Zapołožki (w Microsoft Edge Favoriten (fawority) mjenowane) su wotkazy k webstronam,kotrež składujeće, kotrež wam wosnadnjeja, so k najlubšim stronam wróćić. Tutón nastawk zakłady wujasnja, kak móžeće zapołožki składować a rjadować.

Kak móžu stronu jako zapołožku składować?

Zo byšće stronu jako zapołožku składował, klikńće prosće na hwěžku w adresowym polu.

Hwěžka so módri, hdyž so strona jako zapołožka składuje a wokno so wuskakuje, w kotrymž móžeće swoju zapołožku pomjenować, přesunyć abo woznamjenić.

Kak móžu mjeno abo městno zapołožki změnić?

Zo byšće podrobnosće swojeje zapołožki wobdźěłował: #Klikńće druhi raz na hwěžku, zo byšće dialogowe polo Zapołožku wobdźěłać wočinił.

1. 

2. W dialogowym polu Zapołožku wobdźěłać móžeće slědowace podrobnosće změnić:
   • Mjeno: To je mjeno, kotrež Firefox za zapołožku w meniju pokazuje.
   • Městno: Wubjerće, do kotreho rjadowaka ma so waša zapołožka składować. Wubjerće jedyn z wuběranskeho menija (na přikład meni zapołožkow abo lajstu zapołožkow). W tutym wuběranskim meniju móžeće tež na Wubrać… kliknyć, zo byšće lisćinu wšěch zapołožkowych rjadowakow pokazał abo nowy rjadowak wutworił.
     Po standardźe so zapołožki w rjadowaku składuja, kotryž sće jako posledni wužił (abo w lajsće zapołožkow, jeli swoju prěnju stronu jako zapołožku składujeće).
   • Znački: Móžeće znački wužiwać, kotrež wam pomhaja, waše zapołožki přepytować a organizować. Za dalše informacije hlejće Bookmark Tags - Categorize bookmarks to make them easy to find.
3. Klikńce na Składować, zo byšće wobdźěłowanje skónčił a wokno začinił.

Kak móžu zapołožku zhašeć?

Hlejće Kak so zapołožka zhaša?

Kak móžu swoje zapołožki organizować?

Wokno Biblioteka wam zmóžnja, wšě waše zapołožki sej wobhladać a organizować. Móžeće wokno biblioteki kaž deleka pokazane wočinić.

Klikńće na menijowe tłóčatko Wobraz "fx57menu" njeeksistuje., zo byšće menijowe wokno wočinił. Klikńće na Zapołožki a potom na lajstu Zapołožki rjadować deleka.

We woknje biblioteki zapołožkow móžeće:

• Ćehńće swoje zapołožki do druhich rjadowakow. Hlejće Rjadowaki zapołožkow za organizowanje wašich zapołožkow wužiwać, zo byšće wjace zhonił. Su někotre specialne rjadowaki:
  • Meni zapołožkow: Zapołožki w tutym rjadowaku so w meniju zapołožkow bóčnicy Firefox a menijoweje lajsty abo symboloweje lajsty zjewja.
  • Lajsta zapołožkow: Zapołožki w tutym rjadowaku so w lajsće zapołožkow zjewja, hdyž je zmóžnjena.
• Waše zapołožki sortěrować, zo byšće te spěšnje namakał, kotrež pytaće
• Pytajće swoje zapołožki po mjenje.
• Wobdźěłajće podrobnosće swojich zapołožkow, mjez nimi klučowe słowa (hlejće deleka).
• Wočińće zapołožku w aktualnym rajtarku a klikńće dwójce na nju.
• Klikńće z prawej tastu myškiDźeržće tastu control stłóčenu a klikńće na zapołožku, zo byšće druhe nastajenja w kontekstowym meniju widźał, na přikład W nowym rajtarku wočinić, W nowym priwatnym woknje wočinić, Zapołožku zhašeć atd.
• Zawěsćće, wobnowće, eksportujće abo importujće swoje zapołožki.

Kak mam přistup k swojim zapołožkam?

Z adresowym polom pytać

Zapisajće mjeno webstrony do adresoweho pola, zo byšće strony pytał, kotrež sće jako zapołožki składował. Hdyž pisaće, so lisćina webstronow jewi, kotrež sće jako zapołožki składował, woznamjenił a wopytał. Jako zapołožki składowane strony maja hwěžku pódla sebje. Pytanje da so na zapołožki wobmjezować, hdyž z * a mjezotu započinaće. Klikńće potom prosće na jednu ze stronow a hnydom so tam dóstanjeće. Zo byšće wjace zhonił, hlejće Namjety awtowudospołnjenja adresoweho pola w Firefox.

