Tutón nastawk wujasnja nastajenja, kotrež we wotrězku Rozšěrjeny strony NastajenjaNastajenja Firefox k dispoziciji steja. Tute nastajenja so jara husto njewužiwaja, na přikład nastajenja za proksy a wšelake druhe rozšěrjene nastajenja, kotrež jenož někotři ludźo trjebaja.

Rajtark Powšitkowny

Přistupnosć

• Přeco kursorowe tasty za pohibowanje na stronach wužiwać: Hdyž tute nastajenjenastajenje je zmóžnjene, Firefox zwobrazni pohibliwy kursor we webstronach, kotryž wam zmóžnja, tekst z tastaturu wubrać. Tutón modus so tež Caret Browsing mjenuje a móžeće jón přez tłóčenje tasty F7 zmóžnić a znjemóžnić.

• Při pisanju tekst pytać: Hdyž tute nastajenjenastajenje je zmóžnjene, Firefox namaka na aktualnej webstronje to, štož zapisujeće, hižo, mjeztym zo to zapisujeće. Mjeztym zo zapisany tekst na stronje namakaće, so polo za spěšne pytanje deleka we woknje awtomatisce zwobrazni, zo by informacije wo tym pokazało, štož sće namakał.

• Warnować, hdyž websydła pospytuja stronu dale posrědkować abo znowa začitować: Hdyž tute nastajenjenastajenje je zmóžnjene, haći Firefox websydła při daleposrědkowanju k druhej stronje abo při awtomatiskim znowazačitowanju.

Přehladowanje

• Awtomatiske přesuwanje wužiwać: Awtomatiske přesuwanje je wužitna funkcija, kotraž wam zmóžnja, stronu kulić, hdyž na srjedźnu tastu myški kliknjeće (zwjetša kolesko myški) a myšku horje a dele pohibujeće. Někotři ludźo maja awtomatiske přesuwanje za wobćežne, tohodla da so z tutym nastajenjomnastajenjom znjemóžnić.

• Łahodne přesuwanje wužiwać: Łahodne přesuwanje móže jara wužitne być, jeli wjele dołhich stronow čitaće. Napohlad skoči w normalnym padźe direktnje wo jednu stronu dele, hdyž Bild dele tłóčiće. Z łahodnym přesuwanjom suwa so łahodnje dele, tak zo móžeće widźeć, wo kelko so suwa. To wosnadnja dalečitanje wot toho městna, hdźež sće přestał čitać.

• Hardwarowe pospěšenje wužiwać, jeli k dispoziciji: Firefox móže grafikowy procesor wašeho ličaka wužiwać, zo by strony z widejemi a animacijemi zwobraznił. To pospěšuje Firefox, dokelž grafikowy procesor wašeho ličaka je wo wjele lěpši hač hłowny procesor wašeho ličaka, zo by tajke wěcy zwobraznił. Tute nastajenje je po standardźe zmóžnjene, ale funkcija za wšě grafikowe procesory k dispoziciji njeje. Zhońće wjace wo hardwarowym pospěšenju.
  Jeli tute nastajenje změniće, dyrbiće Firefox znowa startować.
  Zo byšće Firefox znowa startował:
  1. Klikńće na meni Firefox a wubjerće Skónčić.Klikńće na meni Firefox horjeka na wobrazowce a wubjerće Firefox skónčić.Klikńće na meni Firefox a wubjerće Skónčić.
  2. Startujće Firefox kaž to přeco činiće.

• Při pisanju prawopis kontrolować: Hdyž tute nastajenje je zmóžnjene, Firefox budźe waš prawopis kontrolować a móžne korektury podawać, hdyž do webformularow pisaće. Dźiwajće na to, zo dyrbiće słownik sćahnyć; zo byšće to činił, klikńće z prawej tastutłóčće Strg a klikńće na tekstowe polo, zmóžńće prawopisnu kontrolu, jeli to je trěbne, a wužiwajće potom k dispoziciji stejacy meni Rěče, zo byšće słownik sćahnył.

