Inteligentne adresowe polo - zapołožki, zapiski historije a rajtarki pytać

Adresowe polo Firefox pokazuje adresu webstrony (URL). Mjenujemy ju inteligentne adresowe polo, dokelž sej webstrony spomjatkuje, kotrež sće wopytał, zhódawa, hdźež chceće dóńć a pokazuje lisćinu z namjetowanymi stronami, z kotrychž móžeće wubrać. Čim husćišo jo wužiwaće, ćim lěpše budźe. Tutón nastawk wujasnja, kak awtomatiske wudospołnjenje z adresowym polom funguje a kak móžeće tutu funkciju chětře wužiwać.

Adresowe polo Firefox pokazuje adresu webstrony (URL). Mjenujemy ju inteligentne adresowe polo, dokelž sej webtrony spomjatkuje, kotrež sće wopytał, zhódawa, hdźež chceće dóńć a pokazuje lisćinu z namjetowanymi stronami abo pytanjemi, z kotrychž móžeće wubrać. Čim husćišo jo wužiwaće, ćim lěpše budźe. Tutón nastawk wujasnja, kak awtomatiske wudospołnjenje z adresowym polom funguje a kak móžeće tutu funkciju chětře wužiwać.

Móžeće adresowe polo tež za hinaše pytanja wužiwać. Za dalše informacije hlejće:

Kak so lisćina awtowudospołnjenja wužiwa

Tak ruče kaž něšto do adresoweho pola zapodawaće, so wuběranska lisćina awtowudospołnjenja wočinja a pokazuje strony z wašeje přehladowanskeje historije kaž tež strony, za kotrež sće zapołožki składował a kotrež sće ze značkami woznamjenił. Wotpowědne zapřijeća so wuzběhuja, zo byšće móhł lisćinu wuslědkow lochko přepytować. Hdyž požadanu stronu widźiće, klikńće na nju abo wužiwajće šipkowej tasće „horje“ a „dele“ na swojej tastaturje, zo byšće ju wuzběhnył a tłóčće potom Return.

Awesome 29 - Win Awesome 29 - Mac Awesome 29 - Lin

Tak ruče kaž něšto do adresoweho pola zapodawaće, so wuběranska lisćina awtowudospołnjenja wočinja a pokazuje strony z wašeje přehladowanskeje historije, wočinjene rajtarki, synchronizowane websydła kaž tež strony, za kotrež sće zapołožki składował a kotrež sće ze značkami woznamjenił. Wotpowědne zapřijeća so wuzběhuja, zo byšće móhł lisćinu wuslědkow lochko přepytować. Symbole budu pokazać, hač trjechny wuslědk je wočinjeny rajtark abo zapołožka. Hdyž požadanu stronu widźiće, klikńće na nju abo wužiwajće šipkowej tasće „horje“ a „dele“ na swojej tastaturje, zo byšće jo wuzběhnył a tłóčće potom Return.

Awesome 29 - Win Awesome 29 - Mac Awesome 29 - Lin
Firefox budźe tež časte pytanske namjety ze standardneje pytawy namjetować. Hlejće Pytanske namjety w pytanskim polu Firefox wužiwać a Pytanske namjety w Firefox za dalše informacije.

Dźěl zapiska, kotryž so k wašemu zapodaću hodźi, so tučnje pokaza. Adresowe polo pokaza hodźace so wuslědki za

  • Webadresy a titule stronow z wašeje historije
  • Titule stronow, webadresy a znački z wašich zapołožkow
  • Strony, kotrež su tuchwilu w druhich rajtarkach wočinjene (hlejće deleka pod K rajtarkej přeńć)
  • Webadresy a titule stronow z wašeje historije
  • Titule stronow, webadresy a znački z wašich zapołožkow
  • Strony, kotrež su tuchwilu w druhich rajtarkach wočinjene (hlejće deleka pod K rajtarkej přeńć)
  • Strony, kotrež su so z druhimi gratami synchronizowali.

