Witajśo k Firefox za iOS! Toś ta wersija wopśimujo nowe pólěpšenja, kótarež wam zmóžnjaju, skłaźone gronidła zastojaś, boki z pytanja Spotlight w Firefox wócyniś a 3D Touch za spěšne pśeglěd abo zacytowanje bokow z wašeje rejtarkoweje lisćiny abo startoweje wobrazowki wužywaś.
Rejtarki Firefox ze startoweje wobrazowki z 3D Touch (iPhone 6S a nowše rědy) wócyniś
Mějśo malsny pśistup na Firefox z menija z 3D Touch na nowych rědach. Tłocćo symbol Firefox na wašej startowej wobrazowce, aby nowe rejtarki wócynił abo aby pśistup na swóju slědne cytańske znamje měł.
Pśeglěd bokow we wašej rejtarkowej lisćinje (iPhone 6S a nowše rědy)
Firefox funkcioněrujo něnto z 3D Touch, aby wy mógał pśeglěd webbokow w swójej rejtarkowej lisćinje wiźeś bźez togo, aby musył je wócyniś. Tłocćo na rejtark, daniž se njepówětšujo a trějśo pótom, aby wěcej nastajenjow wiźeł.
Webbok pśez pytanje Spotlight w Firefox wócyniś
Firefox jo něnto w pytanju Spotlight integrěrowany, aby wy pśistup na nejnowše wócynjone rejtarki w pytańskich wuslědkach měł.
Pśizjawjeńske informacije składowaś a zastojaś
Firefox móžo waše pśizjawjeńske informacije składowaś, až njeby wy je trjebał kuždy raz zapódaś. Zastojnik gronidłow wam teke zmóžnja, waše skłaźone pśizjawjenja se woglědaś, wobźěłaś abo wulašowaś.
Na boku pytaś
Funkcija Na boku pytaś wam zmóžnja, z mało dotyknjenjami słowa abo wuraze na webboku pytaś. Pótusniśo jadnorje Na boku pytaś w meniju Źěliś abo wuzwigniśo słowo, kótarež cośo pytaś a wubjeŕśo Na boku pytaś w meniju, kótaryž se pokazujo.
