Smy zdźělenki wot wjele wužiwarjow dóstali, kotrychž su w jich přehladowanskim dožiwjenju mylili a kotrychž su na sfalšowanu stronu dale sposrědkowali, kotraž twjerdźi, zo „wažnu“, „nuznu“ abo „kritisku“ aktualizaciju poskićuje. Někotre ludźo su tež zdźělili, zo su wabjenje widźeli, kotrež was namołwi, aktualizaciju Firefox sćahnyć, abo wustupowanja sfalšowanych stronow ze zdźělenku „Firefox manuelnu aktualizaciju trjeba“, kotrež pospytuja jich zawjesć, škódne rozšěrjenje instalować. To je wobšudniska maša, kotraž pospytuje was zawjedować, škódne programy instalować!

Što je sfalšowana zdźělenka wo aktualizaciji Firefox?

Po našim wědźenju sfalšowane zdźělenki wo aktualizacijach maja formu škódneho wabjenja (němsce). Tute sfalšowane zdźělenki so přez kod pušćeja, kotryž je we wabjenju wobsahowany, kotrež so na hewak serioznych websydłach pokazuje, kotrež wopytujeće, a so přez wabjenske syće rozšěrjeja.

To je přikład, kak tajka sfalšowana zdźělenka wo aktualizaciji Firefox móhła wupadać. Hospoduja se na přidatnje wutworjenych a spěšnje so měnjacych domenach:

Firefox ma awtomatizowany pozadkowy aktualizowanski mechanizm, kotryž was ženje njenamołwja, dataju manuelnje sćahnyć a wuwjesć, chibazo je zdźělenka Heartbeat („pukota wutroby“, hlejće deleka). Móžeće přeco manuelnje za aktualizacijemi Firefox pytać - zo byšće zhonił, kak, hlejće Firefox na najnowšu wersiju aktualizować.

Zdźělenki Heartbeat

Jeli Firefox startujeće a zdźělensku lajstu ze symbolom Heartbeat , zdźělenku Waš Firefox je zestarjeny. Aktualizacija je nuznje trěbna, zo byšće wěsty wostał a tóčatko Nětko aktualizować widźiće, je to legitimna zdźělenka wo aktualizaciji Firefox a wy měł Firefox aktualizować. Zo byšće wjace wo funkciji „Heartbeat“ zhonił, hlejće nastawk Rate your Firefox experience, surveys and out of date messages (Heartbeat) a tutu wikistronu Mozilla.

Štož móžeće činić, jeli na sfalšowanu aktualizacisku zdźělenku storčiće?

1. Njeklikńće ženje na tute sfalšowane aktualizaciske zdźělenki.
2. Njeskładujće, njewočińće a njewuwjedźće ženje njekazane dataje!
3. Instalujće přidatk za blokowanje wabjenja wot addons.mozilla.org, zo byšće tajke škódne wabjenje w přichodźe wobešoł.
4. Zdźělće sydłu Google za webwobšudstwo webwobšudy.

Štož móžeće činić, zo byšće škódnym programam na swojim ličaku zadźěwał

1. Skenujće za škódnymi programami na swojim ličaku, zo by zawěsćił, zo waš ličak inficěrowany njeje. (Hlejće Problemy Firefox rozrisać, kotrež so přez škódne programy zawinuja.)
2. Wobeńdźće w přichodźe sćehnjenja z njespušćomnych žórłow.
3. Wužiwajće Slědowanski škit w priwatnym modusu (po standardźe zmóžnjeny w priwatnym modusu).

Zhońće wjace wo škódnych programach

• „Schadprogramm“ – Wikipedia
• „Verhindern und Entfernen von Viren und anderer Schadsoftware“ – Microsoft
• „Viren-Glossar“ – Avira
• „Malware-Klassifizierungen“ – Kaspersky

Sfalšowane aktualizacije su tež za druhe woblubowane wobhladowaki. Hačrunjež njemóžemy kóždeho škódowarja w interneće wukorjenić, pokročujemy w polěpšowanju wobronow Firefox přećiwo škódnym programam. Hdyž wěsće, kak móžeće tajke wobšudy spóznać a zdźělić, nam pomhaće, internet wotewrjeny a wěsćiši dźeržeć.