Hłowne hesło za Firefox za Android wužiwać

Tutón nastawk so hižo njewothladuje, jeho wobsah móhł tuž zestarjeny być.

Firefox móže wužiwarske mjena a hesła składować, kotrež wužiwaće, zo byšće přistup na online-słužby měł, kaž na přikład bankowe wobchody a e-mejl. Zo byšće zadźěwał, zo něchtó druhi ma přistup na waše konto, jeli ma waš grat, móžeće hłowne hesło postajić. Tutón nastawk wujasnja, kak móžeće hłowne hesło wužiwać.

master_password0-ics

Kak hłowne hesło funguje?

Po tym zo sće hłowne hesło definował, dóstanjeće namołwu, jo zapodać, hdyž Firefox trjeba přistup na waše składowane hesła. To wužiwarske mjena a hesła „wotewrěje", kotrež sće składował a Firefox budźe je awtomatisce do wotpowědnych polow zapisować, hdyž wot websydła do websydła přehladujeće. Hdyž web hižo njepřehladujeće, móžeće Firefox začinić, zo byšće swojeje wužiwarske mjena a hesła "zawrěł".

Kedźbu: System Android na wašim graće móže Firefox awtomatisce skónčić, zo by resursy wuswobodźił, hdyž druhe nałoženje wužiwaće. Jeli so to stawa, dóstanjeće namołwu, swoje hłowne hesło zaso zapodać, hdyž so k Firefox wróćiće.

Kak móžu hłowne hesło postajić?

Po standardźe Firefox hłowne hesło njewužiwa, zo by waše składowane wužiwarske mjena a hesła škitał. Zo byšće hłowne hesło postajił:

  1. Podótkńće so tłóčatka Meni (pak na někotrych gratach pod wobrazowku pak w prawym hornim róžku wobhladowaka) a potom tłóčatka Nastajenja (dyrbiće so snano najprjedy menija Wjace podótknyć) .
  2. Podótkńće so kontrolneho kašćika Hłowne hesło wužiwać.
    master_passwords-ics
  3. Zapodajće hesło do zapodawanskich polow.
    Pokiw: Wubjerće tajke hesło, kotrež wy móžeće sej lochko spomjatkować, druzy wšak móža ćežko wuhódać. Hlejće Create secure passwords to keep your identity safe, zo byšće zhonił, kak móžeće to činić.
    master_password2-ics
  4. Zo byšće hłowne hesło postajił, podótkńće so W porjadku.
  1. Podótkńće so tłóčatka Meni (pak na někotrych gratach pod wobrazowku pak w prawym hornim róžku wobhladowaka) a potom tłóčatka Nastajenja (dyrbiće so snano najprjedy menija Wjace podótknyć) .
  2. Podótkńće so potom tłóčatka Priwatnosć a wubjerće Hłowne hesło wužiwać.
    master_passwords-ics
  3. Zapodajće hesło do zapodawanskich polow.
    Pokiw: Wubjerće tajke hesło, kotrež wy móžeće sej lochko spomjatkować, druzy wšak móža ćežko wuhódać. Hlejće Create secure passwords to keep your identity safe, zo byšće zhonił, kak móžeće to činić.
    master_password2-ics
  4. Zo byšće hłowne hesło postajił, podótkńće so W porjadku.
Hdyž hłowne hesło je zmóžnjene, so hesła z Firefox za Android hižo njesynchronizuja.

Kak móžu hłowne hesło wotstronić

Jeli hižo nochceće hłowne hesło wužiwać, móžeće jo lochko wotstronić:

  1. Podótkńće so tłóčatka Meni (pak na někotrych gratach pod wobrazowku pak w prawym hornim róžku wobhladowaka) a potom Nastajenja (dyrbiće so snano najprjedy menija Wjace podótknyć) .
  2. Podótkńće so kontrolneho kašćika Hłowne hesło wužiwać.
  3. Zapisajće swoje hłowne hesło do zapodawanskeho pola.
  4. Podótkńće so W porjadku, zo byšće hłowne hesło wotstronił.
  1. Podótkńće so tłóčatka Meni (pak na někotrych gratach pod wobrazowku pak w prawym hornim róžku wobhladowaka) a potom Nastajenja (dyrbiće so snano najprjedy menija Wjace podótknyć) .
  2. Podótkńće so potom Priwatnosć
  3. Podótkńće so kontrolneho kašćika Hłowne hesło wužiwać.
  4. Zapisajće swoje hłowne hesło do zapodawanskeho pola.
  5. Podótkńće so W porjadku, zo byšće hłowne hesło wotstronił.
Hdyž hłowne hesło je znjemóžnjene, budu so hesła zaso synchronizować.

Što móžu činić, jeli swoje hłowne hesło zabudu?

Jeli sće swoje hłowne hesło zabył, dyrbiće jo wróćo stajić:

Warnowanje: Wróćostajenje hłowneho hesła wotstroni wšě waše składowane wužiwarske mjena a hesła.
  1. Zhašejće daty z Firefox za Android z nałoženja nastajenjow Google.
  2. Hłowne hesło so zhaša a móžeće jo wróćo stajić.

Slědowacy wulkotni ludźo su pomhali, tutón nastawk pisać:

milupo
Illustration of hands

Dobrowólnik

Rosćće a dźělće swoju kompetencu z druhimi. Wotmołwće na prašenja a polěpšće našu wědowu datowu banku.

Dalše informacije