Rajtark Datowy wuběr

• Firefox - statusowu rozprawu zmóžnić: Statusowa rozprawa Firefox (zhońće wjace) staja wam informacije wo wukonje a stabilnosći wašeho wobhladowaka w běhu časa k dispoziciji. Mozilla wužiwa tute daty, zo by wam zmysłapołne přirunanja a pokiwy k dispoziciji stajił. Zběramy tež daty, kotrež móže kóždy wužiwać, zo bychmy Firefox polěpšili.

• Přidatne daty dźělić (na př. telemetriju): Tež hdyž tute nastajenje zmóžniće, so Mozilla daty (zhońće wjace) wo realistiskim wukonje Firefox sćelu. Budźemy tute daty wužiwać, zo bychmy Firefox polěpšili.

• Rozprawjak spadow zmóžnić: Jeli Firefox spaduje, rozprawjak spadow Mozilla budźe so jewić a was prašeć, hač chceće Mozilla wo spadźe informować. Stajće tu hóčku, zo by kašćik Informujće Mozilla wo tutym spadźe, zo by móhł jón wotstronić hižo po standardźe w rozprawjaku spadow zmóžnjeny był.

Rajtark Syć

Zwisk

Móže być, zo waše předewzaće abo waš poskićowar internetneje słužby wužiwanje proksy poskića abo sej žada. Proksy funguje jako posrědnik mjez wašim ličakom a internetom. Wotposkuje wšě naprašowanja na internet, zo by zwěsćił, hač móže na naprašowanje z pomocu jeho pufrowaka wotmołwjeć. Proksy so wužiwaja, zo bychu wukon polěpšili, naprašowanja filtrowali a waš ličak před internetom schowali, zo bychu wěstotu polěpšili. Proksy su husto dźěl předewzaćelskich wohnjomurjow.

Nastajenja zwiskow

• Žadyn proksy: Wubjerće tute nastajenje, jeli njechaće proksy wužiwać.
• Nastajenja proksy za tutu syć awtomatisce wotkryć: Wubjerće tute nastajenje, jeli chceće, zo Firefox awtomatisce proksy-nastajenja za wašu syć namaka.
• Systemowe nastajenje proksy wužiwać: Wubjerće tute nastajenje, jeli chceće proksy-nastajenja wužiwać, kotrež su za waš dźěłowy system skonfigurowane.
  • To je standardne nastajenje.
• Manuelna konfiguracija proksy: Wubjerće tute nastajenje, jeli maće lisćinu proksy-serwerow. Prašejće so swojeho systemoweho administratora za konfiguraciskimi informacijemi. Kóždy proksy trjeba hostowe mjeno a portowe čisło.
  • Jeli so samsne proksy-mjeno a portowe čisło za wšě protokole wužiwatej, zmóžńće Samsny proksy za wšě protokole wužiwać.
  • Žadyn proksy za: Lisćina hostowych mjenow abo IP-adresow, za kotrež žadyn proksy-serwer ma so wužiwać.
• URL awtomatiskeje proksy-konfiguracije: Wubjerće tute nastajenje, jeli maće dataju za proksy-konfiguraciju (.pac). Zapodajće URL a klikńće na W porjadku, zo byšće změny składował a proksy-konfiguraciju začitował.
  • Znowa: Z tutym tłóčatkom so tuchwilu k dispoziciji stejaca proksy-konfiguracija začita.

Pufrowany webwobsah

Strony, kotrež sej wobhladujeće, so normalnje we wosebitym pufrowakowym rjadowaku składuja, zo byšće sej je přichodny raz, hdyž samsnu stronu wopytujeće, spěšnišo wobhladował. Móžeće składowanski rum podać, kotryž pufrowak smě wužiwać. Móžeće tež wobsah pufrowaka hnydom zhašeć.

• Nětko wuprózdnić: Zhaša hnydom aktualny wobsah z pufrowaka a wuswobodźuje składowanski rum, kotryž so wot pufrowaka wužiwa.
• Awtomatiske rjadowanje pufrowaka přepisać: Zmóžńće tute nastajenje, zo byšće maksimalnu wulkosć pufrowaka na swojim ličaku (w megabajtach) postajić.

