Gaž se websedło w Firefox woglědujośo, móžośo na boku za słowami, wurazami abo wótkazami pytaś. Firefox wam pokažo, źož se pśiduce wustupowanje wašogo zapódanego wuraza na boku pokazujo a wam zmóžnja, wšykne wustupowanja na boku wuzwignuś.
Zapis wopśimjeśa
Pytańsku rědku wužywaś
Aby na boku za tekstom pytał:
- Klikniśo na menijowy tłocašk Wobraz "fx57menu" njeeksistěrujo. a pón na abo wužywajśo tastowu skrotconku Strgcmd ⌘+F. Pytańska pólo se dołojce we woknje zjawijo.
- Zapódajśo wuraz do pytańskego póla. Firefox prědne wustupowanje wašogo pytańskego wuraza wuzwignijo, mjaztym až pišośo.
- Jolic nastajenje Wšyne wuzwignuś jo wubrane, se teke wšykne druge wustupowanja w drugej barwje wuzwiguju.
- Numer rowno wuzwignjonego wustupowanja a cełkowna licba wustupowanjow se w pytańskej rědce pokazujotej. Jolic nic njejo se namakało, se tekst Pytański wuraz njejo se namakał pokazujo.
- Klikniśo na šypce Dalej a Slědk, aby wót wustupowanja do wustupowanja skócył.
- Klikniśo na X abo tłocćo Esc, aby pytańsku rědku zacynił.
Móžośo jadno ze slědujucych nastajenjow zmóžniś abo znjemóžniś, aby pytańske wuslědki změnił:
- Wšykne wuzwignuś: Wuzwignjo wšykne wustupowanja, kótarež pytańskemu wurazoju wótpowěduju, kótaryž sćo zapodał. Klikniśo hyšći raz, aby wuzwignjenje znjemóžnił.
- Na wjelikopisanje źiwaś: Jolic to jo zmóžnjone, pytanje rozeznawa mjazy mało- a wjelikopisanim. Gaž pytaśo za pytańskim wurazom pytanje, namakajośo w normalnem paźe teke wšykne wustupowanja pytańskego wuraza Pytanje na boku, gaž wužywaśo pytańsku rědku. Jolic toś to nastajenje je wubrane, se jano wustupowanja pytańskego wuraza namakaju, kótaryž sćo zapodał.
- Na diakritiske znamuška źiwaś: Gaž toś to nastajenje jo wubrane, pytanje mjaz pismikami z akcentami a wótpowědnymi pismikami bźez akcentow rozeznawa. Na pśikład pytanje za stoł stol njenamakajo.
- Cełe słowa: To jano cełe słowa wuzwignjo, kótarež wašomu pytanjeju wótpowěduju.
Malsne pytanje
Pólo malsnego pytanja jo wužytne za malsne pytanja a zgubijo se pó mało wokognuśach.
Tłocćo tastu / (normalna nakósna smužka), gaž njejsćo w tekstowem pólu, aby pólo za malsne pytanje wócynił. Zapišćo pón, za cymž cośo pytaś.
Pólo malsnego pytanja njama wšykne wóźeńske elementy a nastajenja pytańskeje rědki, jano pytańske pólo a tłocašk „Zacyniś“ (x), ale pytanje ma se pó nastajenjach, kótarež su w połnej pytańskej rědce wubrane. Wubrane nastajenja su pódla pytańskego póla.
Aby pólo malsnego pytanja zacynił, cakajśo mało wokogknuśow, daniž se njezgubijo, abo tłocćo tastu Esc na tastaturje, aby ned zacynił. Móžośo něźi na městno w Firefox kliknuś, kótarež njejo w pólu malsnego pytanja, aby jo zacynił.
Jano wótkaze pytaś
Jolic cośo jano wuraze namakaś, kótarež wustupuju we wótkazach na boku, kótaruž se woglědujośo:
- Tłocćo ' (jadnora pazorka), mjaztym až njejsćo w tekstowem pólu, aby se pólo spěšnego pytanja (jano wótkaze) zjawiło.
- Zapišćo pytański wuraz do póla spěšnego pytanja (jano wótkaze). Prědny wótkaz, kótaryž wopisujo zapisany wuraz, se wubjerjo.
Na boku awtomatiski pytaś, mjaztym až pišośo
Firefox móžo za wurazami pytaś, kótarež sćo zapódał, bźez togo, aby wy museł pytańsku rědku wócyniś. Aby toś tu funkciju zmóžnił:
-
Klikniśo w menijowej rědce górjejce na wobrazowce na a wubjeŕśo . Klikniśo na menijowy tłocašk
a wubjeŕśo .Klikniśo na menijowy tłocašk a wubjeŕśo .
- Wubjeŕśo wokno .
- Nawigěrujśo k wótrězkoju Pśeglědowanje.
- Stajśo kokulku do kašćika pódla Pśi pisanju tekst pytaś.
- Zacyńśo bok about:preferences. Wšykne změny, kótarež sćo pśewjadł, budu se awtomatiski składowaś.
Za tym až sćo zmóžnił toś tu funkciju, se pólo malsnego pytanja awtomatiski pokažo, gaž do websedła zwenka tekstowego póla pišośo.
Tastowe skrotconki
- Tłocćo Strgcmd ⌘+F, aby pytańsku rědku pokazał.
- Tłocćo /, aby pólo malsnego pytanja pokazał, gaž sćo zwenka tekstowego póla.
- Tłocćo ', aby pólo malsnego pytanja pokazał (jano za wótkaze), gaž sćo zwenka tekstowego póla.
- Tłocćo Strgcmd ⌘+G abo F3, aby pśiduce wustupowanje swójogo pytańskego wuraza abo wótkaz wuzwignuł, samo gaž njeby pólo za malsne pytanje widobne.
- Tłocćo ⇧+Strgcmd ⌘+G abo ⇧+F3, aby pjerwjejšne wustupowanje wuzwignuł
- Tłocćo Esc, aby rowno widobnu pytańsku rědku zacynił, mjaztym až ma fokus a pśetergniśo wuzwignjenje.