Adresowe polo wuknje z wašeho přehladowanskeho zadźerženja. Přiměrja wuslědki, po tym kaž husto kóžde stronu wopytujeće, hdy je so to posledni raz stało a na kotry wuslědk sće po zapodawanju znamješkow abo słowow kliknył. Na tute wašnje so strony, kotrež sće cyły čas wopytał, na spočatku lisćiny pokazuja, hdyž jenož jedne znamješko zapodawaće.

Awtowudospołnjenje adresow

Přidatnje k wuběranskej lisćinje awtowudospołnjenja za stronu, kotruž sće do toho wopytał, wudospołnjuje Firefox URL w adresowym polu. Jeli na přikład "dom" zapisujeće, Firefox jón snano k adresy "domowina.de" wudospołnjuje, jeli sće tu stronu do toho wopytał. Tłóčće w tutym padźe Return a dóstanjeće so direktnje k tutej adresy.

Autocomplete 29 - Win Autocomplete 29 - Mac Autocomplete 29 - Lin

Awtowudospołnjenju zadźěwać

Jeli chceće funkciju znjemóžnić, zo so URL awtomatisce wudospołnuje, hdyž do adresoweho pola zapisujeće, móžeće nastajenje w konfiguraciskim editorje (strona about:config) změnić. Přewjedźće slědowace kroki:

  1. Zapodajće about:config do adresoweho pola a tłóčće .

    • Zwjetša so potom warnowanje about:config "Přez to móžeće swoju garantiju zhubić!" jewi. Klikńće na Budu kedźbliwy, lubju!Akceptuju riziko, zo byšće so na stronu about:config dóstał.
  2. Zapisajće horjeka na stronje about:config autoFill do pytanskeho pola (abo přepytajće lisćinu, zo byšće nastajenje browser.urlbar.autoFill namakał).
  3. Klikńće dwójce na nastajenje browser.urlbar.autofill, zo byšće jeho hódnotu na false stajił. (Móžeće potom stronu about:config začinić.)
Kedźbu: Tute nastajenje so jenož na funkciju awtowudospołnjenja URL w adresowym polu wuskutkuje. Zo byšće awtowudospołnjenske wuslědki z wuběranskeje lisćiny pod adresowym polom znjemóžnił abo wobmjezował, hlejće Kak móžu kontrolować, kotre wuslědki adresowe polo mi pokazuje? (hlejće deleka).

K rajtarkej přeńć

Adresowe polo přepytuje tež wočinjene rajtarki, kotrež wuslědki z rajtarkowym symbolom a tekstom „K rajtarkej přeńć“ zwobraznja. Hdyž tute wuslědki wuběraće, přeńdźe Firefox k hižo wočinjenemu rajtarkej město toho, zo by duplikat wočinił.

Switch tab 29 - Win Switch tab 29 - Mac Switch tab 29 - Lin
Zo byšće nastajenje „K rajtarkej přeńć“ nachwilu znjemóžnił, tłóčće tastu Alt, mjeztym zo na stronu w lisćinje awtowudospołnjenja kliknjeće, kotraž so pod wašim adresowym polom jewi. Přez to so waša strona w nowym rajtarku wočini, město w eksistowacym.

Web přepytować

Jeli adresowe polo žane wuslědki njepokazuje, woznamjenja to prosće, zo we wašej historiji, wašich zapołožkach abo značkach ničo njeje, štož so hodźi. Dobra powěsć je, zo njejsće zlě pobył, dokelž móžeće najebać toho web direktnje z adresoweho pola přepytować. Tłóčće prosće Return a wuraz, kotryž sće do adresoweho pola zapodał, budźe so z wašej standardnej pytawu pytać. Za podrobnosće hlejće Web z adresoweho pola přepytować.

Kak móžu najlěpše wuslědki dóstać?