Webwobsah a wužiwarske daty offline

• Nětko wuprózdnić: Tute nastajenje hnydom daty zhaša, kotrež so wot websydłow za wužiwanje offline składuja.
• Informować, hdyž websydło chce daty za wužiwanje offline składować: Zmóžnja websydłam, daty składować, kotrež su trěbne za wužiwanje bjez internetneho zwiska. Jeli sće websydło do toho při składowanju datow za wužiwanje offline haćił a swoje měnjenje změnił, móžeće na tłóčatko Wuwzaća… kliknyć. Wubjerće sydło, kotrež nima so hižo blokować, a klikńće na Wotstronić. Zo byšće wšě websydła z lisćiny wotstronił, klikńće na Wšě sydła wotstronić.

Rajtark Aktualizować

• Za aktualizacijemi pytać, ale prjedy so prašeć, hač maja so instalować: Firefox wam wólbu přewostaja, hač chceće aktualizacije sćahnyć a instalować. Jeli to nětko nječiniće, móžeće to tež pozdźišo činić.
• Ženje za aktualizacijemi njepytać (njeporuča so: wěstotne riziko): Firefox za aktualizacijemi njepyta.
  Warnowanje: Jeli tute nastajenje wuběraće, njedóstanjeće kritiske wěstotne aktualizacije, kotrež wašu wěstotu online zaručuja, chibazo pytaće husto manuelnje za aktualizacijemi.
• Zo byšće historiju aktualizacijow přepruwował, kotrež su so sćahnyli a instalowali, klikńće na Aktualizacisku historiju pokazać.
• Pozadkowu słužbu za instalowanje aktualizacijow wužiwać: Firefox budźe wothladowansku słužbu Mozilla wužiwać, hdyž so aktualizacije instaluja. Njetrjebaće potom hižo Firefox awtorizować, hdyž chce na wašim ličaku přez wodźenje wužiwarskich kontow (němsce: Benutzerkontensteuerung) we Windows 7 a Vista přewjesć.

Awtomatisce aktualizować

• Pytawy: Zmóžńće tute nastajenje, zo byšće awtomatiske aktualizacije swojich pytawow dóstał.

Rajtark Certifikaty

Certifikaty pomhaja, zaklučowanje a dešifrowanje zwiskow z websydłami přewjesć.

• Hdyž sej serwer mój wosobinski certifikat žada: Někotre serwery was proša, zo byšće so z wosobinskim certifikatom identifikował. Zo byšće móhł to činić, prošće Firefox za was jedyn certifkat wutworić. Hdyž sydło w přichodźe wopytujeće, so Firefox was wopraša, kotry certifikat ma so wužiwać. Jeli chceće, zo Firefox certifikat za was awtomatisce wuběra, wubjerće nastajenjenastajenje Awtomatisce wubrać .
  Kedźbu: Wosobinski certifikat móže informacije wobsahować, přez kotrež sće wosobinsce identifikujomny, kaž na přikład waše mjeno abo wašu adresu. NastajenjeNastajenje Awtomatisce wubrać móže tohodla wašu priwatnosć zranić. Jeli tute nastajenje wužiwaće, njedóstanjeće warnowanje, hdyž websydło sej waš wosobinski certifikat žada, a zhubiće snano kontrolu wo tym, štóž ma přistup na waše wosobinske daty.

• Pola wotmołwnych serwerow OCSP so naprašować, zo by aktualnu płaćiwosć certifikatow wobkrućiło: Firefox móže so OCSP-serwera (Online Certificate Status Protocol) prašeć, zo by tón wobkrućił, zo certifikat je hišće płaćiwy. Po standardźe Firefox certifikat přepruwuje, jeli certifikat OCSP-serwer podawa. Trjebaće najskerje to jenož změnić, jeli sej waša internetna wokolina to wužaduje.

• Certifikaty pokazać: Klikńće na tute tłóčatko, zo byšće sej składowane certifikaty wobhladał, nowe certifikaty importował a stare certifikaty zawěsćił abo zhašał.

• Wěstotne graty: Wěstotne graty móža zwiski zaklučować a dešifrować a certifikaty a hesła składować. Jeli dyrbiće wěstotny grat wužiwać, kotryž njeje w Firefox wobsahowany, klikńće na tłóčatko Wěstotne graty.