Najwjace distribucijow Linux Firefox z paketowym zrjadowakom instaluje a konfiguruje jón jako standardny wobhladowak. Tutón nastawk druhe móžnosće wujasnja, kak móžeće Firefox w Linux sćahnyć a instalować.
Zapis wobsaha
Z paketowym zrjadowakom distribucije instalować (doporučene)
Zo byšće Firefox z pomocu paketoweho zrjdowaka swojeje distribucije instalował, čitajće prošu dokumentaciju swojeje distribucije Linux.
Tuta metoda je doporučena, dokelž zawěsća, zo so Firefox a wšě trěbne biblioteki instaluja a optimalnje za wašu distribuciju konfiguruja. Ale budźe snano małe zadźerženje mjez oficielnym wozjewjenjom noweje wersije Firefox a wokomikom, hdyž waša distribucija wersiju, kotruž rozdźěluje, aktualizuje. Waša distribucija móže ju tež bjez tworoweho znamjenja Firefox rozdźělować.
Z Flatpak instalować
Zo byšće Firefox z Flatpak instalował, instalujće a konfigurujće Flatpak na swojim ličaku. Hdyž Flatpak je zainstalowany, dźiće k stronje Flathub Firefox a klikńće na tłóčatko . Abo móžeće slědowacy přikaz do terminala zapodać:
flatpak install flathub org.mozilla.firefox
Po standardźe Flatpak Firefox w rěči dźěłoweho systema instaluje. Zo byšće druhu rěč wužiwał, čitajće slědowace instrukcije wo tym, kak móžeće Firefox w druhej rěči wužiwać.
Ze Snap instalować
Zo byšće Firefox ze Snap instalował, instalujće Snap na swojim ličaku. Hdyž Snap je zainstalowany, dźiće k stronje Snapcraft Store Firefox, klikńće na tłóčatko a čitajće instrukcije.
Jeli k dispoziciji Snap Firefox w rěči dźěłoweho systema instaluje. Zo byšće druhu rěč wužiwał, čitajće prošu instrukcije wo tym, kak móžeće Firefox w druhej rěči wužiwać.
Firefox z wersijow Mozilla instalować (za pokročenych wužiwarjow)
- Prjedy hač Firefox instalujeće, zawěsćće, zo trěbne biblioteki su na wašim ličaku zainstalowane. Falowace biblioteki móža k tomu wjesć, zo Firefox wužiwajomny njeje.
- Zo byšće Firefox z tutej metodu instalował, dyrbiće so jako root přizjewić abo přikazy
sudowuwjesć. - Tuta instalacija ma prioritu nad wersiju Firefox, kotraž je so pśez paketowy zrjadowak zainstalowała. Zo byšće wersiju startował, kotruž sće z paketowym zrjadowakom zainstalował, dyrbiće binarnu dataju z terminala wuwjesć. Wočińće w najwjace distribucijach za to terminal a zapodajće:
/usr/bin/firefox.
1. Dźiće k sćehnjenskej stronje Firefox a klikńće na tłóčatko .
2. Wočińće terminal a dźiće do rjadowak, hdźež sće swoje sćehnjenje składował. Na přikład:
cd ~/Downloads
3. Ekstrahujće wobsah ze sćehnjeneje dataje a pisajće:
tar xjf firefox-*.tar.bz2
Slědowace přikazy dyrbja so jako root wuwjesć, abo ze sudo před nimi.
4. Přesuńće njekomprimowany rjadowak Firefox do /opt:
mv firefox /opt
5. Wutworće symlink k wuwjedźomnej dataji Firefox:
ln -s /opt/firefox/firefox /usr/local/bin/firefox
6. Sćehńće kopiju desktopoweje dataje:
wget https://raw.githubusercontent.com/mozilla/sumo-kb/main/install-firefox-linux/firefox.desktop -P /usr/local/share/applications
Abo, jeli wget na wašim ličaku zainstalowany njeje, dźiće k URL, kotryž je horjeka naspomnjeny, klikńće z prawej tastu na stronu, zo byšće kontekstowy meni wočinił a wubjerće . Po tym zo sće dataju sćahnył, přesuńće ju do /usr/local/share/applications.
Zo byšće přepruwował, hač instalacija bě wuspěšna, móžeće stronu Informacije wo rozrisanju problemow wočinić. We wotrězku Zakłady nałoženja měła hódnota za Nałoženska binarna dataja /opt/firefox/firefox-bin być.
