Startowy bok Firefox na wašom rěźe Android waše zwězanja, pśed krotkim woglědane rejtariki, pśed krotkim skłaźone cytańske znamjenja a pytanja a zběrki pokazujo, a nastawki a temy, kótarež su se pśez Pocket dopórucyli.

Zgóńśo, kak móžośo swój startowy bok Firefox za Android pśiměriś.

Startowy bok Firefox pśiměriś

Móžośo wóźiś, kótare wótrězki su widobne na wašem startowem boku Firefox za Android:

1. Pótusniśo tłocašk Startowy bok pśiměriś dołojce na swójem startowem boku.
2. Pótusniśo suwak pódla Zwězanja, aby jen zmóžnił (wioletny) abo znjemóžnił (šery).
3. Pótusniśo suwak Slědk skócyś, aby jen zmóžnił (wioletny) abo znjemóžnił (šery).
4. Pótusniśo suwak pódla Nejnowše cytańske znamjenja, aby jen zmóžnił (wioletny) abo znjemóžnił (šery).
5. Pótusniśo suwak pódla Pśed krotkim woglědane, aby jen zmóžnił (wioletny) abo znjemóžnił (šery).
6. Pótusniśo suwak pódla Pocket, aby jen zmóžnił (wioletny) abo znjemóžnił (šery).

Zwězanja

Wašym zwězanjam sedło pśidaś

Waše zwězanja se ako symbole na wašem startowem boku za lažki pśistup nalicyju.

1. Woglědajśo se k bokoju, kótaryž cośo pśipěś.

2. Pótusniśo menijowy tłocašk.

3. Pótusniśo Zwězanjam pśidaś.

Gaž nowy rejtarik wócynjaśo, se pśipěte websedło něnto we wašych zwězanjach zjawijo.

Sedła wót zwězanjow wótpěś

Tłocćo miniaturku, aby ju wótpěł a wubjeŕśo Wótwónoźeś z menija.

Nejcesćej woglědane sedła pokazaś

Móžośo na swójej startowej wobrazowce w Firefox za Android swóje nejcesćej woglědane sedła pódla wašych pśipětych zwězanjow pokazaś.

Aby swójej startowej wobrazowce nejcesćej woglědane sedła pśidał:

1. Pótusniśo menijowy tłocašk.

2. Pótusniśo Nastajenja.
3. Wubjeŕśo Pśiměriś
4. Zmóžniśo pód Startowy bok reglowac pódla Nejcesćej woglědane sedła pokazaś.
5. Buźośo pótom swóje nejcesćej woglědane sedła na swójej startowej wobrazowce wiźeś.

Zběrki

Móžośo rejtarikowe kupki za malsny pśistup ako zběrki organizěrowaś, aby je pśeglědnje ako zběrki składował a na swójej startowej wobrazowce pokazał. Zběrki Firefox daju se lažko napóraś, gaž je trjebaśo a wulašowaś, gaž wěcej njetrjebaśo.

Jolic žedne zběrki njamaśo, se žedne na wašej startowej wobrazowće njepokazuju (móžośo pśipisk wó zběrkach w Firefox 81+ zachyśiś).

Nowu zběrku napóraś

Aby zběrki napórał:

1. Woglědajśo se k bokoju, kótaruž cośo nowej zběrce pśidaś.

2. Pótusniśo menijowy tłocašk.

3. Pótusniśo Do zběrki składowaś.
4. Pótusniśo Nowu zběrku pśidaś.
5. Zapódajśo mě za nowu zběrku do tekstowego póla, kótarež se zjawijo.
6. Pótusniśo Dokóńcony.
7. Zběrka se něnto we wótrězku Zběrki na startowej wobrazowce pokazujo.

Woglědajśo se k Collections in Firefox, aby wěcej wó tom zgónił, kak móžośo je zastojaś.