Ky artikull shpjegon çfarë të bëni nëse shihni mesazhin e gabimit "Faqerojtësit dhe historiku nuk janë funksionalë, ngaqë një prej kartelave të Firefox-it po përdoret nga një tjetër zbatim", sapo nisni Firefox-in.

A e shihni këtë mesazh gabimi kur nisni Firefox-in?

Kjo ndodh kur kartela (me emrin places.sqlite) që mban faqerojtësit tuaj dhe historikun e shfletimit nuk hapet dot nga Firefox-i. Ky artikull mbulon dy rrugëzgjidhje të mundshme.

Nëse nuk e shihni gabimin e mësipërm, atëherë do të duhej të provonit një nga këta artikuj më mirë:

• Faqerojtësit dhe butonat e panelit nuk po punojnë pas përditësimit
• Faqerojtës të Humbur
• Faqerojtës të paruajtur
• Mungojnë Mbrapsht dhe Para, ose të tjerë elemente paneli

Zgjidhje 1: Rinisni kompjuterin tuaj

Shkaqet më të rëndomta të këtij gabimi janë përdorimi i kartelës nga ndonjë program tjetër ose një problem me vetë kartelën, i shkaktuar kur kompjuteri është fikur papritmas (bie fjala, nga ndërprerja e energjisë). Lajmi i mirë këtu është që shumicën e rasteve, thjesht një nisje e kompjuterit tuaj dhe mandej rinisja e Firefox-it janë zgjidhje për të dy problemet.

Zgjidhja 2: Krijoni një bazë të re të dhënash për vendet

Nëse rinisja e kompjuterit tuaj nuk bën gjë, këtë mund ta ndreqni duke e bërë Firefox-in t'ju krijojë një bazë të re të dhënash për vendet. Mos u merakosni, nuk është aq e vështirë sa duket.

Pjesa 1 – Hapni dosjen tuaj të profilit

Pjesa 2 – Krijoni bazën e të dhënave

1. Në krye të dritares së Firefox-it, klikoni mbi butonin Firefox (menunë File nën Windows XP) dhe mandej klikoni DilTe shtylla e menuve, klikoni mbi menunë Firefox dhe përzgjidhni Dil nga Firefox-iNë krye të dritares së Firefox-it, klikoni mbi menunë Kartelë dhe përzgjidhni DilNë krye të dritares së Firefox-it, klikoni mbi menunë File dhe përzgjidhni DilTe shtylla e menuve, klikoni te menuja Firefox dhe përzgjidhni Dil nga FirefoxNë krye të dritares së Firefox-it, klikoni mbi menunë Kartelë dhe përzgjidhni Dil. Prisni deri sa Firefox-i të jetë mbyllur plotësisht.
2. Te dosja e profilit të Firefox-it, gjeni dhe riemërtoni kartelat places.sqlite dhe places.sqlite-journal (në pastë).
   • Për të riemërtuar një kartelë, djathtasklikoni mbi të dhe përzgjidhni Riemërto te menujaklikoni një herë mbi të për ta përzgjedhur dhe mandej klikoni sërish te emri i kartelës për ta bërë të përpunueshëm. Mandej shtoni .old në fund të emrit të saj.
3. Së fundi, rihapeni Firefox-in.
   • Kur Firefox-i të rihapet, do të krijojë një bazë të re të dhënash për vendet. Historiku juaj i shfletimit do të humbë, por Firefox-i do të importojë vetvetiu faqerojtësit tuaj prej kartelës kopjeruajtje më të freskët.
   • Nëse faqerojtësit tuaj nuk u rikthyen pas krijimit të një baze të re të dhënash për vendet, provoni hapat e artikullit Faqerojtës të Humbur.

Ndihmë! Kjo nuk e ndreqi problemin tim.

Ky problem ka simptoma që janë të ngjashme me ato të një numri problemesh të tjerë. Ndoshta ndonjë prej këtyre artikujve e përshkruan më mirë problemin tuaj.

• Faqerojtësit dhe butonat e panelit nuk po punojnë pas përditësimit
• Faqerojtës të Humbur
• Faqerojtës të paruajtur
• Mungojnë Mbrapsht dhe Para, ose të tjerë elemente paneli