Toś ten nastawk wopisujo nastajenja wótrězka Powšykny boka NastajenjaNastajenjaNastajenja Mozilla Firefox.

Z wótrězkom Powškny móžośo:

Firefox ako standardny wobglědowak póstajiś a nastajiś, lěc pśěglědujo se pśi startowanju, lěc Firefox jo standardny wobglědowak abo nic.
nastajiś, kótare boki Firefox pokazujo, gaž startujośo swój wobglědowak abo kliknjośo na symbol startowego boka
nastajiś, což Firefox ma cyniś, gaž dataje se ześěguju
swóje nastajenja za rejtarki zastojaś

Zapis wopśimjeśa

Start

Pśecej kontrolěrowaś, lěc Firefox jo waš standardny wobglědowak: Wubjeŕśo toś to nastajenje, jolic cośo pśi startowanju kontrolěrowaś, lěc Firefox jo standardny wobglědowak. Jolic Firefox jo waš standardny wobglědowak, se zawěsćujo, až Firefox se wužywa, gažkuli nałoženje wopytujo webbok zwobraznjowaś.
- Jolic Firefox tuchylu njejo waš standardny wobglědowak, klikniśo na K standardoju cyniś, aby jen k standardoju cynił. Glejśo Firefox ako standardny wobglědowak póstajiś za drobnostki.

Gaž Firefox startujo: Wóźi, což Firefox pokazujo, gaž jen startujośo.
- Startowy bok pokazaś - Pokazujo startowy bok, kótaryž jo se dołojce nastajił.
- Prozny bok pokazaś - Pokazujo prozny bok, kótaryž dajo se nejmalsnjej zacytowaś.
- Wokna a rejtarki wót slědnego raza pokazaś - Wótnowja boki, ku kótarymž sćo se slědny raz woglědał, gaž sćo Firefox zacynił. Za dalšne informacije glejśo Pjerwjejšne pósejźenje zasej wótnowiś - waše nejnowše rejtariki a wokna zasej pokazaś.
Startowy bok:
Wóźi, kótary bok abo kótare boki Firefox pokazujo, gaž kliknjośo na symbol boka na nawigaciskej rědce. Jolic sćo pód Gaž Firefox startujo (glejśo górjejce) Startowy bok wubrał, buźo se pódany bok zacytowaś, gaž Firefox se startujo. Za dalšne informacije glejśo Startowy bok póstajiś. Wažny: Jolic waš startowy pśecej zasej awtomatiski změnja, glejśo How to remove the Babylon toolbar, home page and search engine abo Symbolowe rědki wótpóraś, kótarež su wašo pytanje Firefox a waš startowy bok změnili.

Dataje składowaś do:
Jolic toś to nastajenje jo wubrane, buźo Firefox wšykne ześěgnjenja awtomatiski do pódanego zarědnika składowaś (na pśikład na desktop abo do wašogo ześěgnjeńskego zarědnika). Aby zarědnik změnił, klikniśo na Pśepytaś…Wubraś….
Pśecej se pšašaś, źož dataje maju se składowaś:
Jolic toś to nastajenje jo wubrane, buźo was Firefox pšosyś, zarědnik za kužde ześěgnjenje wubraś, kótarež cośo składowaś.

Nowe wokna w nowem rejtarku wócyniś: Toś to nastajenjenastajenje wóźi, lěc wótkaze z drugich nałoženjow abo webbokow, kótarež pšose wó to, se w nowych woknach wócyniś, wócyniju se w nowem woknje abo w nowem rejtarku w aktualnem woknje.
Glědajśo: Jolic cośo boki w nowych rejtarkach wócyniś, buźo Firefox toś to nastajenjenastajenje ignorěrowaś a nowe wokno wót wótkaza wócyniś, jolic awtor boka jo pódał, až nowe wokno ma wěstu wjelikosć, dokulaž někotare boki daju se jano z wěsteju wjelikosću korektnje zwobrazniś.

