Firefox Sync wam zmóžnja, cytańske znamjenja, dodanki, pśeglědowańsku historiju a druge informacje mjazy někotarymi rědami synchronizěrowaś. Toś ten nastawk wam pokazujo, kak móžośo toś te nastajenja wubraś. Za informacije, kak móžośo konto Sync załožyś abo swóje rědy zastojaś, glejśo Kak zarědujom Sync na swójom licadle?

Kótare informacije móžośo mjazy swójimi rědami źěliś?

Móžośo slědujuce informacije na swójich rědach synchronizěrowaś:

• Cytańske znamjenja: To wam pśistup k wšym swójim nejlubšym sedłam na wšych swójich synchronizěrowanych rědach zmóžnja.
• Historija: To wam pśistup k sedłam zmóžnja, ku kótarymž sćo se woglědał w zajźonosći na wšych swójich synchronizěrowanych rědach.
• Wócynjone rejtariki: Maśo pśistup k swójim wócynjonym rejtarikam z tłocaškom Synchronizěrowane rejtariki na swójom licadle, a w rejtariku Historija na swójom rěźe Android. Cytajśo nastawk Synchronizěrowane rejtariki z drugich rědow pokazaś za drobnostki.
• Pśizjawjenja a gronidła: To wužywaŕske mjenja a gronidła synchronizěrujo, kótarež wužywaśo, aby se pla websedłow pśizjawił. Jolic głowne gronidło wužywaśo, glejśo Using a Primary Password with Sync za wažne informacije wó tom, kak móžotej Sync a głowne gronidło ze sobu interagěruju.
• Adrese: To adrese synchronizěrujo, kótarež wužywaśo, aby formulary na webbokach wupołnił. Glejśo Automatically fill in your address on web forms.
• Kreditowe kórty: To daty kreditoweje kórty synchronizěrujo, kótarež sćo składł w Firefox. Glejśo Automatically fill in credit card information on Firefox for Android a Automatically fill in credit card and payment method data on Web forms.
• Dodanki: Wubjeŕśo toś ten kontrolny kašćik, jolic swóje dodanki mjazy swójimi rědami synchronizěrowaś. Dodanki za Firefox za desktop njedaju se z mobilnymi wersijami Firefox synchronizěrowaś.
• NastajenjaNastajenjaNastajenja : To nastajenja synchronizěrujo, kótarež sćo změnił, na pśikład waš startowy bok na desktopowych rědach.

Synchronizěrowańske informacije na licadle zastojaś

1. Klikniśo w menijowej rědce górjejce na wobrazowce na Firefox a wubjeŕśo Nastajenja. Klikniśo na menijowy tłocašk a wubjeŕśo NastajenjaNastajenja.Klikniśo na menijowy tłocašk a wubjeŕśo Nastajenja.

2. Klikniśo na Sync w menijowych nastajenjach, aby synchronizěrowańske wokno wócynił.
   • Jolic synchronizěrowańske wokno Synchronizacija: ZAŠALTOWANY pokazujo, klikniśo na Změniś….
   • Jolic Synchronizacija: WUŠALTOWANY pokazujo, klikniśo na Synchronizaciju zmóžniś…, aby synchronizaciju zmóžnił.
3. Wubjeŕśo w dialogu Wubjeŕśo, což ma se synchronizěrowaś, kótaryž se wócynja, kontrolne kašćiki pódla informacijow, kótarež cośo synchronizěrowaś.

   

4. Klikniśo Změny składowaś.

Synchronizěrowańske informacije na rěźe Android zastojaś

1. Pótusniśo menijowy tłocašk.

2. Pótusniśo Nastajenja.
3. Pótusniśo swóju e-mailowu adresu pód Konto, kótaraž se górjejce zjawijo.
4. Wubjeŕśo kontrolne kašćiki pódla typow informacijow, kótarež cośo synchronizěrowaś.

   

   • Waše změny budu se awtomatiski składowaś, gaž nastajenja spušćaśo.

Synchronizaciske informacije na iOS-rěźe zastojaś

1. Pótusniśo menijowy tłocašk dołojce na wobrazowce (meni buźo górjejce napšawo, jolic iPad wužywaśo):
   

2. Pótusniśo Nastajenja.
3. Pótusniśo pód Konto Firefox swóju e-mailowu adresu.
4. Pśejźćo k suwakoju pódla typow informacijow, kótarež cośo synchronizěrowaś.
   • Waše změny se awtomatiski składuju, gaž nastajenja spušćaśo.

Toś ten nastawk źěliś: https://mzl.la/3GfoSgM