Priwatny modus - Firefox wužiwać, bjeztoho zo by so historija składowała

Tutón nastawk němske zapřijeća dźěłoweho systema wobsahuje, dokelž serbski dźěłowy system njeeksistuje.

Priwatny modus waše přehladowanske informacije njeskładuje, na přikład historiju a placki a njezawostaja žadyn slěd, hdyž posedźenje kónčiće. Hdyž w priwatnych woknach přehladujeće, škitaja was po standardźe před plackami třećich poskićowarjow a wobsahowymi přesćěhowakami. Naše prawidła přećiwo slědowanju naš zawjazk wotbłyšćuje, wašu prwatnosć škitać a was wěsty dźeržeć. Firefox ma tež polěpšeny slědowanski škit, kotryž schowane přesćěhowaki při hromadźenju datow přez wjacore sydła a spomałšenju wašeho přehladowanja haći.

Chceće wjace zhonić? Čitajće nastawk SmartBlock for Enhanced Tracking Protection

Wažny pokiw: Přez priwatny modus w interneće anonymny njejsće. Waš internetny słužbny poskićowar, dźěłodawar abo sydła same móža hišće informacije wo stronach hromadźić, kotrež wopytujeće. Priwatny modus wam ani přećiwo tastowym protokolowakam abo spionažnym programam nješkita, kotrež su so snano na wašim ličaku składowali. Zo byšće wjace zhonił, hlejće Common Myths about Private Browsing.

Kak móžu nowe priwatne wokno wočinić?

Stej dwě móžnosći, nowe priwatne wokno wočinjeć:

Nowe priwatne wokno z menija Firefox wočinić

  • Klikńće na menijowe tłóčatko Fx57Menu a potom na Nowe priwatne wokno.
    NewPrivatewin89

Startowa strona priwatneho modusa so w nowym woknje wočini.

Wotkaz w nowym priwatnym woknje wočinić

  • Klikńće z prawej tastu myškiDźeržće tastu control stłóčenu a klikńće na wotkaz a wubjerće Wotkaz w priwatnym woknje wočinić z kontekstoweho menija.
    Fx96 Link in Private Window
Pokiw: Priwatne wokna maja horjeka purpurnu masku.
Fx96 Win11 private maskFx106 Win10 private mask

Što priwatny modus njeskładuje?

  • Wopytane strony: Strony so ani lisćinje sydłow w meniju Historija, liscinje historije we woknje biblioteki ani lisćinje adresow w adresowym polu njepřidawaja.
  • Zapiski formularow a pytanskeho pola: Ničo, štož do tekstowych kašćikow na webstronach abo w pytanskim polu zapodawaće, njebudźe so za awtomatiske wudospołnjeje formularow składować.
  • Zapisk sćehnjenskeje lisćiny: Dataje, kotrež sćahujeće, so w sćehnjenskej bibliotece njepokazuja, po tym zo sće priwatny modus znjemóžnił.
  • Placki: Placki składuja informacije wo wopytanych websydłach, kaž na př. nastajenja sydła a přizjewjenski status a daty. Placki dadźa so tež wot třećich poskićowarjow wužiwać, zo bychu slědowali, kotre websydła wopytujeće. Hlejće nastawk Funkciju Njeslědować zmóžnić, zo byšće wjace wo slědowanju zhonił. Placki nastajene w priwatnych woknach so nachwilu wobchowuja, rozdźělene wot plackow normalnych woknow a zaćisnu so na kóncu priwatneho posedźenja (po tym zo poslednje priwatne wokno je so začiniło).
  • Pufrowany webwobsah a webwobsah a wužiwarske daty offline: Nachwilne internetne dataje (pufrowane dataje) abo dataje, kotrež websydła za wužiwanje offline składuja, so njeskładuja.
Pokiw:
  • Nowe hesła a zapołožki, kotrež w priwatnym modusu wutworjeće, budu so składować.
  • Dataje, kotrež w priwatnym modusu sćahujeće, so składuja.

Móžu Firefox tak konfigurować, zo přeco priwatny modus modus wužiwa?

Firefox spomjatkuje so po standardźe historiju, ale móžeće tute nastajenje w meniju NastajenjaNastajenjaNastajenja změnić:

  1. Klikńće w menijowej lajsće horjeka na wobrazowce na Firefox a wubjerće potom Nastajenja, po wersiji macOS.Klikńće na menijowe tłóčatko Fx89menuButton a wubjerće Nastajenja.
  2. Wubjerće wokno Priwatnosć a wěstota a dźiće k wotrězkej Historija.


Fx63CustomHistory

  1. Wubjerće Swójske nastajenja za historiju wužiwać z wuberanskeho menija a stajće hóčku do kašćika před nastajenjom Přeco priwatny modus wužiwać.
    • Město toho móžeće Sej historiju ženje njespomjatkować z wuběranskeho menija wubrać, štož priwatnemu modusej wotpowěduje.
  2. Startujće Firefox znowa.
Wažny: Hdyž je Firefox na Přeco priwatny modus wužiwać abo Sej historiju ženje njespomjatkować nastajeny, njebudźeće wioletnu masku horjeka w kóždym woknje widźeć, samo hdyž sće w priwatnym modusu. Zo byšće normalne přehladowanje wobnowił, dźiće k swojim nastajenjam w Priwatnosć a wěstota NastajenjaNastajenjaNastajenja a wotstrońće hóčku před Přeco priwatny modus wužiwać ze swojich nastajenjow Swójske nastajenja za historiju wužiwać (abo wubjerće Sej historiju spomjatkować z wuběranskeho menija) a startujće Firefox znowa.

Móžeće tež za lochki přistup Firefox w priwatnym modusu na nadawkoej lajsće Windows připinyć:

  1. Klikńće na menijowe tłóčatko Fx89menuButton a wubjerće Nowy priwatne wokno. Nowy symbol Firefox z małej wioletnej masku so w nadawkowej lajsće Windows pokazuje, to je symbol priwatneho modusa.
  2. Klikńće z prawej tastu na Firefox w symbolu priwatneho modusa w nadawkowej lajsće.
  3. Klikńće na An Taskleiste anheften (słuša k Windows).

Dalše móžnosće, z kotrymiž móžeće kontrolować, kotre daty Firefox składuje

Je tutón nastawk wužitny był?

Prošu čakajće…

Slědowacy wulkotni ludźo su pomhali, tutón nastawk pisać:

Illustration of hands

Dobrowólnik

Rosćće a dźělće swoju kompetencu z druhimi. Wotmołwće na prašenja a polěpšće našu wědowu datowu banku.

Dalše informacije