  • Hdyž chceće k webstronje přeńć, kotrež sće do toho wopytał, zapodajće někotre pismiki z jeho webadresy abo titula strony. Přehladujće zapiski awtowudospołnjenja a pytajće stronu w lisćinje (zapodajće druhi pismik, jeli njeje podata). Tłóčće Return, zo byšće k wubranej webadresy přešoł. Firefox tutomu zapiskej abo wuslědkej w přichodźe wyšu wažnosć přicpěje.
  • Njezhašejće přehladowansku historiju - najlěpše žórło zapiskow awtowudospołnjenja je zwjetša kombinacija z titula a webadresy. Hdyž přehladowansku historiju zhašeće, so tute zapiski z wuslědkow wotstronja.
  • Stajće zapołožki a woznamjeńće husto wopytane strony ze značkami. Adresowe polo pyta za mjenom, kotrež sće zapołožce dał a tež za značkami, kotrež su z tutej zapołožku zwjazane. Hlejće nastawk Ze zapołožkami swoje najlubše webstrony składować za dalše informacije wo tym, kak móžeće zapołožki w Firefox wužiwać. Móžeće swoje wuslědki awtowudospołnjenja polěpšić, hdyž strony ze značkami woznamjenjeće, kotrež móžeće sej lochko spomjatkować.

Kak móžu kontrolować, kotre wuslědki adresowe polo mi pokazuje?

Nastajenja wašeho adresoweho pola změnić

Móžeće funkciju awtowudospołnjenja adresoweho pola znjemóžnić abo wuslědki wobmjezować, zo byšće swoje wočinjene rajtarki, swoje zapołožki abo swoju historiju wuwzał:

  1. Klikńće na menijowe tłóčatko New Fx Menu Fx57Menu a wubjerće Nastajenja.Nastajenja.
  2. Wubjerće wotrězk Priwatnosć.
    Awesome Privacy Win Awesome Privacy Mac
  3. Wubjerće pódla Při wužiwanju adresoweho pola namjetować:: požadane zapiski:
    • Historija a zapołožki: Wužiwa přehladowansku historiju kaž tež zapołožki w lisćinje awtowudospołnjenja.
    • Historija: Wužiwa přehladowansku historiju, zapołožki wšak nic.
    • Zapołožki: Wužiwa zapołožki w lisćinje awtowudospołnjenja, přehladowansku historiju wšak nic.
    • Ničo: Znjemóžnja lisćinu awtowudospołnjenja.
  4. Začińće stronu about:preferences. Wšě změny, kotrež sće přewjedł, budu so awtomatisce składować.
  1. Klikńće na menijowe tłóčatko New Fx Menu Fx57Menu a wubjerće Nastajenja.Nastajenja.
  2. Wubjerće wotrězk Priwatnosć.
  3. Wubjerće pod adresowym polom požadane zapiski:
    location bar
    • Historija: Namjetuje strony, kotrež sće do toho wopytał.
    • Zapołožki: Namjetuje strony, za kotrež sće zapołožki składował.
    • Wočinjene rajtarki: Namjetuje strony, kotrež su w druhich rajtarkach wočinjene.
  4. Začińće stronu about:preferences. Wšě změny, kotrež sće přewjedł, budu so awtomatisce składować.
  1. Klikńće na menijowe tłóčatko New Fx Menu Fx57Menu a wubjerće Nastajenja.Nastajenja.
  2. Wubjerće wotrězk Priwatnosć.
  3. Wubjerće pod adresowym polom požadane zapiski:
    nastajenja priwatnosć adresowe polo fx47
    • Historija: Namjetuje strony, kotrež sće do toho wopytał.
    • Zapołožki: Namjetuje strony, za kotrež sće zapołožki składował.
    • Wočinjene rajtarki: Namjetuje strony, kotrež su w druhich rajtarkach wočinjene.
    • Nastajenja za namjety pytawy změnić...: Zo byšće tute nastajenje w adresowym polu zmóžnił abo znjemóžnił, klikńće na tutón wotkaz, zo byšće so do wotrězka Pytać nastajenjow dóstał. Stajće hóčku pódla Pytanske namjety podać, zo byšće pytanske namjety ze swojeje najlubšeje pytawy za pytanske polo, startowu stronu a stronu noweho rajtarka zmóžnił, abo wotstrońće hóčku, zo byšće je znjemóžnił. Zo byšće pytanske namjety za adresowe polo zmóžnił abo znjemóžnił, přidajće abo wotstrońće hóčku pódla Pytanske namjety we wuslědkach adresoweho pola pokazać.
  4. Začińće stronu about:preferences. Wšě změny, kotrež sće přewjedł, budu so awtomatisce składować.