Abo aktiwizujeće pytanje za zapołožkami z hłowneho menija:

1. Klikńće na menijowe tłóčatko Wobraz "fx57menu" njeeksistuje., zo byšće menijowe wokno wočinił.
2. Klikńće na Zapołožki.
3. Klikńće na Zapołožki pytać, zo byšć pytanje za zapołožkami aktiwizował.
4. Zapodajće mjeno zapołožki, za kotrejž pytaće, do adresoweho pola.

Firefox wam jenož přitrjechace zapołožki pokazuje, hdyž pisaće.

Pokiw: Zapołožki pytać je tež w meniju zapołožkow k dispoziciji, kotryž je přistupny, jeli sće tłóčatko meni zapołožkow symbolowej lajsće přidał.

Lajsta zapołožkow

Lajsta zapołožkow Firefox wam spěšny přistup k husto wužiwanym zapołožkam skići. Za nowych wužiwarjow so zapołožki po standardźe tu placěruja.

Zo byšće lajstu zapołožkow zmóžnił:

Zo byšće wjace zhonił hlejće Lajsta zapołožkow - Pokazajće swoje najlubše websydła horjeka we woknje Firefox.

Rjadowak Druhe zapołožki

Budźeće symbol rjadowaka Druhe zapołožki na kóncu lajsty zapołožkow widźeć, jeli rjadowak Druhe zapołožki we wašej bibliotece zapołožki wobsahuje. To wosnadnja, zapołožki namakać, kotrež su w tym rjadowaku składowane. Zo byšće symbol rjadowaka Druhe zapołožki z lajsty zapołožkow wotstronił, hlejće Remove the Other Bookmarks folder from the Bookmarks Toolbar.

Bóčnica a meni Firefox

Móžeće wšě swoje zapołožki z bóčnicy Firefox a z menija Zapołožki w menijowej lajsće, jeli menijowa lajsta je zmóžnjena sej wobhladać a k nim přistup dóstał.

Tłóčatko „Meni zapołožkow“ na symbolowej lajsće

Tłóčatko menija zapołožkow so po standardźe njepokazuje, ale móžeće jo přidać, hdyž swoju symbolowu lajstu Firefox přiměrjeće.

Kak móžu symbolowej lajsće tłóčatko menija zapołožkow přidać?

1. Klikńće na menijowe tłóčatko a potom na Dalše nastroje a wubjerće Symbolowu lajstu přiměrić…
   • Wosebity rajtark so wočini, kotryž wam zmóžnja, zapiski do abo z přeběžkoweho menija a symboloweje lajsty přesunyć.
2. Ćehńće tłóčatko menija zapołožkow do symboloweje lajsty.
3. Klikńće na Dokónčeny.

Zo byšće tłóčatko wotstronił, přewjedźće horjeka podate kroki, zo byšće tłóčatko menija zapołožkow ze symboloweje lajsty ćahnył.

Kak móžeće klučowe słowa ze zapołožkami wužiwać

Móžeće klučowe słowa wužiwać, zo byšće lochki přistup k swojim zapołožkam měł. Hdyž zapołožce klučowe słowo připokazujeće, móžeće prosće klučowe słowo do adresoweho pola zapodać a Enter⏎ tłóčić, zo byšće zapołožku wočinił.

Zo byšće zapołožce klučowe słowo připokazał:

1. Wočińće wokno Biblioteka a wubjerće zapołožku.
2. Klikńbće na polo klučoweho słowa deleka we woknje.
3. Zapodajće swoje požadane klučowe słowo.
   • Klučowe słowo móže pismiki, cyfry a wosebite znamješka wobsahować (na přikład: - _ ' " , . : ; = / \ ( ) [ ] { } ! & @ ~). Njesmě mjezoty wobsahować a njesmě so ze slědowacymi znamješkami započeć ao skónčić: ? * ^ $ % # +
   • Klučowe słowo njesmě samsne kaž klučowe słowo pytawy być. Jeli na přikład pytawa ma klučowe słowo @g, klučowe słowo zapołožki njesmě @g być, ale móže g być.
   • Jeli wubrane klučowe słowo je hižo druhej zapołožće připokazane, budźe so nowej zapołožce znowa připokazować.

Kak móžu zapołožki z druheho wobhladowaka abo profila importować?

Firefox wam zmóžnja, zapołožki z druhich wobhladowakow importować, kotrež su na wašim ličaku instalowane. Zmóžnja wam tež, druhe daty z někotrych tutych wobhladowakow importować, na přikład přehladowansku historiju a składowane hesła. Zo byšće wjace zhonił, hlejće Daty z druheho wobhladowaka importować.

Podobne nastawki

Zhońće wjace wo tym, kak móžeće najlěpše ze swojich zapołožkow wućahnyć, hlejće slědowace nastawki:

• Wotrězk Zapołožki z tastowych skrótšenkow, zo byšće widźał, kak móžeće spěšny přistup k rozdźělnym funkcijam zapołožkow měł.
• Sync konfigurować, zo bychu so zapołožki, wočinjene rajtarki a wjace z druhim profilom, ličakom abo mobilnym gratom dźělili.