow znjemóžnić
Změńće slědowace nastajenje, zo byšće zhódawanje domenow znjemóžnił.
- Zapodajće about:config do adresoweho pola a tłóčće Enter↩.
Warnowanska strona móže so jewić. Klikńće na , zo byšće so na stronu about:config dóstał. - Zapisajće fixup do pytanskeho pola.
- Klikńće dwójce na nastajenje browser.fixup.alternate.enabled, zo byšće jeho hódnotu na false stajił.
Prefiks abo sufiks změnić
Móžeće podać, hač ma so prefiks (na přikład www) abo sufiks (na přikład .net) za zhódawanje domenow wužiwać.
Klikńće na stronje about:config dwójce na nastajenje browser.fixup.alternate.prefix abo browser.fixup.alternate.suffix. Zapodajće prefiks abo sufiks, kotryž Firefox ma njepłaćiwym URL přidać.
Bazuje na informacijach z nastawkow Location Bar search (mozillaZine KB), Domain Guessing (Mozilla.org End user documentation) a Internet Keywords (Mozilla.org End user documentation)