Warnowaś, gaž někotare rejtarki se zacynjaju: Gaž zacynjaśo wokno z někotarymi rejtarkami, buźo was Firefox pšosyś, waš wuběrk wobkšuśiś. To zajźujo mimowólnemu zacynjanjeju cełego wokna, gaž cośo jano aktualny rejtark zacyniś. Wótpórajśo kokulku za toś to nastajenjenastajenje, aby toś to warnowanje znjemóžnił a Firefox wokno awtomatiski zacyniś dał.

Pokaz: Toś to nastajenje njewustatkujo se na warnowanje, gaž druge rejtarki zacynjaju se we woknje.

Warnowaś, gaby wócynjanje někotarych rejtarkow mógło Firefox spómałšyś: Gaž wócynjaśo wjele rejtarkow naraz, buźo was Firefox pšosyś, waš wuběrk wobkšuśiś. To zajźujo mimowólnemu spómałšowanjeju wašogo systema, mjaztym až boki se zacytuju. Wótpórajśo kokulku za toś to nastajenjenastajenje, aby toś to warnowanje znjemóžnił.

(Jolic pśitrjefijo) Warnowaś, gaž se někotare rejtarki zacynjaju: Gaž wokno z někotarymi rejtarkami zacynjaśo, Firefox pokazujo warnowański dialog (glejśo dołojce), aby wy swój wuběrk wobkšuśił. Toś to nastajenjenastajenje jo k dispoziciji, jolic sćo warnowanje znjemóžnił. Stajśo kokulku pśed toś to nastajenjenastajenje, aby jo zasej zmóžnił.

Toś to warnowanje pomaga zajźowaś, až pśipadnje zacynjaśo cełe wokno, gaž cośo jano aktualny rejtark zacyniś.
Glědajśo: Toś to nastajenje se na warnowanje njewustatkujo, gaž zacynjaśo druge rejtarki we woknje.

(Jolic pśitrjefijo) Warnowaś, gaby wócynjanje někotarych rejtarkow mógło Firefox spómałšyś:: Gaž wócynjaśo wjele rejtarkow naraz, buźo was Firefox pšosyś, waš wuběrk wobkšuśiś. To zajźujo mimowólnemu spómałšowanjeju wašogo systema, mjaztym až boki se zacytuju. Toś to nastajenjenastajenje jo k dispoziciji, jolic sćo warnowanje znjemóžnił. Stajśo kokulku pśed toś to nastajenjenastajenje, aby wy jo zasej zmóžnił.

Rejtarki njezacytaś, až njejsu wubrane: Firefox buźo aktiwny rejtark jano zacytowaś, gaž se startujo abo wašo pjerwjejšne pósejźenje se wótnowja. To móžo start póspěšyś, jolic wótnowjaśo wjele rejtarkow. Druge wócynjone rejtarki budu se akle zacytowaś, gaž na nje kliknjośo.

Ned na wótkaz pśešaltowaś, kótaryž jo se w nowem rejtarku wócynił: Gaž kliknjośo ze srjeźneju tastu na webwótkaz (abo źaržyśo tastu Strgcmd ⌘ tłoconu, mjaztym až kliknjośo z lěweju tastu myški), wócynijo se bok w nowem rejtarku. Ten bok se njepokazujo a zacytujo se jano w slězynowem rejtarku. Zmóžniśo toś to nastajenjenastajenje, aby bok w prědkowem rejtarku zacytował a pokazował.

Rejtarkowe pśeglědy we Windowsowej nadawkowej rědce pokazaś: Gaž gibjośo špěru nad symbol Firefox w nadawkowej rědce Winodws, buźo Windows pśeglěd wokna Firefox pokazowaś. Gaž toś to nastajenje jo zmóžnjone, buźo Windows separatny pśeglěd za kuždy rejtark pokazowaś.