Wuslědki awtowudospołnjenja wotstronić

Jeli chceće zapisk z lisćiny awtowudospołnjenja wotstronić:

  1. Wužiwajće, mjeztym zo sće w adresowym polu, šipkowej tasće „horje“ a „dele“ na swojej tastaturje, zo byšće zapisk wuzběhnył.
  2. Tłóčće Entf+Entf, zo byšće zapisk z lisćiny wotstronił.

Jeli chceće wšě wusledki historije z lisćiny awtowudospołnjenja wotstronić, zhašejće přehladowansku historiju Firefox. Hlejće nastawk Přehladowansku, pytansku a sćehnjensku historiju zhašeć za instrukcije.

Pokiw: Zapiski awtowudospołnjenja ze zapołožkow so z wuslědkow njewotstronjeja, jeli pospytujeće, je abo přehladowansku historiju zhašeć. Tute zapiski maja hwěžku. Zo byšće tute zapiski wotstronił, zhašejće zwjazanu zapołožku abo wuwzmiće zapołožki w nastajenjach adresoweho pola.

Wuslědki nimoducy změnić

Jeli wěstu družinu wuslědkow pytaće, kaž na př. zapołožku abo značku, móžeće pytanski proces pospěšić, zapodawajo w adresowym polu wosebite znamješka za kóždym pytanskim wurazom, dźělene přez mjezery:

  • Přidajće ^, zo byšće wotpowědniki w swojej přehladowanskej historiji pytał.
  • Přidajće *, zo byšće wotpowědniki w swojich zapołožkach pytał.
  • Přidajće +, zo byšće wotpowědniki w stronach pytał, kotrež sće ze značkami woznamjenił.
  • Přidajće %, zo byšće wotpowědniki w tuchwilu wočinjenych rajtarkach pytał.
  • Přidajće ~, zo byšće wotpowědniki w stronach pytał, kotrež sće zapodał.
  • Přidajće #, zo byšće wotpowědniki w titulach stronow pytał.
  • Přidajće @, zo byšće wotpowědniki we webadresach (URL) pytał.
  • Přidajće $, zo byšće wotpowědniki w namjetach pytał.

Jeli na přikład stronu pytaće, za kotruž sće zapołožku Pomoc Mozilla Firefox składował, móžeće mozilla zapodać. Wuslědki awtowudospołnjenja so jewja, ale móže być, zo so požadana strona njepokazuje.

Móžeće swoje wuslědki jenož na zapołožki wobmjezować, zapodawajo pytanski wuraz mozilla  *.

Jeli maće hišće přewjele wuslědkow, móžeće pytanje dale wobmjezować, hdyž za wurazom mozilla  *  pomoc  # pytaće. Nětko lisćina awtowudospołnjenja jenož strony ze zapołožkami pokazuje, kotrychž titul słowje mozilla a pomoc wobsahuje.

// Tući lubi ludźo su pomhali, tutón nastawk pisać: milupo. Móžeće tež pomhać - zhońće, kak.

Je tutón nastawk wužitny był? Prošu čakajće…

Dobrowólnik za pomoc Mozilla