Firefox móže wšě wokna a rajtarki wobnowić, kotrež běchu wočinjene, hdyž je so Firefox njejapcy začini abo skónči. Tutón nastawk wopisuje wobstejnosće, pod kotrymiž Firefox waše předchadne posedźenje wobnowi a kak móžeće to konfigurować.

Hdyž so posedźenske wobnowjenje wotměwa

Hdyž „Předchadne posedźenje wobnowić“ na standardnej startowej stronje wuběraće

Jeli měještej rajtarki a wokno wočinjene, hdyž sće Firefox posledni raz začinił, budźe standardna startowa strona Firefox tłóčatko Předchadne posedźenje wobnowić pokazać. Zo byšće swoje rajtarki a wokna wróćo dóstał, klikńće prosće na nje.

Hdyž Předchadne posedźenje wobnowić z menija Historija wuběraće

Na slědowace wašnje dóstanjeće swoje rajtarki a wokna z předchadneho posedźenja wróćo, jeli standardnu startowu stronu Firefox njewužiwaće:

Po instalaciji přidatka

Hdyž so nowe rozšěrjenje abo drasta instaluje, dyrbiće Firefox znowa startować, zo byšće nowy přidatk zmóžnił. Zo byšće znowa startował, klikńće na Nětko znowa startować. Wšě wokna a rajtarki so znowa wočinjeja, hdyž so Firefox znowa startuje a nowy přidatk so instaluje.

Po softwarowej aktualizaciji

Zo byšće aktualizacije na Firefox nałožował, kotrež su so sćahnyli, dyrbiće Firefox znowa startowác. Zo byšće znowa startował, klikńće na Za aktualizaciju znowa startowaćFirefox za aktualizowanje znowa startować.

Po znowastartowanju ze znjemóžnjenymi přidatkami

Hdyž Firefox ze znjemóžnjenymi přidatkami wužiwaće, zo byšće problemy rozrisował, budu so waše rajtarki a wokna znowa wočinjeć.

Po spadźe

Njewočakowanych problemow dla, kaž na přikład problemy z websydłom, softwarowymi zmylkami abo njenadźitym wupadom miliny, móže so Firefox njejapcy začinić. W tutych situacijach móže Firefox při znowastartowanju strony wobnowić, kotrež sće wopytał. Prěni raz, hdyž Firefox po spadźe startujeće, budźe so waše předchadne posedźenje awtomatisce wobnowjeć.

Jeli Firefox druhi raz spaduje, so strona posedźenskeho wobnowjenja (t. r. "Nó, to je njepřijomne.") zjewi, hdyž Firefox přichodny raz startujeće.

• Zo byšće swoje předchadne posedźenje wobnowił, wubjerće wokna abo rajtarki, kotrež chceće wobnowić a klikńće na Wobnowić.
• Jeli Firefox dale zmylki pokazuje, hdyž so wokna a rajtarki znowa wočinjeja, móžeće Firefox startować bjez toho, zo byšće tute elementy wobnowił. Klikńće na Nowe posedźenje startować.

Hdyž sće Firefox nastajił, zo by waše wokna a rajtarki z poslednjeho raza pokazował

Móžeće Firefox tak nastajić, zo přeco waše wokna a rajtarki wašeho předchadneho posedźenja kóždy raz pokazuje, hdyž Firefox startujeće. Zo byšće nastajenja za start změnił, hlejće Posedźenske wobnowjenje konfigurować deleka.

Posedźenske wobnowjenje konfigurować

Po standardźe so při startowanju Firefox jednotliwe wokno wočinja, kotrež wašu nastajenu startowu stronu zwobraznja. Jeli chceće, móžeće Firefox tak konfigurować, zo wšě wokna a rajtarki z wašeho předchadneho posedźenja wočinja:

1. Klikńće w menijowej lajsće horjeka na wobrazowce na Firefox a wubjerće potom Nastajenja, po wersiji macOS.Klikńće na menijowe tłóčatko a wubjerće Nastajenja.
2. Wubjerće wotrězk Powšitkowny.
3. Wubjerće z wuběranskeje lisćiny Hdyž Firefox startuje: zapisk Wokna a rajtarki wot poslednjeho raza pokazać.
4. Začińće stronu Nastajenja. Wšě změny, kotrež sće přewjedł, budu so awtomatisce składować.

Problemy priwatnosće

Posedźenske wobnowjenje wostaja was pola sydłow přizjewjeneho, pola kotrychž sće so do toho přizjewił, prjedy hač sće Firefox začinił. Jeli něchtó druhi je waš ličak po was wužił, změje snano přistup na waše konto při tutych sydłach. Jeli to trjechi, njeměł wy Firefox konfigurować, zo by wšě wokna a rajtarki z wašeho předchadneho posedźenja wočinił.

Chceće snano posedźenske wobnowjenje po programowym spadźe znjemóžnić, kotrež je po standardźe zmóžnjene. To zadźěwa wobnowjenju předchadneho posedźenja, hdyž so Firefox po njewočakowanym začinenju abo programowym spadźe wočinja:

1. Zapodajće about:config do adresoweho pola a tłóčće Enter↩.
   Warnowanska strona móže so jewić. Klikńće na Riziko akceptować a pokročować, zo byšće so na stronu about:config dóstał.
2. Zapodajće browser.sessionstore.resume_from_crash do kašćika Pytać:.
3. Klikńće dwójce na zapisk browser.sessionstore.resume_from_crash, zo byšće jón na false stajił.

Rozrisowanje problemow

Předchadne posedźenje njeje so korektnje začiniło

Zo byšće swoje rajtarki a wokna z předchadneho posedźenja wróćo dóstał, měł wy Firefox přez meni začinić: Klikńće na meni Firefox a wubjerće Skónčić.Klikńće na meni Firefox horjeka na wobrazowce a wubjerće Firefox skónčić.Klikńće na meni Firefox a wubjerće Skónčić. Jeli kóžde wokno abo kóždy rajtark začinjeće, budu jenož rajtarki wokna, kotrež sće jako poslednje začinił, k dispoziciji stać, hdyž Firefox znowa startujeće.

Nastajenja su snano wopak

Za druhe problemy posedźenskeho wobnowjenja dyrbiće snano swoje nastajenja Firefox korigować:

1. Klikńće w menijowej lajsće horjeka na wobrazowce na Firefox a wubjerće potom Nastajenja, po wersiji macOS.Klikńće na menijowe tłóčatko a wubjerće Nastajenja.
2. Wubjerće wotrězk Priwatnosć a přeswědčće so, zo zapisk za Firefox budźe: na pak Sej historiju spomjatkować pak Swójske nastajenja za historiju steji.
   • Jeli Firefox budźe: na Swójske nastajenja za historiju steji, zawěsćće, zo Přeco priwatny modus wužiwać wubrany njeje.
   • Jeli Firefox budźe: na Swójske nastajenja za historiju wužiwać steji a Historiju wuprózdnić, hdyž so Firefox začinja je wubrany, klikńće na tłóčatko Nastajenja a zawěsćće, zo Přehladowanska a sćehnjenska historija wubrany njeje.
3. Začińće stronu Nastajenja. Wšě změny, kotrež sće přewjedł, budu so awtomatisce składować.

Bazuje na informacijach z nastawka Session Restore (mozillaZine KB)