Konfiguraciski editor (strona about:config) nalistuje nastajenja z datajow prefs.js a user.js w profilu Firefox kaž tež standardne nastajenja. Wjele z tutych nastajenjow je rozšěrjene nastajenja, kotrež we woknje NastajenjaNastajenjaNastajenja k dispoziciji njejsu. Tutón nastawk wopisuje, kak móžeće sej stronu about:config wobhladać, nastajenja změnić abo wróćo stajić, jeli to je trěbne.

about:config wočinić

Zapodajće about:config do adresoweho pola a tłóčće Enter↩.
Warnowanska strona móže so jewić. Klikńće na Riziko akceptować a pokročować, zo byšće so na stronu about:config dóstał. Klikńće na Wšě pokazać, zo byšće wšě nastajenja pokazał, kotrež su w profilu stajene abo wužiwajće kašćik z tekstom Mjeno nastajenja pytać, zo byšće lisćinu filtrował.

Nastajenja pytać

Jeli pytanski wuraz zapodawaće a nastajenje njeeksistuje, maće móžnosć, nowe nastajenje přidać (hlejće deleka).

Nastajenja změnić

Zo byšće hódnotu logiskeho (wěrno-wopak) nastajenja změnił, klikńće dwójce na nastajenje.

• Abo klikńće na tłóčatko Přepinać .

Zo byšće hódnotu nastajenja typa znamješkowy rjećazk (tekst) abo typa ličba změnił:

1. Klikńće dwójce na nastajenje.
   • Abo móžeće na tłóčatko Wobdźěłać kliknyć.
2. Zapodajće nowu hódnotu.
   
3. Klikńće na tłóčatko Składować , zo byšće změnu składował.

Nastajenja wróćo stajić abo zhašeć

Zo byšće nastajenje na jeho standardnu hódnotu stajił, klikńće na tłóčatko Wróćo stajić .

Kedźbu: Tłóčatko Zhašeć móže so snano za někotre nastajenja pokazać, kotrež su tučnje formatěrowane, kotrež njejsće změnił abo přidał, na přikład nastajenja, kotrychž hódnoty su specifiske za system. Tute nastajenja so ewentuelnje zaso přidawaja, jeli su so zhašeli.

Nastajenja přidać

Zo byšće nowe nastajenje přidał, zapodajće jeho mjeno do kašćika Mjeno nastajenja pytać horjeka na stronje about:config. Pod pytanskimi wuslědkami (jeli tajke eksistuja), je móžnosć, nowe nastajenje wutworić. Zo byšće to činił, podajće typ hódnoty, kotruž nastajenje budźe składować:

• Boolean je true (wěrny) abo false (wopak)
• Ličba je cyła ličba
• String je znamješkowy rjećazk (tekst)

Klikńće na tłóčatko Přidać , zo byšće nowe nastajenje wutworił a stajće jeho hódnotu. Nastajenja typa Boolean so po standardźe na true stajeja, wužiwajće tłóčatko Přepinać za nje, zo byšće hódnotu změnił. Zapodajće hódnotu a klikńće za nastajenja typa znamješkowy rjećazk abo ličba na tłóčatko Składować . Klikńće na tłóčatko Zhašeć .

Klikńće na tłóčatko Zhašeć , zo byšće nowe nastajenje zaćisnył (hlejće horjeka). .

Bazuje na informacijach z nastawka About:config (mozillaZine KB)